Pakistan and Wolrd (views on news)

Pakistan and Wolrd (views on news): امریکی فوج،پاکستان سمیت135ممالک میں

2011-12-09T06:47:00.000-08:00

Pakistan and Wolrd (views on news): امریکی فوج،پاکستان سمیت135ممالک میں

امریکی فوج،پاکستان سمیت135ممالک میں

2011-12-09T06:41:00.001-08:00

امریکی فوج،پاکستان سمیت135ممالک میں

جنگی جنون میں مبتلا عالمی سپر پاور ملک امریکہ کی فوج اس وقت بر اعظم ایشیا کے اہم ترین ملک پاکستان سمیت دنیا کے135 ممالک میں موجود ہے جن پر یومیہ اربوں ڈالر خرچ کیا جارہا ہے۔

امریکی محکمہ دفاع کی ویب سائٹ کے مطابق امریکی آرمی، نیوی، میرین، ایئر فورس اور کوسٹ گارڈ پر مشتمل لاکھوں فوجیوں کے دستے دنیا کے 135 ممالک کے800 سے زائد اہم جگہوں پر موجود ہیں جب کہ امریکا نے پاکستان سمیت دنیا کے کئی اہم ممالک میں اپنے فوجی اڈے بھی قائم کررکھے ہیں۔

عالمی حکمرانی کا خواب دیکھنے والے امریکہ کی فوج اس وقت جرمنی ، برطانیہ، جاپان، اٹلی، کوریا، یورپ، سوویت یونین، پاکستان، افریقہ، ایشیا اور یورپ کے135 ممالک میں ہتھیاروں اور جنگی ساز و سامان سے مسلح ہو کر اپنے اہداف کے حصول میں مصروف ہے۔

دی نیوز ٹرائب کی تحقیقاتی رپورٹ کے مطابق گزشتہ برس کے آخر تک عراق میں 85 ہزارسے زائد امریکی فوجی اہلکار موجود تھے جب کہ افغانستان میں ایک لاکھ 37 ہزار سے زائد، جرمنی میں 52 ہزار ، جاپان میں 36 ہزار کے قریب، عوامی جمہوریہ کوریا میں 29 ہزار ، اٹلی میں 10 ہزار، جب کہ برطانیہ میں 9 ہزار سے زائد امریکی فوجی موجود ہیں۔

امریکی محکمہ دفاع کے مطابق دہشتگردی کے خلاف جنگ میں امریکہ کے اہم اتحادی پاکستان میں صرف 146 امریکی فوجی اہلکار موجود ہیں جن میں 130 میرین، 11 ایئر فورس اور 6 آرمی سے تعلق رکھتے ہیں۔

سال 2010 کے اختتام تک 78 ہزار کے قریب امریکی فوجی یورپ میں موجود تھے جب کہ سوویت یونین میں ان کی تعداد 150بتائی گئی ہے، مشرقی ایشیا کے مختلف ممالک میں 48 ہزار ، شمالی افریقہ کے مختلف ممالک میں ساڑھے تین ہزار ، جنوبی اور مشرقی افریقہ کے مختلف ممالک میں 1400 سے زائد جب کہ افریقی صحارہ کے علاقوں میں 2000 کے قریب امریکی اہلکار موجود تھے۔

دستیاب رپورٹس کے مطابق امریکہ کا جنگی بجٹ پوری دنیا کے دفاعی اخراجات کا 43 فیصد حصہ ہے، امریکہ کا سالانہ جنگی بجٹ 698 ارب ڈالر تک ہے جب کہ سال 2010 میں امریکی جنگی بجٹ کے لئے 553 ارب ڈالر رکھے گئے تھے۔

دنیا بھر میں موجود لاکھوں امریکی فوجی اہلکاروں کا اربوں روپے کا بجٹ امریکی معیشت کے لئے جان لیوا ثابت ہوا ہے اور حکومت اندرونی و بیرونی قرضوں میں ڈوبی ہوئی ہے، گرتے ہوئے ممالک کو سہارا دینے کا شوق رکھنے والا امریکہ اس وقت در حقیقت خود بکھر چکا ہے۔

گزشتہ ماہ کے آخر میں پاک، افغان سرحد پہ قائم سلالہ چیک پوسٹ پر نیٹو حملے میں کم سے کم 24 پاکستانی فوجیوں کی شہادت کے بعد پاکستان نے نیٹو کو تیل کی فراہمی بند کردی تھی جس کی وجہ سے نیٹو کو تیل حاصل کرنا حد سے زیادہ مہنگا پڑ رہا ہے جب کہ نیٹو کو اشیاء خردونوش اور ضروری اشیاء ہیلی کاپٹر کے ذریعے پہنچائی جاتی ہیں۔

یادر ہے کہ امریکی وزیر خارجہ ہیلری کلنٹن نے چند روز قبل امریکا کے فارن پالیسی نامی میگزین میں تحریر کیے اپنے آرٹیکل میں دنیاکے ملکوں پر حملے کو نئی تجارتی منڈیاں تلاش کرنے کا ایک طریقہ بتایا تھا۔

پاکستان اور بندر

2011-12-09T06:22:00.000-08:00

پاکستان اور بندر

ایک ہیٹ بیچنے والا دوپہر کے وقت ایک درخت کے سائے تلے سوگیا تاکہ کچھ آرام کرے۔ برابر میں ہیٹ (Hat) کی ٹوکری رکھی تھی۔ جب وہ سو کر اٹھا تو اس نے دیکھا کہ ٹوکری غائب ہے۔ اچانک اس کی نظر درخت کے اوپر پڑی جہاں بندر اس کے ہیٹوں سے کھیل رہے تھے۔ وہ پریشانی کے عالم میں اپنا سر کھجانے لگا لیکن وہ حیران رہ گیا کہ بندر بھی اس کی پیروی کرتے ہوئے سر کھجا رہے ہیں ۔ اس نے ایک دو حرکتیں اور کیں اور دیکھا کہ بندر اس کی ہر حرکت کی نقل کر رہے ہیں ۔ اچانک اس کے ذہن میں ایک آئیڈیا آیا۔ اس نے اپنے سر پر سے ہیٹ اتار کر زمین پر پھینک دیا۔ تمام بندروں نے اس کی پیروی میں اپنے ہیٹ زمین پر پھینک دیے۔ اس طرح ہیٹ کے مالک نے انہیں جمع کیا اور اپنی راہ لی۔

اتفاق سے اسی ہیٹ بیچنے والے کا ایک پوتا بھی ہیٹ فروش بن گیا۔ اس نے اپنے دادا سے یہ کہانی سن رکھی تھی۔ اس نے آزمانے کے لیے ایک دن ہیٹ ٹوکری میں ڈالے اور ایک درخت کے نیچے سستانے لیٹ گیا۔ اس کی توقع کے عین مطابق کچھ دیر بعد بندر اس کی ٹوکری لے اڑے۔ اس نے اپنا سر کھجانا شروع کیا تو بندروں نے بھی اس کی نقل کی۔ یہاں تک کہ اس نے اپنا ہیٹ زمین پر پھینکا۔ وہ ابھی سوچ ہی رہا تھا کہ ایک بندر نیچے اترا اور اس کا زمین پر پڑا ہوا ہیٹ اٹھایا پھر اس نے ہیٹ فروش کے ایک تھپڑ رسید کیا اور بولا ’’بیوقوف! کیا تو یہ سمجھتا ہے کہ صرف تیرا ہی دادا تھا‘‘؟

ہماری سوسائٹی میں دوسروں کو بیوقوف بنانے کی وبا عام ہے۔ اپنے مفاد کی خاطر ہر شخص دوسرے کا گلا کاٹنے پر تلا ہے۔ اس ’’ڈیڑھ ہوشیاری‘‘ کے سحر میں ایک فیکٹری کا مالک بھی ملوث ہے اور ایک پھل فروش بھی۔ ایک دودھ والا مہنگائی کا نعرہ لگاتے ہوئے دودھ کی قیمت میں ناجائز اضافہ کر دیتا ہے۔ وہ سمجھتا ہے کہ صرف وہ ہی عقل مند ہے اور دوسرے بیوقوف ہیں۔ لیکن پھر دوسرے لوگ بھی چالاکی سیکھ لیتے ہیں ۔ چنانچہ وہ دودھ والا جب ناجائز منافع اپنی جیب میں بھر کے بازار میں نکلتا ہے تو اسے معلوم ہوتا ہے کہ یہاں تو اس سے بھی بڑے ’’ڈیڑھ ہوشیار‘‘موجود ہیں جو اس کے ناجائز منافع کو سود کے ساتھ وصول کرنے پر تلے ہوئے ہیں ۔

اس وقت ہماری پوری سوسائیٹی مہنگائی کا رونا رو رہی ہے۔ اس مہنگائی کے کئی اسباب میں سے ایک سبب دوسرے کو بیوقوف بنانا ہے لیکن اس عمل کی مثال ٹینس (Tennis) کی بال کی مانند ہے جسے جتنی قوت سے دیوار پر مارا جائے گا وہ اتنی ہی شدت سے واپس پلٹ آئے گی۔

دوسروں کو بیوقوف مت سمجھئے کیونکہ دوسرا بھی آپ کے بارے میں یہی سوچ سکتا ہے۔ اکثر چالاکی کرنے والا خود ہی بیوقوف بن جاتا ہے۔

by Waheed baloch

جاوید احمد غامدی المعروف کاکو شاہ اور امریکی اسلام

2011-12-09T06:20:00.000-08:00

المیہ یہ نہیں کہ لوگ دین کا فہم نہیں رکھتے بلکہ یہ ہے کہ بعض قوتیں دین کا نام لے کر دین پر حملہ آور ہیں دینی اصلاحات کی آڑ لے کر دین کی روح کو کچلنے کے درپے ہیں ان کے عزائم مخفی ہیں نہ ہتھکنڈے نئے بلکہ سب کچھ واضع اور صاف نظر آنے کے باوجود تحفظ دین کے ذمداران اچکوں کی وارداتوں پر مہر بلب ہیں، بلکہ اٹھائی گیروں کی حرکتوں کو دیکھنے اور جانتے ہوئے چپ ہیں کہ انتہا پسندی کا الزام نہ لگ جائے، ہماری رواداری پر دھبہ نہ لگ جائے دین چاہئے بدنام ہو اس کا چاہئے کوئی حلیہ بگاڑ دے بس ہم پر الزام نہ آئے ہمیں کانٹا نہ چھبے ہمیں برا نہ کیا جائے۔۔

اس احتیاط پسندی کا نتیجہ ہے کہ آج کاکوشاہ جیسے لوگ شارح دین ہونے کے دعویدار ہیں دین کی روح سے ناواقف لوگ اجتہاد کی کبڈی میں مصروف ہیں اور حالت یہ ہے کہ کشمالہ طارق کہتی ہیں (میں اجتہاد کروں گی) اجتہاد کیا ہے؟؟؟۔۔۔ اس کی شرائط کیا ہیں؟؟؟

جن لوگوں نے اپنے عزائم اور فاسد نظریات کی ترویج میں احادیث کو رکاوٹ گردانا ، انہوں نے حجیت حدیث کا انکارکیا، جن لوگوں نے صحابہ کرام کے طرز عمل اور اسوہ کو اپنی خواہشات کی تکمیل کے لئے آڑ سمجھا، انہوں نے اجماع صحابہ اور اجماع امت سے منہ پھیرلیا۔ جنہوں نے فقہائے کرام کی تحقیقات وتدقیقات اور استنباط کو اپنی نفس پرستی اور خواہش پرستی کے سامنے دیوار سمجھا، انہوں نے فقہائے کرام کی تقلید کاسرے سے انکار کردیا۔
ٹی وی پروگراموں سے شہرت پانے والے جاوید احمد غامدی جو دین و شریعت کے ہر مسئلہ کو اپنی عقل کی میزان پر تولتے ہیں اور ان کی عقل رسا میں جو مسئلہ فٹ نہیں بیٹھتا تو اس کا انکار کرنا اپنا فرض منصبی اور ضروری حق گردانتے ہیں۔ موصوف کی کج راہیوں کی ایک طویل فہرست ہے، مختصر یہ کہ مسلمات امت کے باغی، ہم جنس پرستی کے مجوز، حد رجم کے قائل نہیں، سزائے ارتداد کے منکر، اجماع امت اور حدیث سے نالاں اور خفا ہیں۔

یوں تو ...جیسا کہ پہلے عرض کیا گیا ہے ... جناب جاوید احمد غامدی صاحب نے بے شمار منصوص اور قطعی عقائد اور اسلامی نظریات کے بارہ میں قرآن، سنت، اجماع امت اور امت مسلمہ کے چودہ سو سالہ تعامل کے خلاف الگ راہ اختیار کی ہے، تاہم ان میں سے چند ایک درج ذیل ہیں: وہ سزائے ارتداد کے منکر ہیں، وہ رجم کے حد شرعی ہونے سے انکاری ہیں، وہ مرد اور عورت کی دیت میں فرق کے قائل نہیں، وہ حیات و نزول عیسیٰ علیہ السلام کے قطعی عقیدہ کے منکر ہیں، وہ فرد کی حد تک جہاد کے منکر ہیں، وہ افراد امت کو نہی عن المنکر کا مامور نہیں مانتے، وہ اجماع امت کو پرکاہ کا درجہ نہیں دیتے، وہ سنت کے قائل نہیں وغیرہ وغیرہ۔

اس شخصیت کی تلاش میں کچھ زیادہ دور جانے کی ضرورت نہیں پڑتی۔ کوئی بھی ٹی وی چینل کھول لیں اس پر دینی اقدار اور دینی روایات کے خلاف اپنی سوچ کو بطور حجت پیش کرتے ہوئے جو شخص دکھائی دے وہی حکومت کا فیضی یعنی (علامہ) جاوید غامدی ہے۔جن کا سنت کی تعریف سے لے کر قرآن حکیم تک اُمت سے اختلاف ہے اور موصوف کا دعوٰی ہے کہ چودہ سوبرس میں دین کی کو ان کے سوا کوئی سمجھ ہی نہیں سکا۔ وہ صحابہ رضی اللہ عنہ کے اعمال و فیصلوں سے لے کر آئمہ احادیث تک سے اختلاف کرتے ہیں اور جہاں دال نہ گلے قرآن کو چھوڑ کر تورات اور انجیل تک سے اپنے مقصد کے احکامات نکال لینے میں ثانی نہیں رکھتے۔ خود کو علامہ کہلواتے ہیں لیکن مبلغ علمی اتنا ہے کہ بی اے کرنے کے بعد علم کا دورہ پڑا اور پھر ازخود مطالعہ کرتے کرتے مجتہدین بن بیٹھے۔ ان کے ساتھ سب سے بڑا مسئلہ یہ ہے کہ ہر چند برس بعد ان کے نظریات میں جوہری تبدیلی واقع ہوتی ہے اس کے ساتھ ہی ان کے ساتھی انہیں چھوڑ جاتے ہیں اور وہ نہ صرف اپنے نظریات بلکہ ساتھیوں کو بھی چھوڑ کر اگلی منزلوں کی طرف کوچ کرجاتے ہیں۔۔۔

حددو اللہ کے خلاف سازش کی قیادت کے علاوہ موصوف پورے اسلامی معاشرے کو روشن خیال بنانے کی فکر رکھنتے ہیں اسی باعث ان کے نزدیک، گانا بجانا، رقص و سردوست جائز ہے پردہ جہالت کی نشانی ہے اگر مغرب پسند نہیں کرتا تو ہمیں پردہ پر اصرار نہیں کرنا چاہئے۔ ستر عورت کے حوالے سے ان کے خیالات میں تغیروتبدل آتا رہتا ہے بعض اوقات جذباتی ہو کر یہاں تک چلے جاتے ہیں کہ فقہ حنفی میں مرد و عورت کا ستر برابر ہے سوال کریں کہ یہ حنفی کی کونسی کتاب میں ہے تو جواب دل و دماغ کو باغ باغ کردیتا ہے فرماتے ہیں کہ اب کسی کتاب میں مرقوم نہیں، امام یوسف نے

بعد میں امام ابو حنیفہ رحمہ اللہ کی رائے بدل دی تھی۔

موصوف کا تازہ ترین فرمان ہے کہ قرآن کے تمام تر احکامات عملدرآمد کی خاطر نہیں۔ اکثر کا تعلق ریاست مدینہ کے دور سے تھا۔ سوال یہ پیدا ہوتا ہے کہ سنت کو آپ نہیں مانتے بلکہ آپ کے نزدیک سنت صرف وہ ہے جو حضرت ابراہیم علیہ السلام سے رسول صلی اللہ علیہ وسلم تک تواتر سے ثابت ہو یعنی سنت محمدی صلی اللہ علیہ وسلم قابل اعتناء نہیں۔ قرآن پورے کا پورا قابل نفاذ نہیں حدیث کی ثقاہت پر آپ کو اعتراض ہے تو دین کہاں گیا؟؟؟۔۔۔ یہ دین تا قیامت رہنمائی کیسے کرے گا؟؟؟۔۔۔ سوال یہ پیدا ہوتا ہے کہ چودہ سو برس بعد آپ پر یہ انکشاف کیسے ہوگیا کہ قرآن کے تمام احکامات قابل عمل نہیں اور پھر اس کا فیصلہ کون کرے گا کہ کون سا حکم آج کے لئے ہے کون سا متروک ہوچکا ہے موجودہ حکومت کے شارح دین کو جہاد سے بھی خاصی چڑ ہے ان کا نقطہ نظر ہے کہ طاقتور کو حق حاصل ہے کہ وہ کمزور کو دبالے لہذا افغانستان اور عراق پر امریکہ کا قبضہ جائز اور انکی مزاحمت ناجائز ہے۔۔۔

ایسی ہوا چلی کہ صرف کاکوشاہ المعروف غامدی اکیلے اپنی پانچوں تانگے کی سواریوں سمیت حکومت کی آنکھ کا تارہ بن کر طلوع ہوئے ہر ٹیلویژن اسکرین انہی کے رُخ (روشن) سے (منور) نظر آنے لگی۔ اشفاق احمد فو ہوئے تو پی ٹی وی نے ان کی جگہ بھی جناب غامدی کو لا بٹھایا جو بڑے دھڑلے سے اسلام کے پردے میں فکر غامدی کی ترویج میں مصروف ہیں سرکاری غیر سرکاری الیکڑانک میڈیا میں ان کا ڈنکا بجتا ہے اور رینڈ کارپوریشن کی رپورٹ جو آج بھی نیٹ پر دستیاب ہے اس کا ایک ایک حرف عملدرآمد کے مراحل طے کرتا ہوا نظر آرہا ہے۔۔

قصرابیض کے روسیاہ دین حنیف کا جس طرح سے حلیہ بگاڑ کر اسے اپنے معاشرے کے مطابق ڈھالنا چاہتے ہیں ماڈل میں کاکوشاہ کا مرکز روشن خیالی اس کے عین مطابق تشریحات گھڑتا چلا جا رہا ہے امریکیوں کو پردے سے چڑ ہے۔۔۔۔ فکر غامدی پردہ غیر ضروری فعل ہے۔۔۔

وائٹ ہاؤس کو جہاد سے دشمنی ہے۔۔۔۔ فکر غامدی کے لئے ایسی ایسی ناممکن العمل شرائط لگا کر جہاد کی راہ روک رہا ہے کہ جس کا کسی کو ماضی میں خیال بھی نہ گزرا ہوگا۔۔۔

صدر بش کو اسلام سے افغانستان اور عراق پر حملہ کی حمایت چاہئے۔۔۔۔فکر غامدی حدیث اور سنت کو غیر معتبر قرار دے کران کی راہ ہموار کر رہا ہے۔۔۔مغربی خبث باطن توہیں رسالت پر آمادہ ہے۔۔۔۔فکر غامدی توہیں رسالت کی سزا پر معترض ہے اور اہل مغرت کو اس کا حق دیتا ہے۔۔۔ امریکی بدمعاش مسلمان اور قرآن کا تعلق توڑنا اور تقدس ختم کرنا چاہتے ہیں۔۔۔۔فکر غامدی قرآن کے احکامات کو دور حاضر کے لئے ناقابل عمل قرار دیتا ہے۔۔۔مغربی صلیبی قرآن کے مقابلے میں جعلی کتاب لاتے ہیں۔۔۔فکر غامدی اسے ان کا حق مانتا ہے۔۔۔ اور اب امریکی حکمران پاکستان میں حدود قوانین کا خاتمہ چاہتے ہیں۔۔۔فکر غامدی کا سرخیل اس مہم کا نگران قرار پاتا ہے۔۔۔۔وہ مسلمان کے نصاب تعلیم میں غیر اسلامی کلچر داخل کرنا چاہتے ہیں یہ اسکولوں میں اسلامیات پڑھانے کی مخالفت کرتا ہے۔۔۔۔

کیا اب بھی یہ مان لیا جائے کہ فکر غامدی اور امریکی استعمار کی خواہشات میں مشترکات محض (اتفاق) ہے کی اب بھی اس دور کے فیضی کو شک کا فائدہ دیا جائے گا؟؟؟۔۔۔۔۔
کہیں ایسا تو نہیں کہ جناب غامدی صاحب قادیانیوں جیسے منکرین ختم نبوت ،سلمان رشدی اور تسلیمہ نسرین جیسے باغیانِ رسول اور ملعونوں کو مسلمان باور کرانااور دکھانا چاہتے ہیں اور یہ ثابت کرنا چاہتے ہیں کہ پاکستانی پارلیمنٹ نے قادیانیوں کو جو غیر مسلم اقلیت قرار دیا ہے، یہ فیصلہ دینا پارلیمنٹ کے دائرہ کار میں نہیں آتا تھا، اگر وہ یہی کہنا چاہتے ہیں تو یہ بات موصوف کے پیش نظر رہنی چاہئے کہ یہ فیصلہ صرف پاکستانی پارلیمنٹ کا نہیں ،بلکہ اگر انہیں قرآن و سنت سے کوئی علاقہ و تعلق ہے تو ان کو معلوم ہوگا کہ قرآن کریم کی ایک سو سے زائد آیات اور دو سو سے زائد احادیث مبارکہ اس بات پر دلالت کرتی ہیں کہ حضرت محمد مصطفی صلی اللہ علیہ وسلم ، اللہ کے آخری نبی ہیں اور آپ صلی اللہ علیہ وسلم کے بعد جو شخص نبوت کا دعویٰ کرے، وہ کافر و غیر مسلم ہے، اس کا اسلام اور مسلمانوں سے کوئی تعلق نہیں۔
اب اگر کوئی شخص قرآن و حدیث کے خلاف دعویٰ نبوت کرے اور اپنے تئیں ...نعوذباللہ... حضرت محمد مصطفی صلی اللہ علیہ وسلم سمیت تمام انبیاء کرام علیہم السلام سے افضل و برتر کہے اور مسلمانوں کے جذبات سے کھیلے، قرآن و سنت، اسلامی اقدار اور شعائر اسلام کا مذاق اڑائے، بتلایا جائے کہ موصوف اس کو بھی مسلمان کہیں گے یا کافر؟
بہرحال غامدی صاحب! دنیا اور دنیا کے مفادات ایک نہ ایک دن ختم ہوجائیں گے اور ہمیں زندگی بھر کے لمحے، لمحے کا حساب دینا ہوگا، ہماری زبان اور قلم سے جو کچھ نکلا ہے، ہمیں اس کا حساب دینا ہوگا، کہیں ایسا نہ ہو کہ ہماری یہ تحریریں ہمارے گلے کا طوق ثابت ہوں اور ہمیں بھی ان لوگوں کی ہمنوائی میں ان کے ساتھ کردیا جائے جو آقائے دوعالم صلی اللہ علیہ وسلم کے باغی تھے یا ہیں۔ فاعتبروا یا اولی الابصار۔
وصلی اللّٰہ تعالیٰ علی خیر خلقہ محمد وآلہ واصحابہ اجمعین

برصغیر میں انگریزوں کے دو منتخب احمد

2011-12-09T06:18:00.000-08:00

برصغیر میں انگریزوں کے دو منتخب احمد

انگریزوں کو برصغیر میں اپنا قبضہ جمانے کے دوران سب ذیادہ علما اور دیندار طبقے کی طرف سےمزاحمت کا سامنا کرنا پڑا، اس لیے انہوں نے عوام میں دین اسلام کے بارے میں کنفیوزین پیدا کرنے والے لوگوں کی بھرپور سپورٹ کی ۔ اور چند لوگوں کو خصوصی طور پر منتخب کیا گیا۔ ایک مرزا احمد کو کچہری سے اٹھایا منصب نبوت پر بٹھا دیا، ایک اور سید احمد کو کلرکی کے درجے سے ترقی دی اور سرسید احمدخان بنا دیا۔ مرزا غلام قادیانی نے جھوٹی نبوت کا سہارا لے کر جہاد کا انکار کیا اور سر سید احمد خان نے نا صرف احادیث، معجزات‘ جنت‘ دوزخ اور فرشتوں کے انکار پر گمراہ کن تفسیر اور کتابیں لکھیں بلکہ برصغیر کے مسلمانوں کو دینی تعلیم کے مقابلے میں فرنگی نظام تعلیم سے متعارف کروایا۔ دونوں انگریزوں سے خوب دادِ شجاعت لے کر دنیاوی مفاد حاصل کئے اور اپنی آخرت کو تباہ وبرباد کرگئے ۔

مرز ا قادیانی کی " مذہبی"خدمات اور سرسید کی تعلیمی اور سیاسی خدمات کا تذکرہ تو ہم چند پچھلی تحریروں میں کرچکے ۔ہمارا آج کا موضوع سرسید احمد خان کی روشن خیال فرنگی اسلام کے لیے دی گئی خدمات ہیں۔موضوع تفصیل مانگتا ہے لیکن ہم کوشش کریں گہ کہ ضرورت کی ہی بات کی جائے۔

سرسید کے مذہب پر ایک نظر

تاریخی واقعات شاہد ہیں کہ انگریزوں نے مرزا غلام احمد قادیانی اور سرسید احمد خان سے وہ کام لئے جو وہ اپنے ملکوں کی ساری دولت خرچ کر کے بھی نہیں کر سکتے تھے۔ سرسید کا عقیدہ کیا تھا ؟ مرزاقادیانی لکھتا ہے کہ سرسید احمد تین باتوں میں مجھ سے متفق ہے۔

• ایک یہ کہ عیسیٰ علیہ السلام بغیر باپ کے پیدا نہیں ہوئے‘ بلکہ معمول کے مطابق ان کا باپ تھا۔ (واضح رہے کہ عیسائیوں کے ایک فرقے کا بھی یہ عقیدہ ہے کہ مریم علیہا السلام کے یوسف نامی ایک شخص سے تعلقات تھے جس کے نتیجہ میں حضرت عیسیٰ علیہ السلام شادی سے قبل پیدا ہوئے۔ (نعوذ باللہ من ذلک)

• دوسرے یہ کہ عیسیٰ علیہ السلام کو آسمان پر نہیں اٹھایا گیا بلکہ اس سے ان کے درجات بلند کرنا مراد ہے۔

• تیسرے یہ کہ نبی آخر الزمان حضرت محمد کو روح مع الجسد معراج نہیں ہوئی‘ بلکہ صرف ان کی روح کو معراج ہوئی ہے۔

سرسید کو موجودہ دور کا روشن خیال طبقہ نئے دور کا مجدّد اور مسلمانوں کی ترقی کا راہنما سمجھتے ہیں، ذیل میں سرسید کے افکار پر کچھ تفصیل پیش خدمت ہے۔ یہ پڑھنے کے بعد آپ کےلیے یہ سمجھنا مشکل نہیں ہوگا کہ سرسید بھی حقیقت میں معتزلہ کے اسی سلسلہ کا فرد تھا اوراور اس کے روحانی شاگرد’ روشن خیال مذہب کے موجودہ داعی ڈاکٹر، فلاسفر، دانشور، پروفیسر ٹائپ لوگ بھی معتزلہ کے اسی مقصد یعنی دین میں شکوک وشبہات پیدا کرنے اور لوگوں کا ایمان چوسنے کا مشن جاری رکھے ہوئے ہیں۔ اور ہمارے معاشرہ کا تھوڑا پڑھا لکھا اور آزاد خیال طبقہ ان کو اسلام کا اصل داعی سمجھ کر انہی کی تعلیمات کے مطابق زندگی گزار رہا ہے۔

1 - سرسید کی چند تصنیفات :۔

۔سرسید نے اسلام کے نام پر بہت سارے مضامین‘ مقالات اور کتب تحریر کیں۔ ایک خلق الانسان( انسانی پیدائش سے متعلق لکھی ‘ جس میں ڈارون کے اس نظریہ کی تصدیق وتوثیق کی گئی ہے کہ انسان پہلے بندر تھا پھر بتدریج انسان بنا‘ یوں قرآن وسنت کی نصوص کا منکر ہوا)

اسباب بغاوت ہند (۱۸۵۷ء میں مسلمانوں کے انگریزوں کے خلاف جہاد کو بغاوت کا نام دیا‘ اور انگریز سامراج کے مخالف علما اور مجاہدین پر کھلی تنقید کی)، تفسیر القرآن (پندرہ پاروں کی تفسیر لکھی ہے جو درحقیقت تحریف القرآن ہے۔ سرسید لکھتے ہیں

”میں نے بقدر اپنی طاقت کے خود قرآن کریم پر غور کیا اور چاہا کہ قرآن کو خود ہی سمجھنا چاہئے“۔ (تفسیر القرآن: ۱۹ ص:۲)

چنانچہ سرسید نے اسلام کے متوارث ذوق اور نہج سے اتر کر خود قرآن پر غور کیا اور اسلام کے نام پر اپنے ملحدانہ نظریات سے فرنگیانہ اسلام کی عمارت تیار کرنا شروع کی‘ جس میں نہ ملائکہ کے وجود کی گنجائش ہے‘ نہ ہی جنت ودوزخ کا کہیں نشان ہے اور نہ جنات اور ابلیس کے وجود کا اعتراف ہے اور معجزات وکرامات تو ان کے نزدیک مجنونہ باتیں ہیں۔

خود سرسید کے پیرو کار ومعتقد مولانا الطاف حسین حالی‘ مؤلف مسدس (وفات دسمبر ۱۹۱۴ء) تحریر فرماتے ہیں کہ:

” سرسید نے اس تفسیر میں جابجا ٹھوکریں کھائی ہیں اور ان سے رکیک لغزشیں سرزد ہوئی ہیں“۔

(حیات جاوید مطبوعہ آگرہ ص:۱۸۴)

2 - سرسید کی عربی شناسی:۔

غزوہٴ احد میں نبی اکرم ا کے سامنے کا ایک دانت مبارک شہید ہوا تھا‘ چنانچہ علامہ ابن کثیررحمہ اللہ تحریر فرماتے ہیں:۔

”وان الرباعیة التی کسرت لہ علیہ السلام ہی الیمنیٰ السفلیٰ“ (السیرة النبویة ج:۳‘ ص:۵۷)

ترجمہ:․․․”نبی علیہ السلام کے سامنے کا داہنا نچلا دانت مبارک شہید ہوا تھا“۔

فن تجوید وقرأت کے لحاظ سے سامنے کے چار دانتوں میں سے ایک کو رباعی کہتے ہیں‘ جیسے لغت کے امام ابن منظور افریقی لکھتے ہیں:

رباعی کا لفظ ثمانی کی طرح ہے یعنی سامنے کے چار دانتوں میں سے ایک۔(لسان العرب ج:۸‘ ص:۱۰۸)

سرسید نے رباعی کا لفظ دیکھ کر اسے اربع (چار) سمجھ لیا ہے اور حکم لگا دیا کہ آپ کے چار دانت شہید ہوئے تھے“۔ چنانچہ وہ لکھتے ہیں:

”آنحضرت کے چار دانت پتھر کے صدمہ سے ٹوٹ گئے“۔ (تفسیر القرآن ج:۴‘ص:۶۴)

قارئین ملاحظہ فرمائیں کہ جو شخص رباعی اور اربعہ میں فرق نہیں کرسکا اس نے قرآن کی تفسیر لکھنے میں کیا گل کھلائے ہوں گے۔

3 - قرآن کی من مانی تشریحات :۔

سرسید نے معتزلی سوچ کے مطابق دین اسلام کو عقل کی ترازو میں تول کر مسلماتِ دین کا انکار کیا اور قرآن کریم میں جہاں معجزات یا مظاہر قدرت خداوندی کا ذکر ہے‘ اس کی تاویل فاسدہ کرکے من مانی تشریح کی ہے۔
پہلے پارے میں اللہ تعالیٰ نے بیان فرمایاہے کہ:” یہود سے جب عہد وپیماں لیا جارہا تھا تو اس وقت کوہِ طور کو ان کے سروں پر اٹھا کر لاکھڑا کردیا تھا“۔ جسے سارے مفسرین نے بیان کیا ہے‘ سرسید اس واقعہ کا انکار کرتاہے اور لکھتاہے:

”پہاڑ کو اٹھاکر بنی اسرائیل کے سروں پر نہیں رکھا تھا‘ آتش فشانی سے پہاڑ ہل رہا تھا اور وہ اس کے نیچے کھڑے رہے تھے کہ وہ ان کے سروں پر گر پڑے گا“۔

سرسید نہ صرف آیت کی غلط تاویل کرتا ہے بلکہ نہایت ڈھٹائی کے ساتھ مفسرین کا مذاق بھی اڑاتاہے۔ وہ لکھتاہے:

”مفسرین نے اپنی تفسیروں میں اس واقعہ کو عجیب وغریب واقعہ بنادیا ہے اور ہمارے مسلمان مفسر عجائباتِ دور ازکار کا ہونا مذہب کا فخر اور اس کی عمدگی سمجھتے تھے‘ اس لئے انہوں نے تفسیروں میں لغو اور بیہودہ عجائبات (یعنی معجزات) بھر دی ہیں‘ بعضوں نے لکھا ہے کہ کوہِ سینا کو خدا ان کے سروں پر اٹھا لایا تھا کہ مجھ سے اقرار کرو نہیں تو اسی پہاڑ کے تلے کچل دیتاہوں‘ یہ تمام خرافات اور لغو اور بیہودہ باتیں ہیں“۔ (تفسیر القرآن ج:۱‘ص۹۷تا۹۹)

کوئی سر سید سے یہ پوچھے کہ آتش فشانی اور پہاڑ کے لرزنے کا بیان اس نے کس آیت اور کس حدیث کی بناء پر کیا ہے۔ اس کے پاس کوئی نقلی ثبوت نہیں ہے یہ اس کی اپنی عقلی اختراع ہے ہم اس کے جمہور مفسرین کے مقابلے میں ایسی عقل پر دس حرف بھیجتے ہیں۔
بریں عقل ودانش بباید گریست

4 - جنت ودوزخ کا انکار :۔

تمام مسلمانوں کا متفقہ عقیدہ ہے کہ جنت ودوزخ حق ہیں اور دونوں پیدا کی جاچکی ہیں۔ خود قرآن پاک سے یہ ثابت ہے ارشاد خداوندی ہے:

”وسارعوا الی مغفرة من ربکم وجنة عرضہا السموات والارض اعدت للمتقین“ (آل عمران:۱۳۳)

ترجمہ:․․․”اور اپنے رب کی بخشش کی طرف دوڑو اور جنت کی طرف جس کی چوڑائی آسمانوں اور زمین جتنی ہے اور پرہیزگاروں کے لئے تیار کی جاچکی ہے“ ۔

دوزخ کے پیدا کئے جانے بارے میں ارشاد خداوندی ہے:

”فاتقوا النار التی وقود ہا الناس والحجارة اعدت للکافرین“ (البقرہ:۲۴)

ترجمہ:․․․”پس ڈرو اس آگ سے جس کا ایندھن لوگ اور پتھر ہوں گے جو کافروں کے لئے تیار کی جاچکی ہے“۔

سرسید جنت ودوزخ دونوں کے وجود کا انکار کرتا ہے وہ لکھتا ہے:

”پس یہ مسئلہ کہ بہشت اور دوزخ دونوں بالفعل مخلوق وموجود ہیں‘ قرآن سے ثابت نہیں ۔ (تفسیر القرآن ج:۱‘ص:۳۰)

وہ مزید لکھتاہے:

”یہ سمجھنا کہ جنت مثل باغ کے پیدا کی ہوئی ہے‘ اس میں سنگ مرمر کے اور موتی کے جڑاؤ محل ہیں۔ باغ میں سرسبز وشاداب درخت ہیں‘ دودھ وشراب وشہد کی نالیاں بہہ رہی ہیں‘ ہرقسم کا میوہ کھانے کو موجود ہے․․․ایسا بیہودہ پن ہے جس پر تعجب ہوتا ہے‘ اگر بہشت یہی ہو تو بے مبالغہ ہمارے خرابات (شراب خانے) اس سے ہزار درجہ بہتر ہیں“۔ (نعوذ باللہ) ایضاً ج:۱‘ص:۲۳)

قرآن میں جنت کی نعمتوں کا تذکرہ کسی قرآن پڑھنے والے سے مخفی نہیں، مگر سرسید نے نا صرف ان کا صاف انکار کیا بلکہ مذاق بھی اڑایا اور شراب خانوں کو جنت سے ہزار درجے بہتر قرار دیا۔

5 - بیت اللہ شریف کے متعلق موقف :۔

بیت اللہ شریف بارے کی عظمت کے بارے میں قرآن وحدیث میں کافی تذکرہ موجود ہے اللہ تعالیٰ کا ارشاد ہے:

یعنی سب سے پہلا گھرجو لوگوں کے لئے وضع کیا گیا ہے یہ وہ ہے جو مکہ میں ہے۔ بابرکت ہے اور جہاں والوں کے لئے راہنما ہے۔ (آل عمران:۹۶)

ترجمہ:․․․” اللہ تعالیٰ نے کعبہ کو جو کہ گھر ہے بزرگی اور تعظیم والا‘ لوگوں کے لئے قیام کا باعث بنایاہے“ ۔ (المائدہ:۹۷)

علامہ اقبال نے اسی کی تشریح میں فرمایا ہے:

دنیا کے بتکدوں میں پہلا وہ گھر خدا کا

ہم اس کے پاسباں ہیں وہ پاسباں ہمارا

اب ذرا کلیجہ تھام کر سرسید کی ہرزہ سرائی کعبۃ اللہ کے بارے میں ملاحظہ فرمائیں۔ نقل کفر کفر نباشد ۔ اپنی تحریف القرآن میں لکھتاہے:

”جو لوگ یہ سمجھتے ہیں کہ اس پتھر کے بنے ہوئے چوکھونٹے گھر میں ایسی متعدی برکت ہے کہ جہاں سات دفعہ اس کے گرد پھرے اور بہشت میں چلے گئے یہ ان کی خام خیالی ہے․․․ اس چوکھونٹے گھر کے گرد پھر نے سے کیا ہوتا ہے‘ اس کے گرد تو اونٹ اور گدھے بھی پھر تے ہیں تو وہ کبھی حاجی نہیں ہوئے“۔ (تفسیر القرآن ج:۱‘ ص:۲۱۱و۲۵۱)

مزید لکھتاہے:

”کعبہ کی طرف منہ کرکے نماز پڑھنا اسلام کا کوئی اصلی حکم نہیں ہے “۔ (تفسیر القرآن ج:۱‘ ص:۱۵۷)

خانہ کعبہ کے گرد طواف کے مقدس عمل کو سرسید کا ”سات دفعہ اس کے گرد پھرنا“ پھر خدا کے اس عظیم اور مقدس گھر کو انتہائی ڈھٹائی اور بے غیرتی کے ساتھ ”چوکھونٹا گھر“ کہنا اور آگے خباثت کی انتہا کرتے ہوئے یہ کہنا کہ اس کے گرد تو اونٹ اور گدھے بھی پھر تے ہیں‘ کیا وہ حاجی بن گئے؟ پھر نماز میں خانہ کعبہ کی طرف منہ کرنے کے خلاف یہ زہر افشانی کرنا کہ یہ اسلام کا اصلی حکم نہیں ہے‘ کیا یہ بکواسات کیا کوئی صاحب ایمان کرسکتا ہے ؟

دوسرے پارہ کے شروع میں اللہ پاک نے ارشاد فرمایاہے:

”سیقول السفہاء الخ“ ”اب بہت سارے بیوقوف کہیں گے کہ اللہ تعالیٰ نے بیت المقدس سے خانہ کعبہ کی طرف منہ کرکے نماز پڑھنے کا حکم کیوں دیا؟“

اس آیت کی رو سے جو لوگ خانہ کعبہ کی طرف منہ کرنا نہیں مانتے وہ بیوقوف ہیں اور سرسید تمام بیوقوفوں کا سردار۔

6 - سرسید فرشتوں کے وجود کا منکر

فرشتوں کا مستقل خارجی وجود قرآن وحدیث سے صراحۃ ثابت ہے اور فرشتوں کا اس طرح وجود ماننا اسلام کے بنیادی عقائد میں سے ہے‘ ان کے وجود کو مانے بغیر کوئی مسلمان نہیں کہلا سکتا۔قرآن پاک میں ہے کہ:

فرشتے خدا کی ایسی مخلوق ہیں جو اللہ تعالیٰ کی نافرمانی نہیں کرتے اور جس کام کا حکم دیا جاتاہے اس کو بجالاتے ہیں (التحریم:۶)

دوسری جگہ مذکور ہے

پھر یہی فرشتے حضرت لوط علیہ السلام کے پاس پہنچے اور قوم لوط پر عذاب ڈھانے لگے۔ (الحجر:۵۸تا۷۷)

ان تمام آیات اور روایات سے معلوم ہوا کہ فرشتوں کا مستقل خارجی وجود ہے‘ مگر سرسید اس کے منکر ہیں وہ لکھتے ہیں کہ:

” قرآن مجید سے فرشتوں کا ایسا وجود جیسا مسلمانوں نے اعتقاد کررکھا ہے ثابت نہیں ہوتا“۔ (تفسیر القرآن ج:۱‘ص:۴۲)

آگے لکھتا ہے

”اس میں شک نہیں کہ جو حضرت ابراہیم علیہ السلام کے پاس آئے تھے‘ انسان تھے اور قوم لوط کے پاس بھیجے گئے تھے۔علماء مفسرین نے قبل اس کے کہ الفاظ قرآن پر غور کریں یہودیوں کی روایتوں کے موافق ان کا فرشتہ ہونا تسلیم کرلیا ہے‘ حالانکہ وہ خاصے بھلے چنگے انسان تھے۔ (ایضاً ج:۵‘ص:۶۱)

اس طرح قرآن پاک اور احادیث طیبہ یہ بات موجود ہے کہ مختلف غزوات کے موقع پر اللہ تعالیٰ نے مسلمانوں کی مدد کے لئے فرشتوں کو بھیجا ہے جیسا کہ آیت ولقد نصرکم اللہ ببدر وانتم اذلة“ (آل عمران:۱۲۳) میں مذکور ہے۔ سرسید اس کا منکر ہے وہ اس آیت کے تحت لکھتاہے۔

” بڑا بحث طلب مسئلہ اس آیت میں فرشتوں کا لڑائی میں دشمنوں سے لڑنے کے لئے اترناہے‘ میں اس بات کا بالکل منکر ہوں‘ مجھے یقین ہے کہ کوئی فرشتہ لڑنے کو سپاہی بن کریا گھوڑے پر چڑھ کر نہیں آیا‘ مجھ کو یہ بھی یقین ہے کہ قرآن سے بھی ان جنگجو فرشتوں کا اترنا ثابت نہیں“۔

(تفسیر القرآن از سرسید ج:۲‘ص:۵۲)

7 - سرسید جبرائیل امین کا منکر :۔

قرآن پاک میں حضرت جبرائیل علیہ السلام کا ذکر ہے‘

ترجمہ:․․․”جو کوئی مخالف ہو اللہ کا یا اس کے فرشتوں کا یا اس کے پیغمبروں کا یا جبرائیل کا اور میکائیل کاتو اللہ تعالیٰ ایسے کافروں کا مخالف ہے“۔(البقرہ:۹۸)

اسی طرح کئ احادیث میں ہے کہ حضرت جبرائیل علیہ السلام کبھی انسانی شکل میِں بار گاہ نبوی میں تشریف لاتے ‘چنانچہ مشکوٰة کی پہلی حدیث ”حدیث جبرائیل“ میں جب سوالات کرنے کے بعد حضرت جبرائیل علیہ السلام تشریف لے گئے تو آپ ا نے فرمایا :”فانہ جبرئیل اتاکم یعلمکم دینکم“ (یہ حضرت جبرائیل علیہ السلام تھے‘ تم کو تمہارا دین سکھانے آئے تھے) (مشکوٰة: کتاب الایمان)

سرسید حضرت جبرائیل علیہ السلام کے وجود کا منکر ہے۔ وہ لکھتاہے:

ہم بھی جبرائیل اور روح القدس کو شئ واحد تجویز کرتے ہیں‘ مگر اس کو خارج از خلقتِ انبیاء جداگانہ مخلوق تسلیم نہیں کرتے‘ بلکہ اس بات کے قائل ہیں کہ خود انبیاء علیہم السلام میں جو ملکہ نبوت ہے اور ذریعہ مبدء فیاض سے ان امورکے اقتباس کا ہے جو نبوت یعنی رسالت سے علاقہ رکھتے ہیں‘ وہی روح القدس ہے اور وہی جبرائیل ہے“۔ (تفسیر القرآن از سرسید ج:۲‘ ص:۱۵۶‘ ج:۱‘ ص:۱۸۱‘ ۱۲۲‘ ۱۲۹‘ ۱۷۰)

اس عبارت میں سرسید نے اس بات کا انکار کیا کہ حضرت جبرائیل علیہ السلام کوئی خارجی وجود ہے ‘ بلکہ ان کے نزدیک یہ رسول اکرم کی طبیعت میں ودیعت کردہ ایک ملکہٴ نبوت کا نام ہے۔

8 - سرسید کا واقعہٴ معراج سے انکار:۔

رسول اللہ کے معجزات میں سے ایک معجزہ واقعہٴ معراج ہے ۔سرسید نےیہاں بھی عقل لڑائی مشکرکین مکہ کی طرح حضور صلی اللہ علیہ وسلم کا اپنے جسم مبار کے ساتھ سات آسمانوں پر جانا اسکی عقل میں نہ آسکا اور وہ انکار کرگیا ۔ اپنی تفسیرالقرآن ج :۲ ص: ۱۳۰ پرلکھتا ہے:

”ہماری تحقیق میں واقعہ معراج ایک خواب تھا جو رسول اللہ نے دیکھا تھا"

حقیقت میں معجزہ کہتے ہی اسکو ہیں جسکو سمجھنے سے عقل عاجز ہو۔ اگر اسے خواب یا تصور کا واقعہ قرار دیں تو معجزہ نہیں کہلا یا جاسکتا‘ کیونکہ خواب اور تصور میں کوئی بھی شخص اس قسم کا واقعہ دیکھ سکتاہے۔ اس لیے آنحضرت کا واقعہ معراج تب معجزہ بنے گا جب ہم یہ تسلیم کرلیں کہ آنحضرت کو معراج روح مع الجسد ہوئی تھی یعنی جسم اور روح دونوں کو معراج ہوئی تھی‘ اور اسی بات پر امت کا اجماع چلا آرہا ہے۔ روایات میں آتاہے کہ واقعہ معراج کا سن کر کفار ومشرکین مکہ آپ کے ساتھ حجت بازی کرنے لگے۔ اگر واقعہ معراج خواب کا واقعہ ہوتا تو کفار ومشرکین کبھی آپ کے ساتھ حجت بازی نہ کرتے۔

9 - جنات وشیاطین کے وجود کا انکار :۔

جنات وشیاطین کا وجود قرآن وحدیث سے ثابت ہے اور ایک راسخ العقیدہ مسلمان کے لئے اس میں شک وشبہ کی گنجائش نہیں‘ مگر سرسید اس کا انکار کرتا ہے‘ وہ حضرت سلیمان علیہ السلام اور ان کے ماتحت جنات کے کام کرنے کے قرآنی واقعہ پر تبصرہ کرتا ہے:

”ان آیتوں میں ”جن“ کا لفظ آیا ہے‘ اس سے وہ پہاڑی اور جنگلی آدمی مراد ہے‘ جو حضرت سلیمان علیہ السلام کے ہاں بیت المقدس بنانے کا کام کرتے تھے اور جن پر بسبب وحشی اور جنگلی ہونے کے جو انسانوں سے جنگلوں میں چھپے رہتے تھے اور نیز بسبب قوی اور طاقتور اور محنتی ہونے کے ”جن“ کا اطلاق ہوا ہے پس اس سے وہ جن مراد نہیں جن کو مشرکین نے اپنے خیال میں ایک مخلوق مع ان اوصاف کے جو ان کے ساتھ منسوب کئے ہیں‘ ماناہے اور جن پر مسلمان بھی یقین کرتے ہیں۔ (تفسیر القرآن ج: ۳‘ ص: ۶۷)

اس طرح سرسید شیطان کا الگ مستقل وجود تسلیم نہیں کرتا‘ بلکہ انسان کے اندر موجود شرانگیز صفت کو شیطان قرار دیتاہے

آگے لکھتاہے: ”

انہی قویٰ کو جو انسان میں ہے اور جن کو نفس امارہ یا قوائے بہیمیہ سے تعبیر کرتے ہیں‘ یہی شیطان ہے“۔ (ج ۳ ص۴۵ پ)

سرسید کے اعتزالی عقائد و نظریات کا مکمل احاطہ کیا جائے تو ایک کتاب تیار ہوسکتی ہے ، ہم نے اس کے چند گمراہ افکار پر روشنی ڈالی ہے۔ حقیقت میں سرسید اور ان جیسے دیگر روشن خیالوں کی فکری جولانیوں کودیکھ کر یہی کہا جاسکتاہے کہ:

ناطقہ بگریباں ہے اسے کیا کہئے؟

خامہ انگشت بدنداں ہے اسے کیا لکھئے؟

مسلمانوں کے لیے ضروری ہے کہ وہ موجودہ دور کے ان معتزلہ کے افکار ونظریات کو پہچان کر اپنے ایمان وعمل کو ان کی فریب کاری سے بچائیں اور جو سادہ لوح مسلمان ان کے شکنجہ میں آچکے ہیں ان کے بارے میں فکر مند ہوکر ان کو راہِ راست پر لانے کی کوشش کریں.

2011-12-09T06:15:00.000-08:00

پاکستان کیوں ٹوٹا ؟

پاکستان کی تاریخ یوں تو ہمہ وقت کسی نہ کسی “نازک موڑ” پر کھڑی رہتی ہے، جس کا آمروں نے خوب فائدہ اٹھایا اور وہ اپنی حکومتوں کو اس جملے کی گردان کے ساتھ طول دیتے رہے کہ “پاکستان اس وقت تاریخ کے نازک موڑ پر کھڑا ہے” لیکن حقیقتاً قومی تاریخ میں اگر کوئی نازک موڑ تھا تو وہ 1971ء کا سال تھا جس سال پاکستانی فوج و سیاست دانوں کے عاقبت نااندیشانہ فیصلوں نے قائد کے پاکستان کو دو لخت کر دیا۔

جس کسی نے بھی حمودالرحمٰن کمشن کی رپورٹ پڑھی ہے وہ جانتا ہے کہ اس میں سقوط ڈھاکہ کا ذمہ دار خالصتاً فوجی قیادت کو ٹھہرایا گیا تھا۔

قائد کے پاکستان کے ٹوٹنے کی وجوہات زیر غور آتی ہیں اور بالآخر “رات گئی بات گئی” کی طرح ختم ہو جاتی ہیں لیکن ہم نے کبھی ان وجوہات سے سبق حاصل کرنے اور موجودہ صورتحال میں انہی غلطیوں کو دہرانے سے بچنے کی سنجیدہ کوشش نہیں کی اور بہت ساری باتیں ایسی بھی ہیں جنہیں بہت کم زیر غور لایا جاتا ہے۔ اب آزادئ اظہار رائے کا دور ہے، بہت سارے پہلوؤں پر کھلے عام بحث کی جا رہی ہے ورنہ کچھ عرصہ قبل تک عام آدمی کے ذہن میں تصور ہی یہی تھا کہ بنگالیوں نے پاکستان سے غداری کی جس کے نتیجے میں پاکستان ٹوٹا۔

اس وطن کے قیام میں لاکھوں لوگوں نے اپنی جانوں کا نذرانہ پیش کیا اور پھر 1971ء میں اس کو بچانے کے لیے بھی ہزاروں لوگوں نے اپنی جانیں دیں لیکن دلوں میں موجود نفرتوں کا لاوا سب کچھ جلا کر راکھ کر گیا۔ حکمرانوں کی عاقبت نااندیشی، فوج کی ہر معاملے کو بزور قوت حل کرنے کی پالیسی، جمہوری اقدار کی کھلی خلاف ورزی اور ذرائع ابلاغ کی جانب سے عوام کو حقائق سے بے خبر رکھنے کی حکمت عملی نے سب کچھ خاک میں ملا دیا.71ء کی جنگ کے دوران پاکستان کا سرکاری میڈیا “سب اچھاہے” کہ راگ الاپ رہا تھا اور ٹائیگر نیازی کے یہ بیان بھی پیش ہوتے تھے کہ “ڈھاکہ فتح کرنے کے لیے دشمن کو میری لاش پر سے گزرنا ہوگا”۔ دوسری جانب مغربی پاکستان کی عوام کو حقیقت سے بالکل بے خبر رکھا گیا. میں کچھ عرصہ قبل جماعت اسلامی پاکستان کے سابق نائب امیر، جو ڈھاکہ میں جماعت کے امیر بھی رہ چکے ہیں، خرم مراد صاحب کی خود نوشت “لمحات” پڑھ رہا تھا۔ مرحوم کیونکہ خود ڈھاکہ میں رہ چکے تھے اور اُن ایام کو اپنی نظروں سے دیکھ چکے تھے جس میں یہ عظیم سانحہ رونما ہوا اس لیے ان کی کتاب اس حوالے سے بہت اہمیت کی حامل ہے۔

ان کی کتاب “لمحات” اور دیگر چند کتب پڑھ کر میں اس نتیجے پر پہنچا ہوں کہ مشرقی پاکستان کی علیحدگی کا سب سے اہم سبب یہاں کی عسکری و سیاسی قیادت کا غیر جمہوریت پسندانہ رویہ تھا۔ اس کے علاوہ اور بھی دیگر کئی وجوہات ہیں، جن کا ذکر یہاں کروں گا۔

مشرقی پاکستان کے الگ ہونے کی چند انتہائی بنیادی وجوہات تھیں۔ ایک آبادی کے لحاظ سے وہ زیادہ بڑا علاقہ تھا جس کی وجہ سے کہ مغربی پاکستان کی نوکر شاہی اور عسکری قیادت کو یہ “خطرہ” لاحق ہو گیا کہ اگر سیاسی نظام کو جمہوری انداز میں چلنے دیا گیا تو بنگالی برسر اقتدار رہیں گے۔ اسی وجہ سے بنگال سے تعلق رکھنے والے وزیر اعظم خواجہ ناظم الدین کو غلام محمد نے برطرف کر کے پاکستان کے سیاسی نظام میں ایسی بدعت کا آغاز کیا جس کا خمیازہ بعد میں آنے والی کئی جمہوری حکومتیں بھگتتی رہیں۔ مغربی پاکستان میں دارالحکومت کراچی میں بیٹھ کر ایسی نوکر شاہی اور عسکری قیادت، جس کا 90 فیصد مغربی پاکستان کے باشندوں پر مشتمل ہو، حکومت چلانا کوئی آسان کام نہ تھا۔ فوج اور نوکر شاہی تو کسی کی دال نہ گلنے دیتی، یہ تو خواجہ ناظم الدین جیسے شریف النفس انسان تھے، جن کو ہٹانے سے جمہوری حکومتوں کے قتل کا سلسلہ چل نکلا۔ رہی سہی کسر محمد علی بوگرہ کی حکومت کے خاتمے نے پوری کر دی جن کے دور میں دستور ساز اسمبلی ایک ایسی ترمیم منظور کرنے جا رہی تھی جس میں گورنر کے اختیارات کو کم کیا جانا تھا لیکن غلام محمد نے پہلے اسے برطرف کر دیا، یوں مطلق العنان آمریت کی مضبوط بنیاد ڈال گئے۔

دوسری وجہ یہ تھی کہ پاکستان کے یہ دونوں بازو ہزار میل کے فاصلے پر صرف اور صرف اسلام کے رشتے سے جڑے تھے۔ جب قیام پاکستان کے بعد حکمرانوں نے اسلام میں دلچسپی ہی نہ دکھائی تو پھر یہ رشتہ بے معنی تھا۔ وہاں سوشلسٹ اور سیکولر نظریات پھلتے پھولتے رہے اور انہی سے بنگلہ قوم پرستی نے بھی جنم لیا تو یہ جلتی پر تیل والا کام ہو گیا۔

تیسری اہم وجہ ہماری قیادت کا بے وجہ جذباتی پن تھا جس میں بنگالی کو اردو کے ساتھ قومی زبان کا درجہ نہ دینا تھا۔ اس بے جا اصرار کے نتیجے میں بنگالی قوم پرستوں کو عوام کے جذبات سے کھیلنے کا موقع ملا۔ “سرکاری زبان صرف اردو ہوگی” کا نعرہ تو لگا لیا گیا لیکن یہ محض جذباتی نعرہ تھا اور نتیجہ وہی ہوا کہ اردو آج تک سرکاری زبان نہ بن سکی اور بنگالی بولنے والے بھی ہم سے الگ ہو گئے۔ اس خواہ مخواہ کی کشمکش نے مغربی اور مشرقی پاکستان کے باشندوں کے درمیان نفرت کے بیج بو دیے اور زبردست انتشار پیدا ہوا جو بالآخر سقوط مشرقی پاکستان پر منتج ہوا۔

پھر ماحول ایسا تخلیق کر دیا گیا کہ جس میں مغربی پاکستان کے باشندوں کے بنگال کے باشندوں کے مقابلے میں احساس تفاخر و برتری تھا اور وہ انہیں کم تر سمجھتے تھے۔ بنگال کے باشندوں کی ذہانت، حب الوطنی، قوت اور صلاحیت کو شک کی نگاہ سے دیکھا جاتا اور انہیں دیگر قوموں کے مقابلے میں آگے بڑھنے کے مواقع نہیں دیے جاتے۔

چوتھی اہم وجہ وسائل کی تقسیم میں زبردست عدم توازن تھا اور یہ تک کہا گیا کہ “مغربی پاکستان کی سڑکوں سے پٹ سن کی خوشبو آتی ہے” لیکن اس کے باجود 25 سالوں میں مشرقی پاکستان میں جس بڑے پیمانے پر صنعتی ترقی ہوئی۔ اس لیے یہ کہنا تو بالکل درست نہیں ہوگا کہ اقتصادی لحاظ سے بنگال کا علاقہ تقسیم ہند کے بعد مزید کمزور ہو گیا البتہ صوبوں کے درمیان وسائل کی یکساں تقسیم کا مسئلہ اُس وقت بھی آج ہی کی طرح گمبھیر تھا۔

پانچویں ایک اہم وجہ، جس پر کم دھیان دیا جاتا ہے، دارالحکومت کا کراچی سے اسلام آباد منتقل کیا جانا تھی۔ کراچی پاکستان کی تمام اقوام کا شہر تھا جو حقیقتاً پاکستانیت کا مظہر بھی تھا۔ اس کے مقابلے میں جس نئے دارالحکومت کا انتخاب کیا گیا وہ فوج کے صدر دفاتر (جی ایچ کیو) کے دامن میں واقع تھا اور یوں سیاست دانوں پر واضح کر دیا گیا کہ اب حکومت فوج کی گود میں بیٹھ کر چلے گی۔ دارالحکومت کی کراچی سے اسلام آباد منتقلی نے بھی بنگالیوں کے ذہنوں پر بہت کچھ واضح کر دیا کہ ان کے اقتدار میں آنے کے جمہوری حق کو ختم کرنے کے لیے ایک اور چال چلی جا چکی ہے۔

چھٹی سب سے بڑی اور اہم وجہ 1970ء کے انتخابات کے بعد فاتح عوامی لیگ کی اقتدار میں آنے کی تمام راہیں مسدود کرنا تھی جس کی مغربی پاکستان کی فوجی و سیاسی قیادت نے مل کر بھرپور کوشش کی۔ گو کہ 1970ء کے انتخابات میں بھی شیخ مجیب الرحمٰن نے علیحدگی کا نعرہ نہیں لگایا تھا کہ بلکہ انہوں نے “چھ نکات بھی نافذ ہوں گے اور پاکستان بھی ایک رہے گا” کا بیان تک دیا۔ چاہے ان کے ارادے کچھ بھی ہوں، لیکن ان کے اس بیان سے اتنا اندازہ ضرور ہوتا ہے کہ مشرقی پاکستان کے عوام میں اس وقت بھی پاکستان مخالف جذبات اتنے زیادہ نہیں تھے، وہ مغربی پاکستان کی فوج اور افسر شاہی کے ضرورخلاف تھے اور اپنا آئینی و قانونی حق ضرور مانگتے تھے لیکن وہ وفاق پاکستان کے ہر گز خلاف نہ تھے یہی وجہ ہے تھی کہ مجیب الرحمٰن کو اس طرح کے بیانات بھی جاری کرنا پڑے ۔

25 مارچ 1971ء کو مشرقی پاکستان میں فوجی آپریشن سے قبل عوامی لیگ کی مرکزی ورکنگ کمیٹی کے اجلاس میں پاکستان سے علیحدگی کے حوالے سے بحث کے بعد بھاری اکثریت نے پاکستان کے ساتھ رہنے اور اسے برقرار کھنے پر رائے دی۔ اس میں صرف عوامی لیگ کی حامی طلبہ تنظیم چھاترو لیگ واحد تنظیم تھی جس کی مرکزی کمیٹی نے پاکستان کے حق میں رائے نہ دی۔ اس لیے یہ کہنا کہ وہ آپریشن کے آغاز سے قبل ہی علیحدگی چاہتے تھے غلط تھا۔ اوپر سے انتخابات کے بعد ذوالفقار علی بھٹو کا ہٹ دھرمی والا رویہ بھی تابوت میں آخری کیل بن گیا۔

گو کہ سقوط مشرقی پاکستان کے حوالے سے بہت کچھ لکھا گیا ہے لیکن میں خرم مراد مرحوم کی خود نوشت سے ایک اہم اقتباس یہاں پیش کرنا چاہوں گا ، جس میں انہوں نے سقوط مشرقی پاکستان سے قبل کے چند اہم واقعات کو پیش کیا ہے:

یہ سوال بار بار سامنے آتا ہے کہ “کیا مجیب الرحمن پاکستان کے لیے سنجیدہ تھے، اور کیا ان کو اقتدار دے دیا جاتا تو پاکستان ایک رہتا؟” ہمارا اصولی موقف یہ تھا کہ “چونکہ انتخابات ہو گئے ہیں، اسمبلی میں عوامی لیگ کی اکثریت ہے، اس لیے عوامی لیگ کو اقتدار منتقل کر دیا جائے۔” لیکن اس صاف اصولی موقف کے باوجود میں بھٹو صاحب کی اس بات کو بالکل بے وزن نہیں سمجھتا، جس کے مطابق اس بات کا بڑا خطرہ تھا کہ عوامی لیگ اسمبلی کے اجلاس میں آنے کے بعد پاکستان توڑنے کی قرارداد پاس کر دیتی۔ پھر اس کے بعد کسی کے بھی بس میں نہیں تھا کہ پبلک کے نمایندوں کے فیصلہ کو قانونی طور پر روک سکے۔ جبکہ یہ اسمبلی دستور ساز تھی۔
پھر یہ خوف بھی پایا جاتا تھا کہ پاکستان کو اپنے وسائل و ذرائع میں سے علاحدہ ہونے والے حصے کو اثاثہ دینا پڑتا۔ مثال کے طور پر خزانہ، اسلحہ، ہوائی جہازوں، ٹینکوں اور اثاثہ جات میں آدھے سے زیادہ حصہ ادا کرنا پڑتا کیونکہ اسمبلی کی قرارداد سے یہ ایک قانونی اور دستوری کارروائی ہوتی۔ اس کے برعکس بغاوت کے نتیجے میں علاحدگی میں یہ ذمہ داری نہ ہوتی۔ ممکن ہے کہ مغربی پاکستان کے فیصلہ ساز لوکوں کو سامنے یہ بات بھی ہو، اس لیے وہ “بے دام علاحدگی” کو اپنے حصے کےلیے “نفع بخش سودا” تصور کرتے ہوں گے۔ اگرچہ ذوالفقار علی بھٹو صاحب نے 25 مارچ کے آرمی ایکشن کے بعد کراچی جا کر بیان دیا کہ “خدا کا شکر ہے، پاکستان بچا لیا گیا”۔ آرمی ایکشن کے غلط فیصلے کے باوجود، میں بھٹو صاحب جیسے ذہین آدمی سے یہ توقع نہیں رکھتا، کہ انہوں نے یہ بیان محض آرمی ایکشن کے حوالے سے دیا ہوگا۔ یقیناً ان کے سامنے کچھ اور باتیں بھی ہوں گی۔ اگرچہ ان باتوں میں تلخی پیدا کرنے اور ہٹ دھرمی کی آگ بھڑکانے کا ایک بڑا فعال سبب وہ خود بھی تھے۔
25 مارچ 1971ء تک مجیب الرحمٰن نے یہ نہیں کہا کہ “آزاد بنگلہ دیش بننا چاہیے”۔ حالانکہ اس دوران مغربی پاکستانی فوجی حکمرانوں اور مغربی پاکستان جو بہرحال ایک سیاسی اکائی نہیں تھا، بلکہ چار صوبے تھے، اس میں سے دو بڑے صوبوں کے سیاسی قائد مسٹر بھٹو نے مشرقی پاکستانی قیادت کا پیمانہ صبر لبریز کر دیا تھا۔
سقوط مشرقی پاکستان وہ المیہ ہے جس کی سراسر ذمہ داری ہماری فوج پر عائد ہوتی ہے۔ صدیق سالک نے اپنی کتاب “میں نے ڈھاکہ ڈوبتے دیکھا” میں لکھا ہے کہ جنرل یحیی کے ایک جرنیل نے یہ الفاظ ادا کیے تھے “آپ لوگ فکر نہ کریں، ان کالے حرامیوں کو ہم خود پر حکومت نہ کرنے دیں گے”۔ لوگ بھٹو اور مجیب کو اس تقسیم کا ذمہ دار قرار دیتے ہیں حالانکہ یہ چھوٹے کردار تھے اصل اور گھناؤنا کردار فوج نے ادا کیا۔ اور 70ء کے انتخابات کے بعد جمہوریت کا گلہ گھونٹنے کا خمیازہ ہمیں اس صورت میں ہی بھگتنا تھا۔ بھارت جو پہلے ہی موقع کی تلاش میں تھا اس نے صورتحال سے پورا فائدہ اٹھایا۔ بس اتنا کہنا چاہوں گا
وقت کرتا ہے پرورش برسوں
حادثہ ایک دم نہیں ہوتا

قدرت اللہ شہاب نے لکھا ہے کہ امریکنوں کی طرف سے سینیٹری کا سامان بطور تحفہ آیا، کیبنٹ میں بیٹھے کسی بنگالی نے اس میں سے حصہ مانگا تو مغربی پاکستان کے وزیروں نے قہقہہ مارتے ہوئے کہا

”تم لوگوں نے سینیٹری کا سامان کیا کرنا ہے؟ تمہیں تو رفع حاجت کے لئے کیلوں کا جھنڈ ہی کافی ہے“ ۔
یہاں یاد پڑتا ہے کہ شہاب صاحب نے ”جھنڈ“ کی بجائے ”کیلوں کی گاچھ“ کے لفظ استعمال کئے تھے جس کی حب الوطنی کو مزید اطمینان چاہئے وہ قدرت اللہ شہاب کا ”شہاب نامہ“ پڑھ لے تو خاصا افاقہ ہو جائے گا۔

.

سالہا سال بنگال کا استحصال ہوتا رہا، وہ ذلیل و خوار ہوتا رہا لیکن مغربی پاکستان میں کس کو فکر تھی؟ کتنے ٹائر جلے اور کتنی ہڑتالیں ہوئیں؟ آج بھی اسلام آباد اور لاہور میں خود کش حملے ہوئے تو لوگوںکو یاد آیا کہ وزیرستان میں 2002 سے آپریشن ہو رہا ہے، گھر برباد اور بازار اجڑ گئے ہیں۔ لوگ مر رہے ہیں۔
بس چھوڑیں صاحب۔۔۔ دل نہ جلائیں اپنا بھی اور ہمارا بھی۔۔۔

Mujhe He Hukam E Azaan: اس طرح کے ہوتے ہیں اصلی حکمران

2011-12-09T06:12:00.000-08:00

Mujhe He Hukam E Azaan: اس طرح کے ہوتے ہیں اصلی حکمران: Hamas Leader And Prime Minister Of Palestine.Ismael Hania
اے تاریخ، لکھ لے یہ سب کچھ عین اُس وقت جب کہ عرب و عجم کے حکمرا...

lave matcvk pak vs nz

2009-10-03T06:08:00.000-07:00

[FLASH=425,350]http://cafe.ibibo.com/swf/cricket.swf[/FLASH]

6 September Pakistan Diffence Day

2009-09-05T09:45:00.001-07:00

Beghairat Board

2009-05-16T06:16:00.000-07:00

Swat ke Muhajareen

2009-05-16T06:01:00.000-07:00

کون جیتا کون ہارا

2009-05-16T05:58:00.000-07:00

راہول اور سونیا دونوں اپنی اپنی نشست جیت گئے

بھارت کے عام انتخابات میں جہاں بہت سی معروف سیاسی شخصیات کامیاب ہوگئی ہیں وہیں کچھ لوگوں کو ناکامی کا منہ بھی دیکھنا پڑا ہے۔

عوام کی اس عدالت میں سر خرو ہونے والے بڑے بڑے ناموں میں کانگریس پارٹی کی سربراہ سونیا گاندھی، پارٹی کے جنرل سیکرٹری راہول گاندھی،بی جے پی کے سربراہ راج ناتھ سنگھ اور بی جے پی کی طرف سے وزارت عظمیٰ کے امیدوار لال کرشن اڈوانی شامل ہیں۔

راشٹریہ جنتا دل کے راہنما اور ریاست بہار کے سابق وزیر اعلیٰ لالو پرساد یادو نے دو سیٹوں سے انتخاب میں حصہ لیا تھا اور وہ ایک نشست پر انہیں عوام نے مسترد کر دیا ہے۔

ہارنے والوں میں کانگریس حکومت کے وزیر داخلہ پی چدمبرم بھی شامل ہیں جو تمل ناڈو سے الیکشن لڑ رہے تھے۔ کانگریس پارٹی کی رینوکا چودھری بھی کھمم سے ہار گئیں۔ وہ منموہن سنگھ کی حکومت میں بچوں اور خواتین کے امور کی وزیر تھیں۔

رام ولاس پاسوان اور لالو پرساد یادو

بی جے پی کی طرف سے انتخابات میں حصہ لینے والی مینکا گاندھی اور ان کے بیٹے ورون گاندھی بی جے پی کی ٹکٹ پر جیت گئے ہیں۔

ہارنے والوں میں ایک اور قابل ذکر نام لوک جن شکتی کے رہنما رام ولاس پاسوان ہیں جو بہار میں حاجی پور سے انتخاب لڑ رہے تھے۔ وہ اس سیٹ سے سات بار کامیاب ہو چکے ہیں اور ایک قابل ذکر بات یہ ہے کہ انہوں نے یہاں سے انیس سو نواسی میں چار لاکھ سے زیادہ ووٹوں کی برتری سے کامیابی حاصل کی تھی جو ایک ریکارڈ ہے۔

کامیابی حاصل کرنے والوں میں اداکارہ جے پردا ہیں جو رامپور سے سماجوادی پارٹی کی امیدوار تھیں۔ یو پی سے ہی مراد آباد کے حلقے سے انتخاب لڑنے والے سابق ٹیسٹ کرکٹر اظہرالدین بھی اپنی سیٹ جیت گئے ہیں۔ وہ کانگریس کے ٹکٹ پر میدان میں اترے تھے۔

مرحوم اداکار سنیل دت اور نرگس کی بیٹی پریا دت ممبئی سے کانگریس پارٹی کی ٹکٹ پر کامیاب ہوئی ہیں۔ بی جے پی کی ٹکٹ پر انتخاب میں حصہ لینے والے اداکار شتروگھن سنہا بھی جیت گئے ہیں۔

امرتسر سے سابق ٹیسٹ کرکٹر نوجوت سنگھ سدھو بی جے پی کے ٹکٹ پر کامیاب ہوئے ہیں۔

انصاف کا وقت آگیا: افتخار چوہدری

2009-05-16T05:57:00.000-07:00

علی حسن

وکلا، ججز اور سول سوسائٹی کو اپنی ذمہ داری کا بھرپور احساس کرتے ہوئے آگے آنا ہوگا: افتخار چوہدری

سپریم کورٹ کے چیف جسٹس افتخار محمد چوہدری جمعہ کے روز سے سندھ کے دورے پر ہیں۔ اس دورے کے دوران وہ وکلا برادری کو قائل کرنے نکلے ہیں کہ وہ قومی جوڈیشل پالیسی کے تحت انصاف کی بروقت اور یقینی فراہمی کو ممکن بنانے میں عدلیہ کے ساتھ بھرپور تعاون کریں۔

ان کا کہنا تھا کہ رواں سال کو انصاف سب کے لیے کا عنوان دینے کا مقصد بہت واضح ہے۔ ’قوم نے ساٹھ سال انتظار کیا ہے۔ لوگوں کی تکالیف کو سمجھنے کی ضرورت ہے۔ عوام کو انصاف کے حصول کے لیے در در کی ٹھوکریں کھانی پڑتی ہیں‘۔ انہوں نے کہا کہ وقت، پیسہ اور توانائی خرچ کرنے کے بعد بھی انہیں انصاف نہیں ملتا ہے۔ قوم نے عدلیہ سے جو توقعات وابستہ کی ہیں، اس پر پورا اترنے کا وقت آگیا ہے۔ قوم کی نظریں ججوں اور وکلا پر لگی ہوئی ہیں۔

عام لوگ برملا وکلا کی بڑی تعداد کو ہی انصاف کے حصول میں تاخیر کا ذمہ دار تصور کرتے ہیں۔ اس کارروائی میں مذموم مقاصد رکھنے والے مؤکل حضرات کو کسی طرح بھی بہرحال بری الذمہ قرار نہیں دیا جا سکتا ہے۔

چیف جسٹس جمعہ کی شب حیدرآباد میں سندھ ہائیکورٹ بار ایسوسی ایشن حیدرآباد کی عہدیداران کی تقریب حلف برداری کی تقریب اور ہفتہ کو سانگھڑ بار کی اراکین سے خطاب کر رہے تھے۔

چیف جسٹس نے اپنے سامعین کو متنبہ کیا کہ یہ عدلیہ کے نظام کی بقاء کا سوال بھی ہے کیوں کہ ملک کے ایک علاقے (انہوں نے سوات کا نام نہیں لیا، نہ ہی نظام عدل کا ذکر کیا) میں انصاف کا جو نظام متعارف کرایا جارہا ہے اس میں سرے عام کوڑے مارے جارہے ہیں اور انسانیت کی تذلیل کی جا رہی ہے۔ تعلیم یافتہ لوگ ، وکلا اور سول سوسائٹی اس قسم کے مناظر دوبارہ دیکھنا کس طرح برداشت کرسکتے ہیں۔ اس صورتحال میں وکلا، ججز اور سول سوسائٹی کو اپنی ذمہ داری کا بھرپور احساس کرتے ہوئے آگے آنا ہوگا۔

ملک کے ایک علاقے میں انصاف کا جو نظام متعارف کرایا جارہا ہے اس میں سرے عام کوڑے مارے جارہے ہیں اور انسانیت کی تذلیل کی جا رہی ہے۔ تعلیم یافتہ لوگ ، وکلا اور سول سوسائٹی اس قسم کے مناظر دوبارہ دیکھنا کس طرح برداشت کرسکتے ہیں۔

جسٹس افتخار محمد چوہدری

جسٹس افتخار محمد چوہدری نے کہا کہ وکلا نے عدلیہ کی بحالی و آزادی کی تحریک میں بڑی قربانیاں دی ہیں۔ سول سوسائٹی، میڈیا اور قوم کی قربانیوں کو ہم فراموش نہیں کرسکتے۔ وکلا تحریک کے دوران 12 مئی اور 9 اپریل جیسے دل دہلا دینے والے ناخوشگوار واقعات بھی رونما ہوئے جب وکلا کو زندہ جلایا گیا۔ وکلا کے ساتھ ساتھ ان کے خاندان اب تک ابتلا اور آزمائش برداشت کر رہے ہیں۔ انہوں نے کہا کہ ان قربانیوں کے بعد بھی اگر عدلیہ عوام کو انصاف فراہم نہ کرے تو قوم کے اعتماد کو زبردست ٹھیس پہنچے گی اور یہ نظام بھی درست نہیں ہو سکے گا۔ اس لیے ضروری ہے کہ فوری انصاف کو یقینی بنانے کے لیے جنگی بنیادوں پر کام کریں، دین میں جہاد کی اہمیت سے سب آگاہ ہیں، یہ کام بھی ایک جہاد کے فریضہ کی طرح انجام دینا ہوگا۔

تقریب میں سپریم کورٹ کے سابق جج جسٹس (ر) رانا بھگوان داس کی تقریر کچھ زیادہ ہی پسند کی گئی۔ انہوں نے کہا کہ جب تین نومبر کو عدلیہ پر ایک اور شب خون مارا گیا اور ایک زبانی حکم کے زریعے پہلی بار اعلیٰ ججوں کو گھروں میں قید کردیا گیا، ان کے اہل خانہ کو بھی نکلنے کی آزادی نہیں تھی، جن ججوں نے پی سی او کے تحت حلف لیا، اس پر ان حضرات نے قوم کو تو شرمندہ کیا ہی لیکن خود ان کا اپنا ضمیر بھی آج ملامت کرتا ہوگا، وہ اپنے اہل خانہ کی نظروں میں بھی گِر گئے ہوں گے۔

جس وقت وہ تقریر کر رہے تھے، اس وقت ان جج حضرات کی حالت دیدنی تھی۔ اسی طرح ان وکلا کی گردنیں جھکی ہوئی تھیں جنہوں نے وکلا تحریک سے علیحدگی اختیار کر کے حکومت کی ایما پر سرکاری ملازمتیں حاصل کر لی تھیں۔

جسٹس (ر) رانا بھگوان داس نے کہا کہ دنیا نے دیکھ لیا ہے کہ ہاری ہوئی اور زخم خوردہ عدلیہ کس طرح زندہ ہوگئی ہے۔ انہوں نے علامہ اقبال کا یہ شعر پڑھا ’خدا نے آج تک اس قوم کی حالت نہیں بدلی، جسے نہ ہو خود خیال اپنی حالت بدلنے کا‘

سترہ کروڑ گواچے لوگ'

2009-05-16T05:52:00.000-07:00

'سترہ کروڑ گواچے لوگ'

حسن مجتییٰ 2009-05-16, 10:44

ہیومن رائٹس واچ نے صوبہ سرحد کی سوات وادی سمیت دیگر علاقوں میں طالبان اور فوج کی جنگ میں کچلے جانے والے لاکھوں لوگوں کی دربدر ہونے کو پاکستان کی تاریخ میں سنہ سینتالیس میں لوگوں کی دربدری کے بعد سنگین ترین انسانی صورتحال قرار دیا ہے۔

نیویارک میں دنیا کی مشہور ایمپائر اسٹیٹ بلڈنگ کی چونتیسویں منزل پر واقع ہیومن رائٹس واچ کو بارہ ہزار میل دور پاکستان میں بارہ لاکھ لوگوں کی اپنے وطن میں بے وطن بے خانماں بربادی نظر آگئی لیکن نیویارک شہر میں ہڈسن ندی کی لہروں پر 'اسکائی لائین' کروزنگ جہاز کے عرشے پر جام لنڈھاتے پاکستان کے وزیروں اور لمبی لمبی لیموزین میں چڑہ کر عوامی لیکن خانگی سیاسی فنکشنوں میں آنے والے پاکستانی حکمرانوں کو نظر کیوں نہیں آئی۔

اس لیے تو راجہ بازار راولپنڈی میں بھیک مانگتے ہوئے ایک نابینہ شخص نے کہا تھا 'اکھاں والیوں تسی بڑے۔۔۔۔۔۔'

صدر آصف زرداری اپنے امریکی دورے کی بے وقتی راگنیاں چھیڑ کر لندن پدھارگئے۔ جب وہ اقوام متحدہ میں سیکرٹری جنرل بانکی مون سے ملنے آئے تو ان کے ایک طرف قمر زمان کائرہ تھے تو دوسری طرف سلمان فاروقی۔

صدر آصف زرداری کا دورہ امریکہ اس قدر کامیاب رہا کہ اس پر ریپبلیکن اور ڈیموکریٹک پارٹیوں کے دو سینٹروں نے جل کر کہہ دیا کہ ان کو امریکہ کی پاکستان کو بھاری امداد میں جلدی کرنے پر تشویش ہے کیونکہ پاکستان میں کچھ لیڈر ایسے بھی اعلیٰ منصب نشیں ہیں جن کو 'مسٹر ٹین پرسینٹ' کہا جاتا رہا ہے۔ سینیٹ کی خارجہ کمیٹی میں ان دو سینٹروں نے اتنا بھی کہا کہ 'ہم نہیں چاہتے کہ پاکستان کو دی جانے والی امداد کا بڑا حصہ سوئٹزر لینڈ کے اکاؤنٹوں میں جاکر جمع ہو جائے'۔ اپنی مزدوری سے امریکہ میں ایک ٹیکس بھرنے والے کی حیثیت سے مجھے بھی اس پر تشویش ضرور ہے۔

یہ جو صدر زرداری کے وفد میں پانچ لاکھ ڈالر کا خرچہ ہوا ہے کون ادا کرے گا؟ میں نے ایک پاکستانی عملدار سے پوچھا 'پاکستانی ٹیکس دہندگان اور کون؟'
سترہ کروڑ لوگوں پر کتنے مسٹر ٹین پرسنیٹ ہیں؟ بارہ لاکھ لوگ دربدر بے گھر اور متاثر ہوئے ہیں۔ مجھے لگتا ہے لوگ سینتالیس سے ہی دربدر ہو رہے ہیں۔
'ست گواچـے لوک' فخر زمان کا ناول یاد ہے؟

ایک مس فٹ قسم کے پاکستانی سفارتکار کو میرے دوست نے کہا
'ہاں یار، اب تو لگتا ہے سترہ کروڑ گواچے لوگ ہیں'۔

2009-05-16T05:45:00.000-07:00

کالعدم تنظیموں کے مدارس بند کیے جائیں

2009-05-16T05:42:00.000-07:00

’کالعدم تنظیموں کے مدارس بند کیے جائیں‘

سکھوں سے جزیہ طلب کرنے کا پروپیگنڈہ غیرملکی چینلز نے کیا: بابر اعوان

قومی اسمبلی میں مالا کنڈ کی صورتحال پر پانچ روز تک جاری رہنے والی بحث جمعہ کے روز مکمل ہوگئی جس کے بعد اجلاس غیرمعینہ مدت کے لیئے ملتوی کر دیا گیا ہے۔

بحث کے دوران اراکین نے تمام مسائل کا حل پارلیمنٹ کے ذریعے نکالنے، فوجی آپریشن میں فوج کی مکمل حمایت کرنے، قومی اتحاد اور یکجہتی کے فروغ، نقل مکانی کرنے والوں کو مناسب سہولیات کی فراہمی، کالعدم تنظیموں کے مدارس بند کرنے، آئین توڑنے والوں کو قانون کے کٹہرے میں لانے اور شدت پسندی کے خاتمے کےلئے جمہوری اداروں کو مستحکم کرنے کی ضرورت پر زور دیا۔

جمعہ کو مالا کنڈ کی صورتحال پر بحث کی تحریک پر مزید بحث کی گئی۔

وفاقی وزیر پارلیمانی امور ڈاکٹر بابر اعوان نے بحث سمٹتے ہوئے کہا کہ پاکستان قائم رہنے کے لئے بنا ہے اس کو کوئی طاقت نہیں توڑ سکتی۔ ان کا کہنا تھا کہ سوات سے نقل مکانی کرنے والوں نے اپنا آج ہمارے کل پر قربان کردیا ہے ان کو کسی صورت تنہا نہیں چھوڑیں گے۔

وزیر کا مؤقف تھا کہ نقل مکانی کرنے والوں نے فوج کے آپریشن سے نہیں بلکہ شدت پسندوں کی دھمکیوں کے خوف سے نقل مکانی کی ہے اور حکومت نے سوات آپریشن پر قوم کو اعتماد میں لیا ہے۔ انہوں نے الزام عائد کیا کہ امن معاہدے کی خلاف ورزی شدت پسندوں نے کی تھی۔

ان کا مزید کہنا تھا کہ سکھوں سے جزیہ طلب کرنے کا پروپیگنڈہ غیرملکی چینلز نے کیا جس میں کوئی صداقت نہیں تھی۔ ’ہمیں پاکستان کو غیر مستحکم کرنے والی قوتوں کو بے نقاب کرنا ہوگا۔‘

جمعیت علماءاسلام (ف) کے امیر اور قومی کشمیر کمیٹی کے چیئرمین مولانا فضل الرحمٰن نے کہا ہے کہ پارلیمانی قرارداد اور قومی سلامتی بارے پارلیمانی کمیٹی کی سفارشات پر جب تک عملدرآمد نہیں کیا جاتا اس وقت تک آل پارٹیز کانفرنس کا کوئی نتیجہ نہیں نکلے گا، پارلیمنٹ کو اب بھی اختیارات مل جائیں تو صورتحال کا کوئی نہ کوئی حل نکل آئے گا۔

پارلیمنٹ ہاؤس میں ذرائع ابلاغ کے نمائندوں سے مختصر بات چیت میں انہوں نے کہا کہ سوات اور ملاکنڈ کے علاقوں میں جاری فوجی آپریشن کا کوئی نتیجہ برآمد نہیں ہو گا۔ بالآکر ہمیں بات چیت کا راستہ ہی اختیار کرنا پڑے گا۔

وفاقی وزیر پانی وبجلی راجہ پرویز اشرف نے صحافیوں سے بات کرتے ہوئے کہا کہ سوات آپریشن کو عوام اور پارلیمنٹ کی حمایت حاصل ہے اور یہ کہ نقل مکانی کرنے والوں کے کیمپوں میں دو روز میں دس ہزار پنکھے پہنچا دیے جائیں گے۔

ملک میں لوڈشیڈنگ کے بارے میں ان کا کہنا تھا کہ آئندہ تین ماہ کے دوران بجلی کی طلب اور رسد میں فرق دو ہزار سے پچیس سو میگاواٹ تک پہنچ جائے گا۔ ان کا کہنا تھا کہ بجلی کی کمی پوری کرنے کےلئے پانی کے ذخائر میں اضافے کی ضرورت ہے۔

اجلاس سوات اور مالاکنڈ کی صورتحال پر بحث کے لئے بلایا گیا تھا۔ اجلاس کے دوران حکومتی اور اپوزیشن کے 71 اراکین نے بحث میں حصہ لیا۔ وزیراعظم نے بحث کا آغاز کیا تھا۔ اجلاس گیارہ مئی کو شروع ہوا تھا۔

گوانتانامو ٹرائبیونل کی بحالی پر غم وغصہ

2009-05-16T05:37:00.000-07:00

گوانتانامو ٹرائبیونل کی بحالی پر غم وغصہ

گوانتاموبے میں اس وقت بھی 240 قیدی ہیں

انسانی آزادیوں کے لیے کام کرنے والی تنظیموں نے صدر براک اوباما کے اس فیصلے پر شدید غم و غصہ کا اظہار کیا ہے جس کے تحت گوانتاناموبے کے چند قیدیوں کے مقدمات کو ملٹری ٹرائبیونل میں دوبارہ شروع کیا جائے گا۔

صدر براک اوباما نے اس سےقبل بش دور میں قائم کیے گئے اس عدالتی نظام کے بارے میں منفی جذبات کا اظہار کیا تھا اور کہا تھا کہ نئے اقدامات کے ذریعے اس بات کو یقینی بنایا جائے گا کہ مشتبہ افراد کے مقدمات کی منصفانہ طور پر سماعت ہوسکے۔

جنوری 2009 میں صدرات کا منصب سنبھالتے ہی اوباما نے گوانتانامو جیل کو ایک سال کے اندر بند کرنے اور وہاں جاری ملٹری ٹرائیبونل کی کارروائی کو روکنے کا بھی اعلان کیا تھا۔ ان کا کہنا تطا کہ امریکہ اب ایک نئے دور میں داخل ہورہا ہے جں میں انسانی حقوس کا احترام کیا جائے گا۔

اوبامہ انتظامیہ کے ایک اہلکار نے کہا ہے کہ فوجی عدالتوں میں پہلے سے زیادہ بہتر قانونی حقوق حاصل ہوں گے۔ نئے قوانین کے تحت قیدیوں کے ان بیانات کو رد کردیا جائے گا جوقیدیوں پر سختی کرکے لیے گئے ہیں۔

کیوبا کی گوانتاموجیل میں اب بھی دو سو اکتالیس قیدی موجود ہیں۔ صدر اوباما نے گوانتاموبے جیل کو جنوری دو ہزار دس میں بند کرنے کا وعدہ کیا تھا۔

اہلکاروں کا کہنا ہے کہ ان فوجی ٹرائبیونل میں مقدمے کا سامنا کرنے والوں کو پہلے سے بہتر قانونی حقوق حاصل ہوں گے۔ بہتر قانوی حقوق کی وضاحت کرتے ہوئے اہلکار نے بتایا کہ ان ٹرائبیونل میں تشدد کے ذریعے حاصل ہونےوالی شہادت کو استعمال نہیں کیا جا سکے گا اور نہ ہی ’سنی سنائی‘ شہادتیں پیش ہو سکیں گی۔ وکیل منتخب کرنے کے عمل میں قیدیوں کی رائے کو پہلے سے زیادہ وزن دیا جائے گا۔

انسانی حقوق کے کارکنوں نے جنہوں نے بش انتظامیہ کے دور میں گوانتاموبے کے قیدیوں کا ملٹری ٹرائیبونل میں ٹرائل کے خلاف مہم چلائی تھی، صدر اوباما کے فیصلے پر مایوسی کا اظہار کیا ہے۔

امریکن سول لبرٹیز یونین کے جوناتھن ہافٹز نے کہا کہ اوبامہ انتظامیہ کا فیصلہ انتہائی مایوس کن ہے۔جوناتھن ہافٹز نے کہا کہ گوانتاموبے میں کوئی بھی قیدی ایسا نہیں ہے جس کا عام عدالتوں میں مقدمہ نہ چلایا جا سکے۔

صدر اوباما نے اپنی انتخابی مہم کےدوران فوجی عدالتوں کی تشکیل کو تنقید کا نشانہ بنایا تھا۔البتہ صدر اوباما کے مشیروں کا کہنا ہے کہ صدر نے کبھی بھی ملٹری کمیشن کو سرے سے رد کرنے کاوعدہ نہیں کیا تھا۔

ان کا کہنا ہے صدر اوباما نے بطور سینیٹر ایک ایسے قانون کی حمایت کی تھی جس کا مقصد ہی فوجی کمشن کا قیام تھا۔

واشنگٹن میں بی بی سی کے نامہ نگار ایڈم بروکس کا کہنا ہے کہ امکان ہے کہ صدر اوباما نائن الیون کے ماسٹر مائنڈ خالد شیخ محمد جیسے قیدیوں کے عام عدالتوں میں مقدمات سے بچنے کے لیے ملٹری ٹرائیبونل کو بحال کرنے کا فیصلہ کیا ہے۔

خیال کیا جاتا ہے کہ گوانتاموبے کے بیس قیدیوں کے مقدمے فوجی عدالتوں میں چلیں گے جبکہ باقی کچھ کو چھوڑ دیا جائےگا اور کچھ کو ان اپنے ممالک میں بھیج دیا جائے گا۔

گندم کی زیادہ پیداوار بھی مسئلہ

2009-05-16T05:35:00.000-07:00

گندم کی زیادہ پیداوار بھی مسئلہ

علی سلمان

اس برس پاکستان میں گندم غیرمعمولی زیادہ پیدا ہوئی

پاکستان میں گندم کی غیر معمولی زیادہ پیداوار نے سرکاری سطح پر خریداری کے مسائل کھڑے کر دیئے ہیں۔ کاشتکاروں کی ایک بڑی تعداد سرکاری خریداری مراکز کے باہر قطار در قطار کھڑی اس کی فروخت کی منتظر ہے جبکہ سرکاری گودام بھر چکے ہیں اور اب اطلاعات کے مطابق حکومت کو فنڈز کی قلت کا سامنا ہے۔

پاکستان میں اس برس گندم کی سرکاری قمیت تقریباً دوگنی کردی گئی تھی جس کی وجہ سے گندم کی غیر معمولی پیداوار ہوئی جو ملکی ضروریات سے زیادہ ہے۔ سندھ میں نسبتاً زیادہ کامیابی سے گندم خرید لی گئی جس کے بعد پنجاب میں گندم کی خریداری شروع ہوئی تو اس نے حکومت کے ہوش اڑا دیے ہیں۔

اپوزیشن جماعت مسلم لیگ قاف نے الزام لگایا ہے کہ گندم کی خریداری کی ناقص سرکاری پالیسی سے کسانوں کو نقصان ہورہا ہے۔

صوبائی وزیر خوراک ندیم کامران کے بقول گزشتہ برس صرف تیرہ لاکھ ٹن گندم خریدی گئی تھی اور اب تک حکومت چھتیس لاکھ ٹن گندم خرید چکی ہے۔ ان کے بقول گندم کی سرکاری خریداری کا یہ ایک ریکارڈ ہے اور ملکی ضروریات کے لیے کافی ذخیرہ ہے۔ انہوں نے کہا کہ اس کے باوجود اس کی خریداری جاری ہے۔

حکومت پنجاب نے صوبےکے کاشتکاروں سے ساٹھ لاکھ ٹن گندم خریدنے کا اعلان کر رکھا ہے اور ابھی بھی کسانوں کی لمبی قطاریں تقریباً ہر خریداری مرکز پر نظر آتی ہے۔

مسلم لیگ قاف پنجاب کے صدر پرویز الہی نے اپنی پارٹی کے کسان ونگ کے اجلاس کے بعد ایک پریس کانفرنس سے خطاب کرتے ہوئے کہا کہ انہوں نے جی ٹی روڈ پرگندم خریداری کے مرکز کے باہر لگی ایک قطار کو اپنی گاڑی کے سپیڈو میٹر سےماپا تو وہ تین کلومیٹر لمبی نکلی۔

انہوں نے الزام عائد کیا کہ سرکاری اراکین قومی اور صوبائی اسمبلی کی سفارشی چٹوں پر گندم خریدی جارہی ہے۔

وزیراعلی پنجاب شہباز شریف مختلف اضلاع میں چھاپے مار کر خریداری مراکز کے تقریباً ایک سو اہلکاروں کو معطل کرچکے ہیں لیکن اپوزیشن کا کہنا ہے کہ اس سے کاشتکاروں کے مسائل حل نہیں ہوسکے۔

حکومت پنجاب نے زیادہ گندم سے نبٹنے کے لیے دس لاکھ ٹن گندم برآمد کرنے کا اعلان کیا ہے لیکن اپوزیشن کے راہنما چودھری پرویز الہی کا کہنا ہے کہ یہ اعلان بھی ایک دھوکا ہے۔ ان کے بقول اس وقت گندم کی عالمی قیمت سوا دو سو ڈالر فی ٹن ہے جبکہ پاکستان میں گندم کی قیمت تین سو پینسٹھ ڈالر ہے اس لیے اس کی برآمد کی بات کرنا پرویز الہی کے بقول ایک دھوکا ہے۔

مبصرین کاکہنا ہے کہ ماضی میں گندم کی کمی اور اب اس کی زیادتی حکومت کے لیے مسئلہ بنی ہوئی ہے۔

پناہ گزینوں کے لیے آٹا پنجاب بھیجے گا‘

2009-05-16T05:29:00.000-07:00

’پناہ گزینوں کے لیے آٹا پنجاب بھیجے گا‘

علی سلمان

بلوچستان اور پنجاب کے وزرائے اعلی نے مرادن میں کیمپوں کا رورہ کیا اور پناہ گزینو کے لیے امداد دی

وزیر اعلی پنجاب شہباز شریف نے سرحد حکومت کو پیشکش کی ہے کہ وہ سوات کے پناہ گزینوں کے لیے تندور لگائیں اور ان کے لیے آٹا پنجاب حکومت فراہم کرے گی۔ انہوں نے کہا کہ وزیر اعلی سرحد نے صرف اشارہ کرنا ہے کہ روزانہ کی کیا ضرورت ہے اور پنجاب سے گندم پسوا کر آٹا مسلسل سپلائی کیا جائے گا۔

یہ بات وزیر اعلی پنجاب نے صوبہ سرحد میں پناہ گزینوں کے کیمپوں کے دورے کے دوران وزیر اعلی سرحد سے گفتگو کرتے ہوئے کہی۔

شہباز شریف نے وزیر اعلی سرحد امیر حیدر خان ہوتی کو کہا کہ وہ ایک ایسی رابط کمیٹی بنا دیں جس میں پنجاب اور سرحد کے حکام شامل ہوں اور یہ کمیٹی روزانہ کی بنیاد پر بتائے کہ پناہ گزینوں کی کھانے پینے کی کیا ضروریات ہیں اور پنجاب حکومت اور پنجاب کے عوام وہ چیزیں فراہم کریں گے

وزیر اعلی پنجاب اس وقت پنجاب میں سستے روٹی کے تندوروں کی سکیم چلا رہے ہیں اور ان مخصوص سستے تندروں پر دو روپے کی روٹی فروخت کی جاتی ہے۔

پنجاب کے وزیر اعلی شہباز شریف اور بلوچستان کے وزیر اعلی نواب اسلم رئیسانی پناہ گزینوں کے لیے امداد لےکر جمعہ کے روز ایک ساتھ صوبہ سرحد پہنچے، رسالپور ائر بیس پر وزیر اعلی سرحد امیر حیدر ہوتی نے ان کا استقبال کی۔ اس موقع پر بلوچستان کے وزیر اعلی نواب اسلم رئیسانی نے پناہ گزینوں کے لیے چھ کروڑ روپے کی امداد کا اعلان کیا۔

وزیراعلی پنجاب نے اشیائے خوردونوش سے بھرے ایک سو چھپن ٹرک صوبے سرحد کے حوالے کیے

وزیر اعلی پنجاب نے کہا کہ تین صوبوں کے وزرائے اعلی کی موجودگی اس بات کا ثبوت ہے کہ تمام صوبے پاکستان کی بقا کی خاطر اور دربدر ہونے والے پاکستانی بھائیوں کی مدد کے لیے متحد ہیں۔انہوں نے کہا کہ بلوچستان کی اپنے معاشی مسائل کے باوجود چھ کروڑ روپے امداد اس بات کا ثبوت ہے کہ وہ سرحد اور پاکستان کے عوام سے کس قدر محبت کرتے ہیں۔ وزیر اعلی پنجاب نے اعلان کیا کہ سرحد کے متاثرین کو پنجاب کے تعلیمی اداروں میں پناہ دی جائے گی۔ انہوں نے کہا کہ صوبے کے سکولوں اور کالجوں میں گرمیوں کی چھٹیاں ہونے والی ہیں اور انہوں نے وزیر اعلی سرحد کو کہا ہے کہ وہ پناہ گزینوں کی رجسٹریشن کر کے ان کو پنجاب بھجواتے جائیں جہاں انہیں تعلیمی اداروں میں رکھا جائے گا۔

بلوچستان کے وزیر اعلی نواب اسلم رئیسانی نے پناہ گزینوں کے لیے چھ کروڑ روپے کی امداد کا اعلان کیا

وزیراعلی پنجاب نے اشیائے خوردونوش سے بھرے ایک سو چھپن ٹرک صوبے سرحد کے حوالے کیے۔ شہباز شریف ایران کےتین روزہ دورے کے بعد لوٹے تھے لیکن لاہور جانے کی بجائے اسلام آباد سے براہ راست مردان میں پناہ گزینوں کے کیمپ پہنچے۔ وزیر اعلی شہباز شریف نے مزدور آباد تخت بائی مردان میں مہاجروں کے ایک کیمپ کا بھی دورہ کیا اور پناہ گزینوں سے ان کی مشکلات پوچھیں۔

گولہ باری سے صوفی محمد کا ہلاک

2009-05-07T08:12:00.000-07:00

گولہ باری سے صوفی محمد کا ہلاک

رفعت اللہ اورکزئی، عبدالحئی کاکڑ

آپریشن کے دوران بھاری توپخانہ بھی استعمال کیا جا رہا ہے

صوبہ سرحد کے ملاکنڈ ڈویژن میں مقامی طالبان کے خلاف فوجی کارروائی جمعرات کو بھی جاری ہے اور اسی دوران تحریکِ نفاذِ شریعتِ محمدی کے سربراہ مولانا صوفی محمد کا ایک بیٹا اور تین سکیورٹی اہلکار ہلاک ہوئے ہیں۔

دوسری طرف سوات میں سکیورٹی فورسز کی دو روزہ کارروائی کے بعد زمرد کی کانوں پر سے طالبان کے کنٹرول ختم ہو گیا ہے۔

مولانا صوفی محمد کے بیٹے ضیاء اللہ نے بی بی سی اردو سے بات کرتے ہوئے تصدیق کی کہ ان کے ایک بھائی تینتالیس سالہ کفایت اللہ بدھ اور جمعرات کی درمیانی شب ایک مارٹر حملے کا نشانہ بنے۔ ان کا کہنا تھا کہ یہ واقعہ ضلع لوئر دیر میں میدان کے علاقے دارو میں پیش آیا جہاں کفایت اللہ ایک گاؤں میں رہائش پذیر تھے۔ ضیاءاللہ کے مطابق اس حملے میں مولانا صوفی محمد کے داماد بھی زخمی ہوئے ہیں۔

چند ہفتے قبل بھی سکیورٹی فورسز نے میدان قمبڑ کے علاقے میں واقع مولانا صوفی محمد کے آبائی مکان کو نشانہ بنایا تھا جس سے مکان کو نقصان پہنچا تھا۔ سکیورٹی فورسز نے دعوی کیا تھا کہ مولانا صوفی محمد کے مکان سے ان پر حملہ ہوا تھا جس کے ردعمل میں یہ کارروائی کی گئی۔تاہم تحریکِ نفاذِ شرعتِ محمدی کے ترجمان نے سرکاری دعوے کی تردید کی تھی۔ اس حملے کے بعد مولانا صوفی اپنا آبائی علاقہ چھوڑ کر بٹ خیلہ منتقل ہو گئے تھے۔

کانجو اور آس پاس کے علاقوں میں طالبان نے جی ٹی روڈ پر چیک پوسٹیں قائم کی ہوئی ہیں جس سے لوگوں کو گزرنے کی اجازت نہیں دی جا رہی ہے۔ مینگورہ میں ہر طرف لوگ سڑکوں پر خواتین اور بچوں کے ہمراہ کھڑے ہیں تاہم گاڑیاں نہ ہونے کی وجہ سے انہیں مشکلات کا سامنا ہے۔

عینی شاہدین

ادھر لوئر دیر کے علاقے چکدرہ میں مسلح طالبان نے لیوی ہیڈ کوارٹر پر بھاری ہتھیاروں سے حملہ کیا ہے جس میں تین سکیورٹی اہلکار ہلاک ہوئے ہیں جبکہ دس کو یرغمال بنا لیا گیا ہے۔ سرکاری ذرائع کے مطابق طالبان نے بدھ کی رات قلعہ کو چاروں اطراف سے گھیرے میں لے رکھا تھا کہ اس دوران دونوں طرف سے فائرنگ شروع ہوئی جس میں تین ایف سی اہلکار ہلاک ہوگئے۔ ذرائع کے مطابق طالبان نے لیوی کے دس اہلکاروں کو یرغمال بنانے کے بعد انہیں اپنے ساتھ کسی نامعلوم مقام کی طرف لے گئے ہیں۔ مقامی لوگوں کا کہنا ہے کہ طالبان نے جاتے وقت قلعے کو بھی بارودی مواد سے نشانہ بنایا جس سے عمارت کو شدید نقصان پہنچا ہے۔

ادھر شورش زدہ ضلع سوات میں حکام کا کہنا ہے کہ سکیورٹی فورسز نے دو دن کی لڑائی اور شیلنگ کے بعد طالبان کے زیر کنٹرول زمرد کی کانوں پر قبضہ کرنے کے بعد طالبان کو علاقے سے بے دخل کر دیا ہے۔ سوات کے ایک اعلٰی سرکاری اہلکار نے بی بی سی کو بتایا کہ مینگورہ کے نواح میں واقع زمرد کے کانوں پر قبضہ کے بعد سکیورٹی فورسز کے دستے وہاں داخل ہوگئے ہیں اور اردگرد کے علاقے کا کنٹرول سنبھال لیا ہے۔ مقامی ذرائع کے مطابق طالبان نے زمرد کی کانوں پر تقریباً پانچ ماہ قبل قبضہ کیا تھا۔

خیال رہے کہ بدھ کو بھی گن شپ ہیلی کاپٹروں اور بھاری توپ خانے سے زمرد کی کانوں پر بھرپور شیلنگ کی گئی تھی جس میں کئی عام شہری بھی ہلاک ہوگئے تھے۔ سوات میں گزشتہ تین روز کے دوران غیر سرکاری اعداد و شمار کے مطابق مجموعی طور پر سینتیس عام شہری ہلاک ہوئے ہیں۔

جنگی ہیلی کاپٹروں نے طالبان ٹھکانوں کو نشانہ بنایا ہے

دریں اثناء سوات میں جمعرات کی صبح سات سے لے کر بارہ بجے تک کرفیو میں نرمی کی گئی اور اس دوران ہزاروں افراد نےعلاقے سے نکلنے کی کوشش کی تاہم راستے بند ہونے کی وجہ سے نقل مکانی کرنے والے افراد کو شدید مشکلات کا سامنا ہے۔ عینی شاہدین کا کہنا ہے کہ کانجو اور آس پاس کے علاقوں میں طالبان نے جی ٹی روڈ پر چیک پوسٹیں قائم کی ہوئی ہیں جس سے لوگوں کو گزرنے کی اجازت نہیں دی جا رہی ہے۔ انہوں نے کہا کہ مینگورہ میں ہر طرف لوگ سڑکوں پر خواتین اور بچوں کے ہمراہ کھڑے ہیں تاہم گاڑیاں نہ ہونے کی وجہ سے انہیں مشکلات کا سامنا ہے۔

سوات میں کمشنر، ناظم، ڈی آئی جی، پولیس اور فرنٹیئر ریزرو پولیس کے دفاتر پر طالبان کا قبضہ بدستور برقرار ہے۔ ان سرکاری دفاتر پر طالبان نے منگل کی شام کو قبضہ کیا تھا۔ مقامی لوگوں کے مطابق مینگورہ شہر کا بڑا حصہ طالبان کے کنٹرول میں ہے اور انہوں نے شہر کی بڑی بڑی عمارتوں پر مورچے سنبھالے ہوئے ہیں۔ یہ بھی اطلاعات ہیں کہ فوج کے تازہ دستے مینگورہ پہنچ گئے ہیں جبکہ امن معاہدے کے بعد علاقے میں پہلی بار جیٹ طیاروں کو گشت کرتے ہوئے دیکھا گیا ہے۔

امتحانی سکینڈل: مستعفی ہونےکی ہدایت

2009-05-07T07:49:00.001-07:00

امتحانی سکینڈل: مستعفی ہونےکی ہدایت

شہزاد ملک

بی بی سی اردو ڈاٹ کام، اسلام آباد

حاجی پرویز کو پنجاب ہاؤس طلب کرکے اُنہیں قومی اسمبلی کی رکنیت سے مستعفی ہونے کے بارے میں کہا گیا

پاکستان مسلم لیگ نواز کے رکن قومی اسمبلی حاجی پرویز خان کے امتحانی سکینڈل میں ملوث ہونے پر پارٹی کے قائد میاں نواز شریف نے اُنہیں قومی اسمبلی کی رکنیت سے مستعفی ہونے کی ہدایت کردی ہے۔

بدھ کے روز یہ ہدایت انہوں نے جماعت کی طرف سے رکن قومی اسمبلی شاہد خاقان عباسی کی طرف سے دی جانے والی رپورٹ کی روشنی میں دی جس میں کمیٹی نے حاجی پرویز خان کو امتحانی سکینڈل میں ملوث قرار دیا تھا۔

واضح رہے کہ راولپنڈی پولیس نے انتیس اپریل کو ایک نوجوان بلال جاوید کو گرفتار کیا تھا جو حاجی پرویز کی جگہ امتحان دے رہا تھا بعدازاں معلوم ہوا کہ گرفتار ہونے والہ شخص حاجی پرویز کا رشتہ دار ہے۔

اگرچہ رکن قومی اسمبلی کی پارٹی کے ساتھ پچیس سال سے زائد کی وابستگی رہی ہے لیکن اس کے باوجود اصولوں پر سودے بازی نہیں ہوسکتی۔

نواز شریف

نواز شریف نے بدھ کے روز پنجاب ہاؤس میں ایک پریس کانفرنس سے خطاب کرتے ہوئے کہا کہ اگرچہ رکن قومی اسمبلی کی پارٹی کے ساتھ پچیس سال سے زائد کی وابستگی رہی ہے لیکن اس کے باوجود اصولوں پر سودے بازی نہیں ہوسکتی۔

انہوں نے کہا کہ حاجی پرویز کو پنجاب ہاؤس طلب کر کے اُنہیں کمیٹی کی رپورٹ کے بارے میں بتایا گیا اور اُنہیں قومی اسمبلی کی رکنیت سے مستعفی ہونے کو کہا گیا ہے۔

حاجی پرویز خان نے راولپنڈی کے قومی اسمبلی کے حلقے این اے 55 میں ضمنی انتخِابات میں کامیابی حاصل کی تھی۔ یہ نشست مخدوم جاوید ہاشمی نے عام انتخابات میں تین حلقوں میں کامیابی کے بعد خالی کی تھی۔

میاں نواز شریف نے وزیر اعلٰی پنجاب میاں شہباز شریف سے کہا ہے کہ وہ محکمہ تعلیم کے اُن افراد کے خلاف سخت کارروائی کریں جنہوں نے اس حوالے سے حاجی پرویز کی معاونت کی تھی۔انہوں نے کہا کہ ملک میں آئین اور قانون کی بالادستی کے لیے ضروری ہے کہ ہر اُس شخص کا احتساب کیا جائے جو اپنے اختیارات کا ناجائز استعمال کرتا ہے۔

سابق چیف جسٹس عبدالحمید ڈوگر کی بیٹی فرح حمید ڈوگرکو اضافی نمبر دینے کے معاملے کا ذکر کرتے ہوئے انہوں نے کہا کہ قانون سب کے لیے برابر ہے اور اگر اُنہوں نے بھی بطور چیف جسٹس اپنے اختیارات سے تجاوز کیا ہے تو اُن کے خلاف بھی کارروائی ہونی چاہیے۔ تاہم انہوں نے اس بات پر زور نہیں دیا کہ سابق چیف جسٹس کو تعلیم کے بارے میں قومی اسمبلی کی قائمہ کمیٹی کے اجلاس میں طلب کیا جائے یا نہیں۔

بدھ کے روز ہی قومی اسمبلی کی قائمہ کمیٹی کے اجلاس میں راولپنڈی کے تعلیمی بورڈ کے چیئرمین پروفیسر ریاض نے الزام عائد کیا ہے کہ گارڈن کالج کے امتحانی مرکز کے سپرنٹینڈینٹ نے رکن قومی اسمبلی حاجی پرویز کی حمایت کی تھی۔

میاں نواز شریف کا کہنا تھا کہ ملک میں مثبت اور تعمیری سیاست کو فروغ دینے کے لیے ضروری ہے کہ ملک میں آئین اور قانون کی حکمرانی ہو۔

بدھ کے روز ہی قومی اسمبلی کی قائمہ کمیٹی کے اجلاس میں راولپنڈی کے تعلیمی بورڈ کے چیئرمین پروفیسر ریاض نے الزام عائد کیا کہ گارڈن کالج کے امتحانی مرکز کے سپرنٹینڈینٹ نے رکن قومی اسمبلی حاجی پرویز کی حمایت کی تھی ۔انہوں نے یہ بات حزب اختلاف کی جماعت پاکستان مسلم لیگ نون سے تعلق رکھنے والے رکن قومی اسمبلی عابد شیر علی کی سربراہی میں ہونے والے اجلاس میں کہی۔

رکن قومی اسمبلی کی جگہ مبینہ طور پر امتحانی پرچہ دینے والے بلال جاوید کو پولیس کے چھاپے کے بعد اسلحہ سمیت امتحانی مرکز سے گرفتار کیا تھا۔

حاجی پرویز خان پارلیمانی اراکین کے لیے گریجیویٹ ہونے کی شرط کے ختم کیے جانے بعد ضمنی انتخاب میں منتخب ہوئے تھے۔ تاہم وہ شائد انٹرمیڈیئٹ کی ڈگری احتیاطاً حاصل کرنا چاہ رہے تھے۔

”آئی ایس آئی “ کے خلاف امریکی ‘ بھارتی اور اسرائیلی سازش

2009-04-30T08:46:00.001-07:00

پاکستان کی سلامتی و بقا کے ضامن ادارے ”آئی ایس آئی “ کے خلاف امریکی ‘ بھارتی اور اسرائیلی سازش
قیام پاکستان کے ساتھ ہی اس نومود مملکت کے خلاف یہود و ہنود کی جن سازشوں کا آغاز ہوا ان کے نتائج کے طور پر کشمیر کا پاکستان کے ساتھ الحاق ہوسکا نہ ریاست جونا گڑھ پاکستان میں شامل ہوئی اور تو اور پاکستان کا ایک بازو مشرقی پاکستان بھی پاکستان سے کٹ کر بنگلہ دیش کے روپ میں تبدیل ہوگیا اور 16دسمبر 1971ء کو المیہ سقوط ڈھاکہ رونما ہوا جو پاکستان کے خلاف یہود و ہنود کے گٹھ جوڑ اور سازشوں کا بین ثبوت ہے کیونکہ کشمیر کے پاکستان کے ساتھ الحاق نہ ہونے میں جہاں برطانوی یہودی لارڈ ماؤنٹ بیٹن کا ہاتھ تھا وہیں کشمیر پاکستان کا حصہ اسلئے نہیں بن سکا کہ اس دور میں جنرل ڈگلس جیسا متعصب عیسائی پاکستانی فوج کا سربراہ تھا جبکہ سقوط مشرقی پاکستان کا کارنامہ بھارتی خفیہ ایجنسی ”را“ نے مغربی پاکستان میں موجود اپنے پاکستانی اور مشرقی پاکستان میں موجود بنگالی ایجنٹوں کی مدد سے انجام دیا۔ اس کے بعد بھی یہود وہنود کی یہ خفیہ ایجنسیاں ”را“ اور ”موساد“ پاکستان کے خلاف سرگرم عمل رہیں اور اسے نقصان پہنچانے کےلئے سازشو کے بڑے سے بڑے جال بچھائے گئے جنہیں امریکی آشیر باد بھی حاصل رہی مگر تمام تر سازشوں اور پاکستان میں کرائی جانے والی تخریب کاری کے باوجود پاکستان کے یہ دشمن اپنی مذموم سازشوں اور ارادوں میں ماضی جیسی کامیابیاں اس لئے حاصل نہیں کر پائے کہ پاکستان کی حفاظت کے فریضے میں مسلح افواج کے ہمراہ ایک اور ادارہ بھی اپنی ذمہ داری ادا کر رہا ہے جسے آئی ایس آئی کا نام دیا جاتا ہے

دشمن کی چالوں ‘ خفیہ سازشوں ‘ ملک کو درپیش خطرات کے حوالے سے افواج پاکستان و دیگر متعلقہ فورسز اور سول قیادت کو آگاہ کرنے اور وطن عزیز کو دشمنوں کی چالوں سے بچا کر محفوظ و مستحکم رکھنے کے لئے مصروف عمل یہ ادارہ کیونکہ امریکی ‘ بھارتی اور اسرائیلی مذموم مقاصد کی راہ میں سیسہ پلائی دیوار کا کردار ادا کررہا ہے اسی لئے دشمنان پاکستان ”را“ اور ”موساد“ کی آنکھ میں شہتیر کی طرح کھٹکتا ہے یہی وجہ ہے کہ یہود و ہنود امریکہ کی مدد سے پاکستان کے ضامن اس ادارے کے خاتمے یا اس کی سرگرمیوں کو مفلوج کرانے کے لئے ہمیشہ سے سرگرم عمل رہے ہیں اور اس میں انہوں نے پہلی کامیابی اس وقت حاصل کرلی تھی جب موجودہ حکومت نے آئی ایس آئی کو وزارت داخلہ کے ماتحت کرنے کا حکم دیا مگر عسکری ‘ سیاسی ‘ سماجی ‘ عوامی حلقوں اور میڈیا کی جانب سے شدید ردِ عمل کے بعد آئی ایس آئی کے قتل کا یہ پروانہ منسوخ کرتے ہوئے واپس لے لیا گیا مگر دنیا کے نقشے سے ایک مستحکم اسلامی و ایٹمی مملکت کا وجود مٹاکر پاکستان کے حصے بخرے کرنے کے خواہشمند امریکہ ‘ اسرائیل اور بھارت امریکہ ‘ اسرائیل اور بھارت چاہتے ہیں تاکہ دنیائے اسلام میں کوئی بھی ان کی سامراجیت کے خلاف آواز اٹھانے یا بغاوت کرنے والا باقی نہ بچےمگر وہ یہ بھی وہ جانتے ہیں جب تک مسلح افواج کے شانہ بشانہ آئی ایس آئی جیسا ادارہ پاکستان کی حفاظت کی اپنی پیشہ وارانہ ذمہ داریاں سر انجام دے رہا ہے پاکستان کو نقصان پہنچانے کے ان کے ارادے کبھی بھی کامیاب نہیں ہوسکیں گے! اسی لئے ان تینوں سامراجی ممالک نے کہ ایک کثیرالمقاصد منصوبے کے تحت ممبئی دہشتگردی کا ڈرامہ رچا کر پاکستان اور آئی ایس آئی کے خلاف ایک عالمی سازش ترتیب دی اور اس سازش کے تحت امریکا نے پاکستان کی بقا کی ضمانت آئی ایس آئی کو دوسرے ممالک کےلئے خطرہ قرار دیتے ہوئے اسے سول حکومت کے ماتحت کرنے کا مطالبہ کیا ہے ۔ امریکی سینیٹر جان کیری نے چھپے لفظوں امریکی امدادی پیکیج کو آئی ایس آئی کو سول انتظامیہ کے ماتحت کرنے کی شرط سے مشروط کرتے ہوئے کہا ہے کہ ” آئی ایس آئی دوسرے ممالک کیلئے خطرہ ہے اس لئے پاکستانی حکومت کو اس پر کنٹرول کرنا چاہئے‘ پاکستانی فوج ایک مضبوط ادارہ ہے اور جنرل اشفاق پرویز کیانی اس کے سربراہ کی حیثیت سے مثبت کردار ادا کر رہے ہیں کیونکہ جنرل پرویز کیانی اور آئی ایس آئی کے سربراہ لیفٹیننٹ جنرل شجاع پاشا اچھی طرح جانتے ہیں کہ حالیہ درپیش حالات میں انہیں کیا کرنا چاہئے۔انہوں نے دہشت گردی کیخلاف جنگ میں صدر آصف علی زرداری کے کردار کو سراہتے ہوئے کہا کہ پاکستان کی موجودہ حکومت جمہوری طور پر منتخب حکومت ہے اور وہ بھرپور جمہوری انتخابات کے بعد وجود میں آئی ہے۔ اس لئے ہم اس کی مدد کریں گے“گوکہ سینیٹر جان کیری نے ممبئی دہشتگردی سے پاکستان اور آئی ایس آئی کو بری الذمہ قرار دیتے ہوئے کہاہے کہ ممبئی دہشت گرد حملوں میں پاکستان یا آئی ایس آئی کے ملوث ہونے کے کوئی شواہد نہیں ملے“مگر اس کے باوجود بھی آئی ایس آئی کو سول حکومت کے ماتحت کرنے کے ان کے مطالبے نے اس بات کو ثابت کردیا ہے کہ ان کی پوری گفتگو تمہید پر مشتمل تھی جس کا مقصد پاکستانی قیادت کو یہ باور کرانا تھا کہ امریکی امداد آئی ایس آئی کو سول حکومت کے ماتحت کرنے یادوسرے لفظوں میں عملاً اسے قتل کر کے پاکستان کی سالمیت کو خطرے میں ڈالنے سے مشروط کردی گئی ہے ۔ ہمارے حکمرانوں کو امریکہ کی اس سازش اور مطالبے پر عمل تو درکنار غور تک کرنے کی ضرورت نہیں ہے کیونکہ پاکستانی قوم یہ بات اچھی طرح جانتی ہے کہ پاکستان کی آزادی و تشخص صرف اس وقت تک قائم ہیں جب تک مسلح افواج اور آئی ایس آئی مشترکہ طور پر اس کی حفاظت کا فریضہ انجام دے رہی ہیں اور ان میں سے کسی بھی ایک کو دوسرے سے جدا یا ختم کیا گیا تو پھر یقینا یہی ملک قائم نہیں رہ سکے گا اس لئے ہماری حکومت کو صاحب امریکہ بہادر کے ترجمان ‘ صدر امریکہ بارک اوبامہ کے معتمد خاص سینیٹر جان کیری کو یہ باور کرادینا چاہئے کہ ”ہمیں اپنی آزادی اور سلامتی کے بدلے امریکہ یا کسی بھی امداد قبول نہیں ہے“

واجد شمس الحسن مستعفی ہوں

2009-04-27T08:13:00.000-07:00

واجد شمس الحسن مستعفی ہوں

ڈاکٹر محمد اجمل نیازی ـ 24 اپریل ، 2009

برطانیہ میں شرمناک طریقے سے پاکستانی طلبہ کو گرفتار کیا گیا اور اذیت ناک طریقے سے رہا کیا گیا۔ دونوں کام بڑی تسلی سے انہوں نے خود کیا۔ پاکستانی حکومت اور پاکستانی سفارت خانے نے کچھ نہیں کئے۔ دونوں کا رویہ بے بسی‘ بے حسی بلکہ بے غیرتی کا رہا۔ سابق سیکرٹری خارجہ دانش اور دردمندی سے لبریز شخص شمشاد احمد خان نے کہا کہ اگر میں سیکرٹری خارجہ ہوتا تو فوراً برطانیہ میں پاکستانی ہائی کمشنر واجد شمس الحسن سے جواب طلبی کرتا۔ گزارش شمشاد صاحب سے یہ ہے کہ صرف جواب طلبی بہت کم ہے۔ اس کے خلاف محکمانہ کارروائی ہونی چاہئے مگر وہ تو سفارت کاری کے محکمے کا آدمی ہی نہیں۔ وہ تو صحافی ہے اور اس نے زرداری صاحب‘ رحمان ملک اور پیپلزپارٹی کے لئے کچھ کالم لکھے ہونگے۔ جس کے صلے میں اسے یہ منصب دے دیا گیا ہے اس سے پہلے ڈاکٹر ملیحہ لودھی بھی صحافی تھیں۔ بے نظیر بھٹو کے قریب ہوئیں پھر جنرل پرویز مشرف کے عنقریب ہو گئیں۔ سیاست کے علاوہ صحافت میں بھی لوٹا ازم ہے۔ امریکہ میں پاکستان کے سفیر حسین حقانی بھی ایسے ہی ہیں۔ کبھی وہ نواز شریف کے بڑے چہیتے تھے۔ پھر بے نظیر بھٹو کے لاڈلے ہو گئے اور پھر آصف زرداری کے گہرے دوست بن گئے۔ ان کی اہلیہ فرح اصفہانی پیپلزپارٹی کی ایم این اے ہیں اور ایوان صدر میں زیادہ قومی اسمبلی میں کم نظر آتی ہیں۔ برادرم عطاء الحق قاسمی ممتاز صحافی ہیں اور ناروے میں سفیر تھے۔ ان کی یہ بات اہم ہے کہ وہ نواز شریف کے اب تک ساتھ ہیں۔ وہ صحافت میں سفارت کی اہمیت کو جانتے ہیں۔ بہرحال واجد شمس الحسن اچھے سفیر ثابت نہیں ہوئے جبکہ اس حوالے سے صحافیوں کی کارکردگی بری نہیں۔ پاکستانی حکومت امریکہ اور یورپ کے حوالے سے بہت محتاط اور خوفزدہ رہتی ہے۔ امریکہ اور برطانیہ کے علاوہ کسی ملک کا آدمی اس طرح پھنس جائے تو متعلقہ حکومتیں بہت کچھ کر گزرتی ہیں۔ برطانیہ کے ایک صحافی کے لئے شہزادہ چارلس بذات خود پاکستان آئے تھے۔ صدر زرداری‘ وزیراعظم گیلانی‘ وزیر خارجہ شاہ محمود قریشی اور مشیر داخلہ رحمان ملک نے بھی کوئی دلچسپی نہیں لی۔
اگر یہ طالب علم کسی وزیر شذیر‘ امیر کبیر یا افسر وغیرہ کے بیٹے ہوتے تو اب تک طوفان آچکا ہوتا۔ اپنے ایک دوست کے بیٹے کے لئے پنجاب کے ایک وزیراعلیٰ عارف نکئی خود تھانے پہنچ گئے تھے۔ اس طرح کے لوگوں پر ہاتھ ہی نہیں ڈالا جاتا۔ برطانیہ کے لئے مشہور ہے کہ وہ قانون پسند ملک ہے مگر ان کا قانون پاکستان کے لئے مختلف ہے۔ وہ کسی اور ملک کے طالب علموں کو گرفتار کرنے کی ہمت نہیں کر سکتے۔ پاکستان کے کسی بڑے چھوٹے آدمی کو کسی قابل نہیں سمجھتے۔ مگر عام پاکستانیوں کو وہ بھی خاطر میں لانے کے لئے تیار نہیں۔ جب انہیں ایک لائبریری میں سے گن پوائنٹ پر گرفتار کیا گیا وہاں بھی زمین پر لٹا کے تشدد کیا گیا۔ انہیں صرف شک کی بنا پر ذلیل و خوار کیا گیا۔ پاکستانیوں کے لئے ان کا شک ہی ان کا یقین ہے۔ پاکستانی ہونا ہی اصل قصور ہے۔ دہشت گردی کے الزام کے لئے صرف پاکستانی ہونا کافی ہے چونکہ یہ لڑکے پاکستانی تھے تو برطانوی وزیراعظم گورڈن براؤن اور وزیر خارجہ ملی بینڈ نے بھی دلچسپی لی۔ تفتیش پاکستانی انداز میں کی گئی۔ جوتا بھی کسی پاکستانی تھانے سے برآمد کیا گیا ہو گا۔ اس کے باوجود وہ کچھ ثابت کرنے میں کامیاب نہ ہو سکے۔ اس کے لئے انہوں نے معافی بھی نہیں مانگی۔ بس یہ کہ انہوں نے بے گناہ پاکستانی سٹوڈنٹس کو معاف کر دیا۔ وہ تو انہیں ڈیپورٹ کر کے پاکستان واپس بھیجنا چاہتے ہیں اور بھیج دیں گے کہ پاکستانی سفارت خانہ اور پاکستانی حکومت کیا کر لے گی۔ اس حوالے سے لارڈ نذیر کا کردار قابل تعریف ہے۔ وہ برطانوی شہری ہیں اور ہاؤس آف لارڈز کے ممبر ہیں۔
چاہئیے تو یہ تھا کہ برطانوی پولیس اور ایجنسیوں کے جس آدمی نے یہ سارا منصوبہ بنایا ہے اس کے خلاف کارروائی کی جائے۔ کیا برطانیہ یا کسی اور غیرت مند ملک کے طالب علموں کے ساتھ ایسا انسانیت سوز اور تعلیم دشمن سلوک کیا جا سکتا ہے۔ یہ ایک بین الاقوامی جرم ہے اور اس کی سزا متعلقہ لوگوں کو دی جائے۔ ہمارے ہائی کمشنر تو ہر صورت میں مستعفی ہوں۔ آخر ایک سفارت کار کا کام کیا ہوتا ہے۔ ہمارے اکثر سفارت کار ایسے ہیں کہ ان سے استعفیٰ لیا جائے۔ انسانی حقوق کی تنظیمیں کہاں ہیں۔ وہ پاکستان کو بدنام کرنے کے لئے امریکی اشارے پر بہت شور مچاتی ہیں۔ این جی اوز والیاں اس معاملے میں خاموش کیوں ہیں۔ کسی ایک ایسی خاتون نے کوئی بات نہیں کی۔ حقوق صرف وہ ہیں جن کے لئے تحریک چلائی جائے کہ امریکہ سے فنڈز ملیں اور جس سے پاکستان کو نقصان پہنچے۔ سوچنے کی بات یہ ہے کہ ہمارے لوگ یورپ اور امریکہ ہی کیوں جاتے ہیں۔ چین کیوں نہیں جاتے۔ چین اب دنیا میں ہر معاملے میں آگے ہے۔ شاید چین میں عیاشی نہیں۔ ورنہ میرے رسول عالم حضرت محمدﷺ نے کہا تھا کہ ’’علم حاصل کرو خواہ تمہیں چین ہی کیوں نہ جانا پڑے‘‘۔ یہ ہدایت ہے جس پر ہمیں عمل کر کے ہی فائدہ ہو گا۔ وہاں سب کچھ ہے جدید سائنسی علوم‘ ٹیکنالوجی اور عزت۔ ہمیں عزت نہیں چاہئے اب ہم یورپ اور امریکہ صرف اپنی بے عزتی کرانے جاتے ہیں۔ ہم بھکاری ہیں اور بھکاری کو عزت راس نہیں۔ عام آدمی کو اپنے ملک پاکستان میں عزت نہیں ملتی۔
برطانیہ میں نمبر دو یونیورسٹیاں بہت ہیں جہاں ڈگریاں بکتی ہیں۔ وہ کسی نہ کسی طرح پاکستانی طالب علموں کو ذلیل کر کے نکالتے رہتے ہیں تاکہ دوسرے طلبہ سے فیسیں وغیرہ حاصل کی جائیں۔ پاکستان میں بھی اس طرز پر یونیورسٹیاں کھل گئی ہیں۔ دو دو کمروں میں یونیورسٹیاں بنی ہوئی ہیں۔ اب کچی آبادیوں اور جھگیوں میں بھی یونیورسٹیاں ہونگی۔ اس کے علاوہ برطانیہ میں بے روزگاری ہے۔ معاشی بحران ہے۔ وہاں ایک نعرہ چلا ہوا ہے۔ برٹش جاب اونلی فار برٹش نیشنل (برطانوی ر وزگار صرف برطانویوں کیلئے) اب وہ غیر ملکیوں کو نکال رہے ہیں۔ اس لحاظ سے پاکستانیوں کو نکال باہر کرنا آسان ہے۔ نہ پاکستانی حکومت غیرت کرتی ہے نہ پاکستانی سفارت خانہ احتجاج کرتا ہے۔ محتاج لوگ احتجاج نہیں کر سکتے۔ !!

پاکستان زندہ باد

2009-04-27T08:11:00.000-07:00

پاکستان زندہ باد

محمد آصف بھلّی

میں ایک دوست کے دفتر میں بیٹھا ہوا تھا کہ انہیں ایک خط موصول ہوا۔ یہ خط برطانیہ کے ایک پبلشنگ ہاؤس کی جانب سے تھا۔ خط میں مکتوب الیہ کا نام و پتہ اور شہر کا نام درست تھا لیکن شہر کے نام کے بعد پنجاب کے ساتھ ساتھ انڈیا تحریر کر دیا گیا تھا۔ انڈیا میں بھی اگرچہ مشرقی پنجاب ہے۔ لیکن سیالکوٹ جو پاکستان کا ایک اہم شہر ہے اس کے ساتھ انڈیا تحریر کر دنیا خط بھیجنے والے کی لاعلمی کا منہ بولتا ثبوت تھا۔ بظاہر یہ ایک معمولی غلطی محسوس ہوتی ہے لیکن اس غلطی کو میں نے شدت کے ساتھ اس لئے محسوس کیا ہے کہ میں نے بیرون پاکستان مقیم اپنے احباب سے متعدد بار یہ سنا ہے کہ وہاں بہت سے لوگ پاکستان کے بارے میں نہیں جانتے تاہم انڈیا کی بطور ملک پہچان ہر کسی کو ہے۔ یہ بات کس قدر تکلیف دہ ہے کہ برطانیہ میں ایک اشاعتی ادارہ جس کا کام ہی تعلیمی کتب شائع کرنا ہے وہ پاکستان کے کسی شہر میں اپنے کسٹمر کے نام خط بھیجتا ہے تو خط پر شہر کے نام کے ساتھ پاکستان کے بجائے انڈیا تحریر کر دیتا ہے۔ میری رائے میں پاکستان کے محکمہ ڈاک کو ایسا خط وصول ہی نہیں کرنا چاہئے جس پر پاکستان کے کسی شہر کے نام کے ساتھ انڈیا لکھا ہو۔ ایسا خط بھیجنے والے کو واپس بھجوا دینا چاہئے اور محکمہ ڈاک کی طرف سے پاکستان کا ایک مختصر تعارف بھی خط بھیجنے والے کے نام ارسال کرنا چاہئے تاکہ خط بھیجنے والے کی پاکستان کے وجود کے حوالے سے لاعلمی دور ہو جائے۔ حکومت پاکستان کو پاکستان کی تاریخ‘ اساسی نظریے محل وقوع‘ آبادی کی تعداد اور پاکستان کی سیاسی اور جغرافیائی اہمیت کے بارے میں ایک مختصر مگر جامع کتابچہ تحریر کروانا چاہئے۔ جس کی اشاعت کروڑوں میں ہونی چاہئے اور یہ کتابچہ ’’پاکستان زندہ باد‘‘ کے عنوان سے دنیا کے کونے کونے میں پہنچانا چاہئے۔ بیرون پاکستان دنیا بھر میں ہمارے جو سفارت کار موجود ہیں ان کا بھی یہ فرض ہے کہ پاکستان کا بطور ملک تعارف اور شناخت ہر کہیں ہونی چاہئے اور پاکستان کی بطور ریاست جو اہمیت ہے اسے اجاگر کرنے میں سفارت کاروں کے ساتھ ساتھ بیرون ملک مقیم پاکستانیوں کو بھی کوئی کسر باقی نہیں چھوڑنی چاہئے۔
پاکستان کے ایک مایہ ناز مصور اسلم کمال اکثر مجھے خط لکھتے ہیں تو وہ خط پر میرے پتے اور شہر کے نام کے ساتھ ’’پاکستان زندہ باد‘‘ کے الفاظ لکھنا نہیں بھولتے۔ اسلم کمال کا یہ جذبہ حب الوطنی ہر ایک پاکستانی کے دل میں موجزن ہونا چاہئے۔ پاکستان سے باہر ہمارے پاکستانی بھائی جس ملک میں بھی موجود ہیں انہیں پاکستان میں اپنے احباب اور عزیز و اقارب کو خط لکھتے ہوئے شعوری طور پر یہ کوشش کرنی چاہئے کہ وہ خط پر پاکستان کا لفظ تحریر کرتے ہوئے اس کے ساتھ زندہ باد کا اضافہ ضرور کریں۔

صوفی محمد، آئین پاکستان اور جنرل مشرف

2009-04-27T08:10:00.000-07:00

مولانا صوفی محمد نے ایک نجی ٹیلی ویژن کو انٹرویو دیتے ہوئے کہا ہے آئین پاکستان غیر شرعی نہیں۔ وہ اس کی مخالفت نہیں کرتے۔ مولانا کو عمل بھی اس رائے کے مطابق کرنا چاہئے۔ جناب مولانا کے ایماء پر طالبان نے بونیر کا علاقہ خالی کردیا ہے۔ یہ بہت اچھا ہوا ہے۔ تحریک نفاذ شریعت محمدی کو ساری توجہات سوات کے نظام عدل کو کامیاب بنانے پر مرکوز کر دینی چاہئیں۔ اہل سوات کو اس نظام کے ذریعے جس قدر سستا جلد اور شرعی اصولوں کے تحت انصاف ملے گا۔ ملک بھر میں اسے اتنی پذیرائی ملے گی۔ سوات ماڈل کی مقبولیت میں اضافہ ہوگا تو صوفی محمد صاحب کو سپریم کورٹ اور جمہوریت کے خلاف متنازعہ بیانات دینے کی ضرورت پیش نہ آئے گی۔ رائے عامہ آپ کے مطالبات کے حق میں ہموار ہو جائے گی۔ سارے ملک میں شریعت جمہوری عمل کے ذریعے نافذ کی جا سکتی ہے۔
آئین کے حق میں صوفی محمد صاحب کے بیان سے یہ تو ثابت ہو گیا ہے اور جمہوری پاکستان کے منتخب نمائندوں کی تیار اور نافذ کردہ یہ متفق علیہ قومی دستاویز جو بیک وقت اسلامی بھی اور جمہوی بھی ہر ایک کی نظر میں محترم اور بالادست ہے۔ اس کے بارے میں دو رائے نہیں پائی جاتیں۔ یہ آئین اپنی اصل حالت میں جتنا زیادہ نافذ اور مؤثر ہوگا۔ قومی اتحاد اور یکجہتی میں اسی تناسب سے اضافہ ہو گا۔ ابھی تک آئین کے حسین ماتھے پر فوجی آمریت کے لگائے ہوئے سترہویں ترمیم کے بدنما داغ کو مٹایا نہیں جا سکا۔ اگرچہ بہت وعدے کئے گئے ہیں اٹھارہویں ترمیم کا حتمی مسودہ قائم کرنے کے لئے پارلیمنٹ کی کمیٹی کے حق میں قرارداد بھی منظور ہو گئی ہے لیکن کمیٹی بن نہیں پا رہی۔ آخر کیوں اور تاخیر کس لئے۔ جب تک کتاب آئین میں یہ سقم رہے گا اس کے مکمل نفاذ کی خاطر حکومتی اپیلوں اور اقدامات کے اندر بھی ضروری اصولی اور اخلاقی طاقت پیدا نہ ہوگی۔ جہاں صوفی محمد صاحب اور تحریک طالبان پاکستان سے بجا طور پر یہ مطالبہ کیا جا رہا ہے وہ اپنی سرگرمیوں کے دوران آئینی حدود کو پامال نہ کریں۔ وہیں قوم اپنے حکمرانوں سے توقع کرتی ہے۔ وہ ہر ہر قدم پر آئینی اداروں کا پاس لحاظ کریں گے اور کسی حوالے سے یہ تاثر نہیں پیدا ہونے دیں گے کہ اہم امور پر ان کی ملاقاتوں اور فیصلوں کے وقت دستوری طرز عمل یا اداروں کو نظر انداز کیا جا رہا ہے۔ جمعہ 24 اپریل کو طالبان کی بونیر تک یلغار اور اس سے بھی آگے بڑھ جانے کے خدشات کی روک تھام کی خاطر ایوان صدر میں جناب صدر، وزیراعظم، چیف آف دی آرمی سٹاف، وزیر خارجہ اور جناب اسفند یار ولی کے مابین مشاورتی اجلاس منعقد ہوا۔ اگلے روز اخبارات نے اسے ٹرائیکا کے اجلاس کا نام دیا ہے۔ یہ کیا چیز ہے۔ اس کی آئینی حیثیت کیا ہے اور اسے کس قسم کے فیصلے کرنے کا اختیار حاصل ہے۔ آئین کی رو سے حکومت اور فوجی قیادت کی باہمی مشاورت کے لئے کابینہ کی دفاعی کمیٹی کا باقاعدہ ادارہ موجود ہے اگر ضرورت تھی تو اس کا اجلاس منعقد کیا جاتا۔ اس سے آئینی ادارہ اور طرز عمل دونوں مضبوط ہوتے۔ اہل وطن جاننا چاہتے ہیں ایسا کیوں نہیں ہوا۔
جنرل مشرف نے انگڑائی لی ہے۔ کہا ہے وہ دوبارہ برسر اقتدار آنے کے لئے تیار ہیں تاکہ حالات میں سدھار پیدا کریں۔ سبحان اللہ۔ اس وقت جو بگاڑ پایا جاتا ہے وہ آپ ہی کے آٹھ سالہ درو آمریت کا کرشمہ ہے۔ جو بلاشبہ قوم کے لئے روگ جان بنی ہوئی ہیں وہ آپ کی بندوق کی نالی پر قائم کردہ حکومت کا شاخسانہ ہیں۔ اب دوبارہ حکومت کی باگیں ہاتھ میں لیکر آپ رہی سہی کسر پوری کرنا چاہتے ہیں اور ملک کا آخری حد تک ستیاناس کرنے کے درپے آزاد ہیں۔ جنرل مشرف نے دوبارہ حکومت سنبھالنے کی پیشکش قوم کو نہیں کی۔ اس نے یہ بیان دے کر امریکہ کو باور کرایا ہے۔آپ کا جتنا وفادار ایجنٹ میں تھا اور کوئی نہیں ہو سکتا۔ آج پاکستانی حکومت اور فوج آپ کے احکامات پوری طرح بجا نہیں لا رہی تو وجہ یہ ہے کہ ان کے اندر میرے جیسا کتوں سے پیار کرنے والا آپ کا وفادار نہیں پایا جاتا۔

2009-04-27T08:07:00.000-07:00

نصیبو لال کے گانوں پر پابندی

مناء رانا

نصیبو لال پنجابی فلموں میں گانوں کی وجہ سے مشہور ہوئیں

لاہور ہائی کورٹ نے پنجابی کی معروف گلو کارہ نصیبو لال اور ان کی بہن نورو لال کے اکتالیس گائے ہوئے گانوں کےرکیسٹ بازار میں لانے پر پابندی عائد کر دی ہے۔

ایڈوکیٹ آصف محمود خان نے لاہور ہائی کورٹ میں نصیبو لال کے اکتالیس گانوں کو ثبوت کے طور پر پیش کرتے ہوئے درخواست دی کہ نصیبو لال کے گانے فحش ہیں اور ان کے گانوں سے نوجوان نسل کا اخلاق متاثر ہونے کا اندیشہ ہے۔

ایڈوکیٹ آصف محمود خان نے بی بی سی کو بتایا ہے کہ جسٹس اعجاز چوہدری نے ایڈوکیٹ آصف محمود کی اس درخواست پر پیر کے روز نصیبو لال اور ان کی بہن نورو لال کے گائے ہوئے گانوں کو مقدمے کا فیصلہ آنے تک نشر کرنے پر پابندی عائد کر دی ہے۔ عدالت کا فیصلہ آنے تک یہ دونوں بہنیں گانوں کی نئی کیسٹ بازار میں نہیں لا سکتیں۔

ایڈوکیٹ آصف محمود خان نے لاہور ہائی کورٹ میں نصیبو لال کے اکتالیس گانوں کو ثبوت کے طور پر پیش کرتے ہوئے درخواست دی کہ نصیبو لال کے گانے فحش ہیں اور اس کے گانوں سے نوجوان نسل کے اخلاق متاثر ہونے کا اندیشہ ہے

عدالت نے 25 مئی کو اٹارنی جرنل پاکستان، چئرمین سنسر بورڈ اور دونوں گلوکاراؤں نصیبو لال اور نورو لال کو عدالت میں پیش کرنے کا حکم دیا ہے۔
نصیبو لال ایک عشرے سے زیادہ وقت سے پاکستانی فلموں میں گانے گا رہی ہیں اور وہ عوامی سطح پر کافی مقبول ہیں اور ان کے گانے پسند بھی کیے جاتے ہیں لیکن دوسری جانب معاشرے کے سنجیدہ حلقوں کی جانب سے ان کے گانوں پر اعتراض بھی کیا جاتا ہے۔

میڈم نور جہان نے جب بیماری کے دور میں جب وہ گا نہیں سکتی تھیں نصیبو لال کا گانا سرور نامی ایک پروڈیوسر نےسنا اور وہ انہیں موسیقار الطاف عرف طافو کے پاس لے گئے جنہوں نے انہیں فلم انڈسٹری میں روشناس کرایا۔

نصیبو لال کے جن گانوں کو مبینہ طور پر فحش قرار دیا جاتا ہے ان میں زیادہ تر نغمہ نگار الطاف باجوہ کے لکھے ہوئے گانے ہیں اور ان کی موسیقی موسیقار طافو دیتے ہیں۔ نصیبو لال کے بارے میں کہا جاتا ہے کہ وہ گڑوی بجا کر گلیوں محلوں میں گانے گایا کرتیں تھیں۔

خود کش حملے حرام

2009-04-27T08:06:00.000-07:00

’خود کش حملے حرام‘

عباد الحق

بی بی سی اردو ڈاٹ کام لاہور

پنجاب حکومت نے دہشتگردی کے خلاف اشتہاری مہم کا آغاز کیا ہے

حکومت پنجاب نے دہشت گردی کے خلاف ایک اشتہاری مہم کا آغاز کیا ہے اور اس سلسلہ میں اتوار کے صبح شائع ہونے والے قومی اخبارات میں علماء کرام کا ایک مشترکہ اعلامیہ سرکاری اشتہار کی شکل میں شائع ہوا ہے جس میں خود کش حملوں کو حرام قرار دیا گیا ہے۔

حکومت پنجاب کی طرف سے شائع ہونے والے اس اشتہار میں بتایاگیا ہے کہ سولہ اپریل کو وزیر اعلیٰ پنجاب شہباز شریف کی زیر صدارت متحدہ علما بورڈ کا اجلاس ہوا ہے جس میں تمام مسالک اور مکاتب فکر کے نمائندہ علما اور دینی شخصیات موجود تھیں۔

احْباری اشتہار کے مطابق اس اجلاس میں شامل علماء نے اس امر کا اعادہ کیا کہ ٹارگٹ کلنگ اور سکیورٹی فورسز پر حملے جیسے افعال کا اسلام سے کوئی تعلق نہیں ہے۔

پنجاب آبادی کے لحاظ سے پاکستان کا سب سے بڑا صوبہ ہے اور یہ کہا جا رہا ہے کہ صوبہ سرحد کے بعد دہشتگردوں کا اگلا ہدف جنوبی پنجاب ہوسکتا ہے۔

دہشتگردی کے خلاف اس اخباری اشتہار میں صوبے کے آٹھ ڈویژنوں کے لگ بھگ دو سو علماء کرام کے نام شائع کیےگئے ہیں اور بتایاگیا کہ مشترکہ اعلامیہ میں شامل بنیادی شحضیات میں وفاقی وزیر مذہبی امور صاحبزادہ حامد سعید کاظمی، پنجاب کے وزیر مذہبی امور احسان الدین قریشی کے علاوہ متحدہ بورڈ پنجاب کےسربراہ صاحبزازہ فضل کریم شامل ہیں۔

اجلاس میں پانچ اپریل کو چکوال کی امام بارگاہ اور پندرہ اپریل کو چارسدہ میں سکیورٹی فررسز پر خودکش حملے کی مذمت کی گئی ہے

اشتہار کے مطابق اجلاس میں کہا گیا ہے کہ فاٹا اور سوات میں دہشتگردی کی ایک بنیادی وجہ شمالی وزیر ستان میں ڈرون کے حملے ہیں۔ اجلاس میں موجود علما نےیہ مطالبہ کیا ہے امریکہ اپنی کارروائیوں کو بند کرے کیونکہ بقول ان کے یہ کارروائیاں اقوام متحدہ کے چارٹر کی کھلی خلاف وزری ہیں۔

اشتہار میں مزید کہا گیا کہ اقوام متحدہ اور قومی سلامتی کونسل اپنی قرار داد کے ذریعے پاکستان کی داخلی خود مختاری اور سرحدوں کی خلاف وزری سے تلعق رکھنے والی امریکی کارروائیوں کی مذمت کرے۔

Pakistani ki mushkil Balochistan main

2009-04-22T07:52:00.000-07:00

By javediqbalkhan at 2009-04-22

عالمی طاقتیں پاکستان توڑنا چاہتی ہیں‘

2009-04-21T06:18:00.000-07:00

’عالمی طاقتیں پاکستان توڑنا چاہتی ہیں‘

رفعت اللہ اورکزئی

دنیا میں نہ کوئی دوستی ہوتی ہے نہ دشمنی بلکہ مفاد ہوتا ہے: اویس غنی

صوبہ سرحد کے گورنر اویس احمد غنی نے کہا ہے کہ پاکستان میں ایک بڑی قوم کی تمام تر صلاحتیں موجود ہیں لیکن بدقسمتی سے عالمی طاقتیں اس ملک کو ٹکڑے ٹکڑے کرنا چاہتی ہیں۔

پیر کوگورنر ہاؤس پشاور میں قبائلی صحافیوں کی تنظیم ٹرائیبل یونین آف جرنلسٹس کی نومنتخب اراکین کی تقریب حلف برداری سے خطاب کرتے ہوئے گورنر نے کہا کہ قبائلی علاقے اس وقت پوری دنیا کی توجہ کا مرکز بنے ہوئے ہیں جس کی کئی وجوہات اور محرکات ہیں تاہم اس خطے کی تاریخ بتاتی ہے کہ یہاں کسی غیر طاقت کو اپنے قدم جمانے کا موقع نہیں ملا۔

انہوں نے کہا کہ پاکستان چار بڑی اقوام پر مشتمل ہے جن میں ایک بڑی قوم کی تمام تر صلاحیتیں موجود ہیں لیکن بین الاقوامی طاقتیں اس کو ایک مضبوط قوم کے طورپر دیکھنا نہیں چاہتی بلکہ وہ اس کو تقسیم کرنے کی کوششیں کررہی ہیں۔

اویس غنی نے اس تاثر کو غلط قرار دیا کہ دنیا میں پاکستان کا کوئی دوست نہیں۔ ’ہمارا سب سے بڑا دوست اللہ تعالٰی کی ذات ہے اور اس کے علاوہ دنیا میں نہ کوئی دوستی ہوتی ہے نہ دشمنی بلکہ مفاد ہوتا ہے۔‘

بحثیت قوم اور اس ملک کے شہری ہونے کے ناطے ہمیں کسی اور کا نہیں بلکہ اپنے ملک کا ایجنڈا آگے لے کر چلنا چاہیے کیونکہ ہمیں اپنے ملکی مفاد کو دیکھنا چاہیے۔

اویس غنی

گورنر کا کہنا تھا کہ پاکستان اسلامی دنیا کی واحد ایٹمی قوت ہے اور یہ طاقت اس ملک نے عالمی طاقتوں کی طرف سے شدید مخالفت کے باجود اپنے زور بازو سے حاصل کی ہے۔ انہوں نے کہا کہ دنیا میں اقوام عالم کے شانہ بشانہ چلنے کے لیے ہمیں اقتصادی، سیاسی اور عسکری طاقت حاصل کرنا ہوں گی کیونکہ عزت اور وقار کی زندگی گزارنے کے لیے طاقتور ہونا ضروری ہے۔

’اگر دنیا پاکستان کے ساتھ باکسنگ کررہی ہے تو پھر ہمارے پاس بھی اس کے علاوہ اور کوئی چارہ نہیں رہے گا کہ ہم بھی ان کا مقابلہ کریں اور اس کا جواب دیں۔‘ انہوں نے کہا کہ جب کوئی کمزور بڑی طاقت کے سامنے پھنس جاتا ہے تو پھر کمزور کے پاس اس کے علاوہ اور کوئی طریقہ نہیں ہوتا سوائے اس کے کہ کمزور طاقتور کے خلاف لڑنے نکل پڑے۔

انہوں نے کہا کہ بحثیت قوم اور اس ملک کے شہری ہونے کے ناطے ہمیں کسی اور کا نہیں بلکہ اپنے ملک کا ایجنڈا آگے لے کر چلنا چاہیے کیونکہ ہمیں اپنے ملکی مفاد کو دیکھنا چاہیے۔ گورنر نے مزید بتایا کہ خطے کے حالات کو دیکھتے ہوئے اردگرد تمام مسائل ہی مسائل ہیں لیکن ان مشکلات کا مقابلہ کرنے کے لیے ہمیں متحد ہونا ہوگا۔

اس سے قبل گورنر نے ٹرائیبل یونین آف جرنلسٹس کے نومنتخب اراکین سے حلف لیا۔ تقریب سے ٹی یو جے کے بانی رہنما سیلاب محسود اور نو منتخب صدر شیر خان آفریدی نے بھی خطاب کیا اور قبائلی صحافیوں کو درپش مسائل پر روشنی ڈالی۔

فرینڈز آف پاکستان:سوال و جواب

2009-04-18T00:39:00.000-07:00

فرینڈز آف پاکستان:سوال و جواب

فرینڈز آف پاکستان گروپ میں تیس کے قریب ممالک اور ادارے شامل ہیں

جمعہ کو جاپان کے دارالحکومت ٹوکیو میں’فرینڈز آف پاکستان‘ کے دوسرے اجلاس میں پاکستان کے لیے پانچ ارب ڈالر سے زائد کی امداد کے وعدے کیے گئے ہیں۔

پاکستان کی معیشت گزشتہ ایک برس کے دوران معاشی و اقتصادی زبوں حالی کا شکار رہی ہے۔گزشتہ برس نومبر میں پاکستان میں توازنِ ادائیگی کا شدید بحران پیدا ہوگیا تھا اور عالمی مالیاتی فنڈ کی جانب سے سخت شرائط پر ساڑھے سات ارب ڈالر سے زائد کے خصوصی قرض نے ہی اسے سہارا دیا تھا۔

دنیا بھر میں جاری اقتصادی بحران نے بقیہ ممالک کی طرح پاکستان کی پہلے سے بیمار معیشت کو مزید متاثر کیا اور سنہ 09/ 2008 کے لیے سالانہ شرحِ ترقی کو تخمینہ ڈھائی سے ساڑھے تین فیصد کے درمیان لگایا گیا ہے جوگزشتہ مالی سال کی پانچ اعشاریہ آٹھ فیصد کے مقابلے میں قابلِ ذکر کمی ہے۔

تاہم اس کے باوجود پاکستان کے معاشی حالات میں بہتری کے آثار دکھائی دینا شروع ہو چکے ہیں اور ملک میں افراطِ زر کی شرح جوگزشتہ برس اگست میں پچیس اعشاریہ تین فیصد کی ریکارڈ سطح پر تھی رواں برس مارچ کے مہینے میں کم ہو کر انیس اعشاریہ صفر سات فیصد پر آ گئی ہے جبکہ ملک کے زرِمبادلہ کے ذخائرگزشتہ برس نومبر کے چھ اعشاریہ چھ ارب ڈالر کے مقابلے میں گیارہ اعشاریہ ایک سات ارب ڈالر کی حد تک پہنچ گئے ہیں۔ یہی نہیں بلکہ پاکستان نے عالمی مالیاتی فنڈ کی جانب سے مقرر کیے جانے والے اہداف بھی پورے کیے ہیں۔

فرینڈز آف پاکستان کون ہیں اور وہ کیا کر رہے ہیں؟

٭ فرینڈز آف پاکستان گروپ کا قیام چھبیس ستمبر سنہ 2008 کو نیویارک میں عمل میں آیا تھا۔ اس گروپ کے قیام کا مقصد علاقے کی سکیورٹی کے اہم جزو ہونے کے ناتے پاکستان کو مستحکم بنانے کے لیے سیاسی و اقتصادی امداد کی فراہمی تھا۔

٭ یہ گروپ خصوصاً دہشتگردی کے خلاف جنگ اور اقتصادی ترقی کے شعبے میں پاکستان کی مدد کرنے کا ارادہ رکھتا ہے۔

٭ اس گروپ میں امریکہ، آسٹریلیا، برطانیہ، کینیڈا، چین، فرانس، جرمنی، اٹلی، جاپان، سعودی عرب، ترکی، متحدہ عرب امارات جیسے ممالک اور اقوامِ متحدہ اور یورپی یونین شامل ہیں۔

٭ اس گروپ کی توجہ پانچ چیزوں پر مرکوز ہے جن میں پاکستان کا استحکام اور ترقی، شعبۂ توانائی، اداروں کا قیام اور پاک افغان سرحد پر واقع علاقے شامل ہیں۔

٭ یہ گروپ امدادی وعدے کرنے والا فورم نہیں ہے

پاکستان فرینڈز آف پاکستان سے کیا چاہتا ہے؟

٭ پاکستان چاہتا ہے کہ آنے والے دس برس کے دوران ملک میں تیس ارب ڈالر کے مختلف منصوبوں کے لیے اسے امداد فراہم کی جائے

٭ ان منصوبوں میں ہائیڈرو الیکٹرک ڈیم اور سڑکوں کی تعمیر اور سکیورٹی میں اضافے کے منصوبے شامل ہیں۔

٭ پاکستان کا کہنا ہے کہ وہ ایک ایسا ’مارشل منصوبہ‘ چاہتا ہے جس پر امریکہ نے دوسری جنگِ عظیم کے بعد یورپ میں ترقی کے لیے عمل کیا تھا۔

امداد کے حوالے سے پاکستان کی توقعات کیا ہیں؟

٭ پاکستان کو امید تھی کہ اسے اپنے مالیاتی خسارے کو پورا کرنے کے لیے چار ارب ڈالر کی امداد مل جائے جسے غربت کے خاتمے، تعلیم اور صحت کے شعبوں پر خرچ کیا جائے گا۔ یہ وہ شعبہ جات ہیں جو مالیاتی بحران کی وجہ سے کٹوتیوں کا شکار رہے ہیں۔ تاہم اس کانفرنس میں شریک ممالک نے پاکستان کی امید سے زائد یعنی پانچ ارب ڈالر سے زائد امداد کا وعدہ کیا ہے۔

کون کتنی امداد دے چکا ہے یا دے رہا ہے؟

٭ جاپان اور امریکہ نے کانفرنس کے آغاز سے قبل ہی ایک ایک ارب ڈالر کی امداد دینے کا وعدہ کیا ہے جو دو برس کے عرصے کے دوران دی جائے گی۔

٭امریکی امداد کے ایک ارب ڈالر اس ڈیڑھ ارب ڈالر سالانہ امداد کی پیشگی ادائیگی ہے جو آنے والے پانچ برس تک امریکہ پاکستان کو دے گا۔

٭ کانفرنس کے دوران سعودی عرب نے ستّر، ایران نے تینتیس جبکہ ترکی نے دس کروڑ ڈالر کی امداد کے وعدے کیے ہیں۔

٭عالمی بینک نے گزشتہ ماہ پاکستان کو پانچ سو ملین ڈالر کا بلاسود قرضہ فراہم کیا ہے۔ فروری سنہ 2009 میں عالمی بینک نے کہا ہے کہ وہ رواں برس پاکستان کو دو ارب ڈالر دے گا۔ اس کے علاوہ چین نے جنوری میں پاکستان کے زدِ مبادلہ کے ذخائر کو تقویت بحشنے کے لیے پانچ سو ملین ڈالر دیے تھے۔

لال مسجد کےامام مولاناعزیز کی رہائی

2009-04-18T00:37:00.000-07:00

لال مسجد کےامام مولاناعزیز کی رہائی

مولانا عبدالعزیز کو دو ہزار سات میں لال مسجد سے فرار ہوتے ہوئے گرفتار کیا گیا تھا

لال مسجد کے سابق خطیب مولانا عبدالعزیز کو جمعرات کو ضمانت پر رہا کردیا گیا ہے۔ سپریم کورٹ کے تین رکنی بینچ نے بدھ کے روزاُن کی ضمانت کی درخواست منظور کر لی تھی۔

مولانا عبدالعزیز کے خلاف 27 مقدمات درج کیے گئے تھے جن میں سے 26 مقدمات میں اُن کی ضمانت ہوچکی ہے جبکہ ایک مقدمے میں اُنہیں بری کردیا گیا تھا۔

جولائی 2007 میں لال مسجد اور جامعہ حفصہ کے خلاف فوجی آپریشن کے دوران لال مسجد کے سابق خطیب کو اُس وقت گرفتار کیا گیا تھا جب وہ برقعہ پہن کر فرار ہونے کی کوشش کر رہے تھے۔

اسلام آباد کی انتظامیہ نے مولانا عبدالعزیز کو اڈیالہ جیل میں رکھنے کی بجائے ایک گھر میں رکھا ہوا تھا جسے سب جیل قرار دیا گیا تھا۔ مولانا کے اہلخانہ بھی اُن کےساتھ رہائش پذیر تھے۔

لال مسجد آپریشن کے دوران مولانا عبدالعزیز کے بھائی غازی عبدالرشید سمیت ایک سو سے زائد افراد ہلاک ہوگئے تھے۔ صدر پرویز مشرف کے دور میں لال مسجد کی انتظامیہ کی طرف سے ملحقہ عمارت پر زبردستی قبضہ کر کے جامعہ حفصہ بنایا گیا تھا جسے آپریشن کے دوران مسمار کر دیا گیا تھا۔

لال مسجد کے سابق خطیب کی رہائی کے بعد بڑی تعداد میں لوگ اُن کے گھر کے باہر پہنچ گئے جہاں پر اُنہیں قید کیا گیا تھا۔ لوگوں نے اُن کے حق میں نعرے لگائے اور اُن کی رہائی پر میٹھائیاں تقسیم کیں۔

لال مسجد کے نائب خطیب عامر صدیق کا کہنا ہے کہ مولانا عبدالعزیز جمعہ کی نماز لال مسجد میں پڑھائیں گے۔ اسلام آباد کی انتظامیہ نے مولانا عبدالعزیز کو سیکورٹی فراہم کی ہے۔

اسلام آباد سے نامہ نگار ذیشان حیدر کے مطابق مولانا عبدالعزیز کی رہائی کے اعلان کے بعد لال مسجد کے طلباء اور طالبات کی ایک بڑی تعداد مسجد کے باہر جمع ہو گئی اور سب ایک دوسرے کو مبارکباد دیتے ہوئے گلے مل رہے تھے۔

بی بی سی سے بات کرتے ہوئے ایک خاتون کا کہنا تھا کہ اگر آج ان کے گھر بیٹا بھی پیدا ہو جاتا تو انہیں زیادہ خوشی مولانا کی رہائی کی ہوتی۔ان کا مزید کہنا تھا کہ جب انہوں نے مولانا عبدالعزیز کی رہائی کی خبر سنی تو ان کی خوشی کی انتہا نا رہی اور وہ اپنے گھر والوں کے ہمراہ لال مسجد آگئیں۔

عام طور پر عشاء کی نماز آٹھ بجکر تیس منٹ تک ادا کر دی جاتی ہے لیکن جمرات کو لال مسجد کی انتظامیہ کا کہنا تھا کہ جب تک مولانا عبدالعزیز نہیں آجاتے باجماعت نماز ادا نہیں کی جائے گی۔چنانچہ دس بجکر چالیس منٹ پر مولانا پہنچے اور ان کے پر جوش استقبال کے بعد باجماعت نماز ادا کی گئی۔

مولانا عبدالعزیز کے پہنچتے ہی سب کے سب مولانا کی گاڑی کے گرد جمع ہوگئے اور مولانا کے حق میں اور سابق صدر پرویز مشرف کے خلاف نعرے لگانے لگے۔

آخر میں مولانا عبدالعزیز نے تمام طلباء سے اپنے مختصر خطاب میں چیف جسٹس افتخار محمد چوہدری کو ان کی بحالی پر مبارک باد دیتے ہوئے اپنی رہائی پر ان کا شکریہ ادا کیا۔مولانا کا کہنا تھا کہ ان کی رہائی آزاد عدلیہ کی وجہ سے عمل میں آئی ہے۔انہوں نے نظام عدل ریگولیشن کو خوش آئند قرار دیتے ہوئے کہا کہ بہت جلد یہ نظام پورے پاکستان میں نافذ ہو جائے گا۔

مولانا عبدالعزیز نے اپنے خطاب کے آخر میں اعلان کیا کہ جمعہ کے روز لال مسجد میں وہ خود نماز پڑھائیں گے۔

برطانیہ پاکستانی طلباء تک رسائی دے‘

2009-04-18T00:36:00.001-07:00

’برطانیہ پاکستانی طلباء تک رسائی دے‘

اعجاز مہر

بی بی سی اردو ڈاٹ کام، اسلام آباد

تاحال برطانیہ نے گرفتار پاکستانی طلباء کے متعلق کسی قسم کی اطلاع نہیں دی: دفتر خارجہ

پاکستان حکومت نے بدھ کو برطانیہ سے کہا ہے کہ وہ گرفتار ہونے والے پاکستانی طلباء کے متعلق تفصیلی معلومات اور ان تک پاکستانی حکام کو رسائی فراہم کریں۔

دفتر خارجہ کے ترجمان عبدالباسط نے فون پر بی بی سی کو بتایا کہ ’آج برطانوی ہائی کمیشن کے ڈپٹی پولیٹکل قونصلر ایلسٹیئر کنگ سمتھ آئے تھے اور ہم نے ان سے کہا ہے کہ برطانیہ میں گرفتار کیے گئے طلباء کے بارے میں تفصیلی معلومات دیں اور ان تک رسائی بھی دی جائے۔‘

ایک سوال کے جواب میں ترجمان نے بتایا کہ وہ برطانیہ سے اس بارے میں جلد معلومات فراہم کرنے کے متعلق امید رکھتے ہیں۔ جب ان سے پوچھا کہ برطانوی نمائندے نے اس بارے میں کیا کہا تو انہوں نے کہا کہ ’یہ آپ ان سے پوچھیں‘۔

ایک اور سوال کے جواب میں ترجمان نے بتایا کہ تاحال برطانیہ نے گرفتار پاکستانی طلباء کے متعلق وزارت خارجہ کو کسی قسم کی اطلاع دی ہے اور نہ ہی ابتدائی معلومات فراہم کی ہیں۔

پولیٹکل قونصلر ایلسٹیئر کنگ سمتھ نے بی بی سی سے بات کرتے ہوئے کہا کہ ان کو دفتر خارجہ طلب نہیں کیا گیا تھا بلکہ وہ پہلے سے طے شدہ ملاقات کے لیے دفتر خارجہ گئے تھے اور اس ملاقات کے دوران گرفتار ہونے والے پاکستانی طلباء کے متعلق بھی بات چیت ہوئی۔

واضح رہے کہ برطانوی انسداد دہشت گردی فورس نے گزشتہ ہفتے لیورپول، مانچسٹر اور لنکاشائر کے مختلف مقامات پر چھاپوں میں بائیس سے اکتالیس سال کی عمر کے گیارہ پاکستانیوں کو گرفتار کیا، جس میں بیشتر طالبعلم ہیں۔

برطانوی پولیس کو تاحال گرفتار ہونے والوں سے دہشت گردی کے کسی خاص منصوبے کے بارے میں کوئی معلومات ملی ہے اور نہ ہی کہیں سے دھماکہ خیز مواد مل پایا ہے۔ آئندہ جمعہ تک برطانوی عدالت نے مشکوک گرفتار طلباء سے پولیس کو پوچھ گچھ کی اجازت دے رکھی ہے۔

بھٹو کی جائداد، صنم کا پہلا تیر

2009-04-18T00:34:00.000-07:00

بھٹو کی جائداد، صنم کا پہلا تیر

صنم بھٹو نے کہا ہے کہ وہ اب اپنی جائداد کی خود حفاظت کریں گی

صنم بھٹو کی نوڈیرو ہاؤس میں پریس کانفرنس سے ذرا دیر پہلے بعض صحافی یہ شرط لگا رہے تھے کہ صنم سیاست میں آمد کا اعلان کریں گی یا اپنے بہنوئی صدر مملکت آصف زرداری کا دفاع مگر انہوں نے دونوں میں سے کچھ نہیں کیا اور شکایتیں کیں تو صرف اپنی بھابی غنوی اور انکل ممتاز بھٹو کی۔

بینظیر بھٹو کی چھوٹی بہن اور ذوالفقارعلی بھٹو کی اکیلی زندہ اولاد صنم بھٹو نے نوڈیرو ہاؤس میں پہلی مرتبہ پریس کانفرنس کی ہے۔صوبائی وزیراطلاعات شازیہ مری اور مقامی پی پی پی رہنماء ان کے ہمراہ تھے۔

ان کی بمشکل آدھے گھنٹے کی پریس کانفرنس میں سب سے زیادہ خاندانی جائداد و زمین پر سے قبضہ ختم کرنے کی باتیں ہوئیں جو بقول صنم ان کی بھابھی غنویٰ بھٹو نے کیا ہے۔تمام پریس کانفرنس کے دوران صنم بھٹونے صرف ایک مرتبہ صحافیوں کے اسرار پر غنوی کا نام لیا مگر ان کے نام کے ساتھ بھٹو نہیں جوڑا۔

صنم بھٹو لندن سے براستہ دبئی اور اسلام آباد اپنے آبائی علاقے لاڑکانہ پہنچی تھیں۔انہوں نے مقامی پولیس اور انتظامی افسران کا اجلاس طلب کیا اور بعض عام لوگوں سے بھی ملاقاتیں کیں۔مگر ان کی زیادہ تر توجہ اپنی آبائی زمین و جائداد کی طرف تھی جو صنم کے بقول غنوی نے اپنے قبضے میں لے لی ہے اور وہ ان سے بات تک نہیں کر رہیں ہیں۔

صنم کو زرداریوں نے یرغمال بنا رکھا ہے۔ صنم معصوم ہیں انہیں زرداریوں کی چالاکیوں کا کچھ پتا نہیں ہے۔حکومتی اہلکار ان سے میرے خلاف بیانات دلوا رہے ہیں

ممتاز بھٹو

صنم بھٹو کا کہنا تھا کہ جب تک ان کی بہن بینظیر بھٹو زندہ تھیں تب تک انہیں اپنی جائداد کی فکر نہیں تھی کیونکہ بینظیر بھٹو نگرانی کر کے انہیں رقم لندن پہنچاتی رہتی تھیں۔مگر ان کی ہلاکت کے بعد غنویٰ کے آدمیوں نے ان کے مینیجر اور رکھوالوں کو فارغ کردیا ہے اور بقول ان کے ’ان کی زمین و جائداد پر قبضہ کر لیا ہے۔‘

غنویٰ بھٹو صنم کے بھائی میر مرتضیٰ بھٹوکی بیوہ ہیں اور ان کے بچے فاطمہ اور ذوالفقار جونیئر ان کے ساتھ رہتے ہیں۔جبکہ حالیہ دنوں انہوں نے مرتضی بھٹو کے بھائی شاہنواز کی بیٹی سسی کو بھی لاڑکانہ بلایا اور انہیں عوام سے متعارف کروایا ہے۔

ذوالفقارعلی بھٹو کے لاڑکانہ اور کراچی کے رہائشی بنگلے، المرتضی ہاؤس اور ستر کلفلٹن، غنویٰ بھٹو کے زیراستعمال ہیں۔جبکہ لاڑکانہ نوڈیرو میں قریباً چار ہزار ایکڑ پر مشتمل بھٹو سٹیٹ کا انتظام پہلے بینظیر بھٹو کی نگرانی میں تھا جو ان کی ہلاکت کے بعد صنم کے بقول غنویٰ نے سنبھال لیا ہے۔

صنم بھٹو کا کہنا تھا کہ پوری دنیا میں ان کے پاس باپ دادا کی دی ہوئی جائداد صرف لاڑکانہ میں موجود ہے جس کی نگرانی اب وہ خود کریں گی۔انہوں نے کہا کہ ان کا عملی سیاست میں آنے کا ارادہ نہیں ہے۔انہوں نے ایک عام شہری کی حیثیت سے پوری زندگی گزاری ہے اور اب بھی عام شہری بن کر رہنا چاہتی ہیں۔

صنم بھٹو لندن میں اپنے بیٹے شاہ میر اور بیٹی آزادی کے ہمراہ رہتی ہیں۔

ذوالفقارعلی بھٹو کے خاندان کے باقی ماندہ افراد کے درمیاں سیاسی اختلافات کے بعد اب ان کی جائداد کے ذاتی اختلافات بھی کشیدہ ہوگئے ہیں اور صنم کے بقول بدقسمتی سے ایسے اختلافات بھی انہیں عوام کے سامنے لانا پڑ رہے ہیں۔

’ممتاز بھٹو نے بینظیر کی زندگی اجیرن کر رکھی تھی‘

بینظیر بھٹو اور مرتضیٰ بھٹو کے درمیاں اختلافات ان کے آخری دم تک جاری رہے اور اختلافات کا تسلسل ان کی اولاد نے بھی جاری رکھا ہوا ہے۔مرتضیٰ بھٹو کی بیوہ غنوی بھٹو اور ان کی بیٹی فاطمہ بھٹو کا کہنا ہے کہ بھٹو کے اصل وارث وہ ہیں اور پیپلزپارٹی بینظیر کے بعد اب زرداری پارٹی بن گئی ہے۔

دوسری طرف سابق وزیراعلی سندہ ممتاز بھٹو نے بھی زرداری مخالفت میں غنویٰ بھٹو سے اتحاد کیا ہوا ہے۔ممتاز بھٹو اور غنویٰ بھٹو نے چار اپریل کو ساتھ مل کر ذوالفقار علی بھٹو کی برسی منائی تھی۔دونوں رہنماؤں نے آصف زرداری کو بھٹوز کے علاقے میں نہ آنے مشورہ دیا تھا۔

صنم بھٹو اپنی پریس کانفرنس کے دوران ممتاز بھٹو کے متعلق سوالات پر برہم ہوگیئں اور انہوں نے ممتاز بھٹو سے لاتعلقی کا اظہار کیا ہے۔

صنم بھٹو نے کہا کہ ممتاز بھٹو نے آخری تین مہینوں میں بینظیر بھٹو کی زندگی اجیرن کر دی تھی اور وہ انہیں گالیاں بکتے تھے۔صنم نے کہا کہ پوری زندگی ممتاز بھٹو نے ان کی بہن بینظیر کو ،ابیوز، کیا اور اب وہ ان کا نام یوز، کرنا چاہتے ہیں جس کی وہ ہرگز اجازت نہیں دیں گی۔

ممتاز علی بھٹو نے صنم بھٹو کے الزامات کے جواب میں کہا ہے کہ صنم کو زرداریوں نے یرغمال بنا رکھا ہے۔ایک مقامی ٹی وی چینل سے گفتگو میں ممتاز بھٹو نے کہا ہے کہ صنم معصوم ہیں انہیں زرداریوں کی چالاکیوں کا کچھ پتا نہیں ہے۔حکومتی اہلکار ان سے میرے خلاف بیانات دلوا رہے ہیں۔

پاکستانی سیاست کے کرشماتی کردار ذوالفقارعلی بھٹو کے خاندان کے باقی ماندہ افراد کے درمیاں خاندانی جائداد کی وراثت کا معاملہ سنگین صورت اختیار کر گیاہے۔جائداد کے اس تنازعے میں ذوالفقارعلی بھٹو کی بیٹیوں صنم بھٹو اور بینظیر بھٹو کی اولاد ایک طرف ہے جبکہ ان کے بٹیوں مرتضیٰ بھٹو اور شاہنواز بھٹو کی اولاد دوسری طرف۔

Hum ko Pakistani Leader chahiye

2009-04-11T14:19:00.000-07:00

Click to View Enlarge

2009-04-11T13:27:00.000-07:00

بلوچ رہنماؤں کی ہلاکت، پرتشدد احتجاج

2009-04-10T01:22:00.001-07:00

بلوچ رہنماؤں کی ہلاکت، پرتشدد احتجاج

تین راہنماؤں کی لاشوں کی تصدیق ہو گئی ہے

بلوچ قوم پرست رہنماؤں غلام محمد بلوچ، شیر محمد بگٹی اور لالہ منیر کی ہلاکت کے بعد بلوچستان کے مختلف علاقوں میں حالات کشیدہ ہیں اور کوئٹہ سمیت صوبے کے مختلف حصوں میں احتجاجی مظاہرے کیے گئے ہیں جبکہ خضدار میں مظاہروں کے دوران نامعلوم افراد کی فائرنگ سے ایک پولیس اہلکار ہلاک ہوگیا ہے۔

وزیراعلی بلوچستان نواب اسلم رئیسانی نے ان ہلاکتوں کی عدالتی تحقیقات کا حکم دے دیا ہے۔

مظاہروں کے دوران کوئٹہ میں سریاب روڈ پر اقوام متحدہ سمیت دیگر اداروں کی پانچ گاڑیوں اور ایک بس کو آگ لگائی گئی ہے۔ سریاب روڈ کے علاوہ بروری کے علاقے میں بینکوں اور سرکاری دفاتر کو نذرِ آتش کیا گیا ہے اور توڑ پھوڑ کی گئی ہے۔ مظاہروں کے بعد بلوچستان یونیورسٹی تین دن کے لیے بند کر دی گئی ہے۔ کوئٹہ کو کراچی سے ملانے والی اہم شاہراہ کو رکاوٹیں کھڑی کر کے بند کر دیا گیا ہے۔

ادھر بلوچستان نینشل پارٹی کی جانب سے بھی تین روز ہڑتال کا اعلان کیا گیا ہے، بی این پی کے سربراہ سردار اختر مینگل نے کراچی میں ایک پریس کانفرنس سے خطاب کرتے ہوئے کہا کہ بلوچوں کو پوائنٹ آف نو ریٹرن کی طرف دھکیلا جا رہا ہے اب یہ ملک زیادہ دن نہیں چل سکتا۔ انہوں نے کہا کہ اس عمل میں بھی وہ ہی قوتیں شامل ہیں جنہوں نے ملک کو دو ٹکڑوں میں تقسیم کیا تھا۔

بلوچستان حکومت بے اختیار ہے اور تمام اختیارات آج بھی انہیں طاقتوں کے پاس ہیں جن کے پاس مشرف دور حکومت میں ہوا کرتے تھے

سردار اختر مینگل

اختر مینگل کے مطابق تین لاشیں بھیج کر انہیں چیلنج کیا گیا ہے کہ اپنےحقوق سے دستبردار ہوجائیں مگر ہم یہ چیلنج قبول کرتے ہیں۔’جتنے لوگ مارنے ہیں مارو ہم حق سے دستبردار نہیں ہوں گے۔‘

اسی طرح خضدار، تربت، گوادر اور دیگر علاقوں میں بھی بلوچ رہنماؤں کی ہلاکت کے خلاف احتجاجاً شٹر ڈاؤن ہڑتال ہے۔ خضدار میں گاڑیوں اور عمارتوں میں توڑ پھوڑ کی اطلاعات ہیں جبکہ خضدار کے ضلعی پولیس افسر غلام علی لاشاری نے بتایا ہے کہ نامعلوم افراد نے ایک پولیس اہلکار کو فائرنگ کر کے ہلاک کر دیا ہے۔

کراچی شہر کے مختلف علاقوں لیاری، پرانا گولی مار، پٹیل پاڑہ اور جہانگیر روڈ پر ٹائروں کو نذر آتش کرکے احتجاج کیا گیا ، بلوچ نیشنل فرنٹ کی جانب سے پریس کلب کے باہر احتجاجی مظاہرہ کیا گیا ۔بلوچ رائٹس کونسل کے رہنماء وہاب بلوچ نے دیگر لاپتہ افراد کی زندگیوں کے بارے میں تشویش کا اظہار کیا۔

غلام محمد بلوچ اقوام متحدہ کے اہلکار جان سولیکی کی رہائی کے لیے نواب خیر بخش مری سے مذاکرات میں شریک رہے تھے۔

بلوچ مزاحمت کاروں کی جانب سے اغوا کیئےگئے اقوام متحدہ کے ادارہ برائے پناہ گزین کے اہلکار جان سولیکی کی رہائی کے لیے نواب خیر بخش مری سے مذاکرات میں غلام محمد بلوچ بھی شریک رہے تھے۔

غلام محمد کے ساتھی بلوچ رائٹس کونسل کے رہنماء وہاب بلوچ کا کہنا ہے کہ جان سولیکی کی رہائی کے لیے اقوام متحدہ کے وفد سے مذاکرات کے بعد انہیں دھمکیاں ملتی رہیں تھیں اس قدر کہ انہیں کہا جاتا تھا کہ ہمیں معلوم ہے کہ آپ کے کتنے بچے ہیں۔

اب وقت آگیا ہے کہ تمام بلوچوں کو متحد ہو کر کارروائی کرنی چاہیے کیونکہ اس واقعہ کے بعد بلوچ قوم کے لیے ایک سوالیہ نشان کھڑا ہوگیا ہے کہ اب وہ اسلحہ نہ اٹھائیں تو کیا کریں

حاصل بزنجو

بلوچ رہنماؤں کی ہلاکت کے حوالے سے نیشنل پارٹی کے رہنما سینیٹرحاصل بزنجو نے کہا ہے کہ اس قتل کے ذمہ دار آئی ایس آئی اور ایم آئی کے سربراہ ہیں۔ کوئٹہ پریس کلب میں ایک اخباری کانفرنس سے خطاب کرتے ہوئے سینیٹر حاصل بزنجو نے کہا ہے کہ چھ روز پہلے خفیہ ایجنسیوں آئی ایس آئی اور ایم آئی کے اہلکار ان تین رہنماؤں کو کچکول علی ایڈووکیٹ کے دفتر سے اٹھا کر لےگئے تھے اور اسی دن ہی انہیں گولیاں مار کر ہلاک کر دیا تھا۔

انہوں نے کہا کہ قتل کے واقعہ کی ایف آئی آر آئی ایس آئی کے چیف جنرل شجاع پاشا اور ایم آئی کے سربراہ میجر جنرل آصف کے خلاف درج کرنی چاہیے۔ حاصل بزنجو نے کہا کہ ’اب وقت آگیا ہے کہ تمام بلوچوں کو متحد ہو کر کارروائی کرنی چاہیے کیونکہ اس واقعہ کے بعد بلوچ قوم کے لیے ایک سوالیہ نشان کھڑا ہوگیا ہے کہ اب وہ اسلحہ نہ اٹھائیں تو کیا کریں‘۔

اس دوران براہمدغ بگٹی کے ترجمان شیر محمد بگٹی نے نامعلوم مقام سے براہمدغ بگٹی کا بیان جاری کیا ہے جس میں کہا گیا ہے کہ تینوں رہنماؤں کا قتل آزادی کے حصول کی طرف ایک قدم ہے ۔ انہوں نے کہا کہ ان تینوں رہنماؤں کے قتل سے یہ ثابت ہو گیا ہے کہ خفیہ ایجنسیاں بلوچوں کے ساتھ کیا رویہ اختیار کیے ہوئے ہیں۔ یاد رہے کہ بلوچ نیشنل موومنٹ کے سربراہ غلام محمد بلوچ، لالہ منیر اور بلوچ ریپبلکن پارٹی کے رہنما شیر محمد بگٹی کی لاشیں گزشتہ رات تربت کے قریب مسخ شدہ حالت میں ملی تھیں۔ تربت کے پولیس افسر ایاز بلوچ کا کہنا ہے کہ اب تک یہ واضح نہیں ہے کہ ان رہنماؤں کو کس نے قتل کیا ہے تاہم یہ لاشیں قریباً چھ روز پرانی ہیں۔

زرداری، مکاری اور وفاداری

2009-03-28T05:45:00.000-07:00

عامر احمد خان

آصف علی زرداری کی واحد ڈھال کسی اصول، کسی نظریے سے وفاداری ہے

پاکستان کے سابق فوجی صدر پرویز مشرف کی طرف سے نو مارچ سن دو ہزارسات میں چیف جسٹس کی معذولی اور ان کے ساتھ اپنے عہدوں سے مستعفی ہونے والے ججوں کی بحالی کے لیے دو سال سے جاری وکلاء تحریک کی بلآخر کامیابی کے بعد ملک میں پیدا ہونے والی صورت حال پر بی بی سی اردو سروس کے مدیر عامر احمد خان کا تجزیہ۔ تجزیہ تین اقساط میں شائع کیا جارہا ہے۔ اس کی دوسری قسط ملاحظہ ہو:

آصف علی زرداری جب سے پاکستان کے صدر بنے ہیں انہوں نے اپنے ہر انٹرویو اور تقریباً ہر بیان میں کہا ہے کہ ان کا ہر فیصلہ اور ہر قدم بینظیر بھٹو کی وضع کردہ سیاست کے اصولوں کی روشنی میں لیا جاتا ہے۔

پہلی قسط: سنگھ از کنگ

وہ یہ بھی کہہ چکے ہیں کہ انہیں جب بھی مشکل فیصلوں کا سامنا ہوتا ہے وہ خود سے یہی سوال کرتے ہیں کہ اگر بینظیر بھٹو زندہ ہوتیں تو ایسی صورتحال میں کیا کرتی۔ اگر واقعی ایسا ہے تو کیا یہ عجیب بات نہیں کہ ان کی مقتول رہنما کی سیاست کو ان سے کہیں زیادہ ان کے سب سے بڑے سیاسی حریف میاں نواز شریف زندہ رکھے ہوئے ہیں؟

یہ پاکستانی سیاست کا کمال ہے کہ ملک کے دو بڑے سیاستدانوں نے جلا وطنی میں اپنی سیاست کی مکمل تشکیل نو کی۔ میاں نواز شریف کے نئے سیاسی اوتار کی داستان آپ اس تجزیاتی سلسلے کے پہلے حصے میں پڑھ چکے ہیں۔ اب ایک نظر بینظیر بھٹو کے سیاسی فلسفے پر۔

میاں نواز شریف کی طرح وہ بھی پہلے دن سے ہی پاکستانی سیاست کو اپنا خداداد حق بلکہ جاگیر سمجھتی تھیں۔ ان کے لیے نہ تو پارٹی کے لیے نو سال تک جنرل ضیا نامی عذاب بھگتنے والے پارٹی کارکنوں کی کوئی حیثیت تھی اور نہ ہی انہیں جمہوری اصولوں کے تحت ضیائی نظام کی باقیات ختم کرنے میں کوئی دلچسپی۔ حصول اقتدار ان کی سیاست کا واحد محور تھا بالکل جیسے کوئی بپھرا ہوا جاگیردار اپنی چھنی ہوئی جاگیر دوبارہ حاصل کرنے کے لیے بے تاب ہوتا ہے۔

شاید اسی لیے انیس سو چھیاسی میں وطن لوٹنے کے بعد وہ کسی اور سیاستدان کو خاطر میں نہ لائیں۔ وقت کے ساتھ ساتھ انہیں پاکستان کے سیاسی نظام پر جنرل ضیاء کی چھاپ کی گہرائی کا اندازہ تو ضرور ہو گیا لیکن کیونکہ اقتدار کی سیاست کی پیچیدگیاں ان کی سمجھ سے بالاتر تھیں اس لیے ان کا رد عمل ایک سیاستدان سے زیادہ ایک کھلاڑی کا رہا۔ اس وقت ان کا حریف میاں نواز شریف نہ سیاستدان تھا اور نہ کھلاڑی۔ اس وقت کا نواز شریف محض قسمت کی وہ بگڑی ہوئی اولاد تھی جس کی سیاست اوپر قدرت اور نیچے فوج کے انٹیلیجنس ادارے آئی ایس آئی نے سنبھالی ہوئی تھی۔

صدر آصف علی زرداری کو یاد رکھنا ہو گا کہ بینظیر بھٹو کو لگنے والی گولی تو شاید ایک ہی ہو لیکن اسے چلانے والے ہاتھ سینکڑوں بلکہ ہزاروں بھی ہو سکتے ہیں۔ آج کے پاکستان میں یہ بھی ممکن ہے کہ ان ہاتھوں کی پہنچ وہاں تک ہو جہاں فرشتوں کے بھی پر جلتے ہیں

ظاہر ہے بینظیر بھٹو نے قدم قدم پر مات کھائی۔ معاملہ خواہ صوبے میں وفاق سے تعینات کیے گئے افسروں کا اٹھا یا بھارت میں جاری سکھ بغاوت کی پاکستانی حمایت کا، بینظیر بھٹو اپنی مرضی نہ کر پائیں۔ بھنا کر حمید گل جیسے جہادی جرنیل کو آئی ایس آئی سے نکال پھینکا لیکن اس کے ڈیڑھ سال بعد ہی اپنی حکومت کھو بیٹھیں۔

اپنی پہلی برطرفی سے بطور ایک سیاستدان تو بینظیر زیادہ نہ سیکھ سکیں لیکن بطور ایک کھلاڑی وہ چند اہم نتیجوں پر پہنچیں۔ لہٰذا جب انیس سو ترانوے میں میاں نواز شریف اپنے ہی بچپنے کی نظر ہوئے تو بینظیر بھٹو نے نسبتاً واضح اہداف کے ساتھ دوبارہ اقتدار سنبھالا۔

اس بار پنجاب میں براہ راست حکومت کرنے کی بجائے انہوں نے منحرف نواز لیگی میاں منظور وٹو کا سہارا لیا، بھارت کے ساتھ تعلقات پر سخت جارحانہ رویہ اپنایا اور پاکستان کی فوجی اسٹیبلشمنٹ کو رام کرنے کے لیے شمالی کوریا سے پاکستان کے میزائیل پروگرام کے لیے مدد لی۔ سیاسی کھیلوں کے پے در پے پینتروں میں ان کو نہ تو اپنی سیاست یاد رہی اور نہ ہی ایک فعال حکومت قائم کرنے کی ضرورت اور اہمیت کا احساس رہا۔ نتیجہ یہ ہوا کہ بھائی قتل ہوا، ایک بار پھر حکومت چھنی، شوہر پھر جیل جا بیٹھا اور خود جلا وطن ہوئیں۔

دوسری برطرفی کے بعد بینظیر بھٹو کو آئی ایس آئی سے نفرت ہو گئی یہاں تک کہ وہ اپنے انٹرویوز میں بھی کہنے لگیں کہ پاکستان کی سیکیورٹی انتظامیہ بے لگام ہو چکی ہے۔ اب وہ آئی ایس آئی کو پاکستانی اسٹیبلشمنٹ کی بھارت دشمنی سے لے کر میاں نواز شریف کی سیاسی کامیابیوں سمیت پاکستان میں ہونے والی تمام سیاسی برائیوں کی جڑ سمجھتی تھیں۔ اور اسی بنیاد پر وہ جلا وطنی میں اپنی سیاست کی تشکیل نو کرنے لگیں۔

سوئس عدالتوں می اپنے خلاف قائم مقدمات سے نمٹنے کے لیے انہوں نے جنرل پرویز مشرف سے رابطے کھلے رکھے، امریکی انتظامیہ میں اپنے خلاف پائے جانے والے خدشات کو بتدریج زائل کیا، امریکی انتظامیہ میں آئی ایس آئی کے خلاف بڑھتے ہوئے شکوک و شبہات کو اپنے مفاد میں استعمال کیا اور اپنے شوہر کو جیل سے رہا کروا لیا۔

لیکن ان تمام اقدامات سے کہیں زیادہ اہم ان کا یہ فیصلہ ثابت ہوا کہ وہ ہر حالت میں پارٹی سیاست میں متحرک رہیں گی۔ آٹھ سال کی لمبی جلا وطنی میں بھی ان کے کسی کارکن یا رہنما کو ان تک رسائی حاصل کرنے میں مشکل کی شکایت نہ ہوئی۔ دو ہزار سات کے وسط تک بینظیر بھٹو اپنے شوہر کو جیل سے چھڑا چکی تھیں، جنرل مشرف کی سیاست اپنے آخری دموں پر تھی، میاں نواز شریف اور بینظیر بھٹو فوج کو سیاست میں نہ آنے دینے کا عہد کر چکے تھے اور پوری دنیا ان کو پاکستان کی سیاست میں پھر سے فعال دیکھنے پر مجبور ہو چکی تھی۔

کیا کبھی پاکستان کو آصف زرداری میں دو ہزار سات والی بینظیر کی جھلک بھی نظر آئے گی یا نہیں؟ یہ کہنا مشکل ہے۔ حقیقت خواہ کچھ بھی ہو، اس وقت پاکستان کی سیاسی حقیقت یہی ہے کہ آصف علی زرداری کی تاحال سیاست صرف اور صرف مکاری پر مبنی رہی ہے۔ اس میں ابھی تک نہ تو پارٹی، نہ سیاسی حلیفوں، نہ ملک اور نہ ہی بینظیر سے وفاداری کا کوئی عنصر سامنے آیا ہے

اٹھارہ اکتوبر دو ہزار سات کو جب بینظیر بھٹو واپس لوٹیں تو عوام جنرل مشرف کی قاف لیگ، ملک کے حقیقی سیاستدانوں کے خلاف ان کی محاذ آرائی اور ملک بھر میں جا بجا ہونے والے خود کش حملوں سے عاجز آ چکے تھے۔ اسی لیے جب انہوں نے قومی مفاہمت کا نظریہ پیش کیا تو سوائے چند دل جلے مبصروں کے کسی نے ان کی مخالفت نہ کی اور نہ ہی ان کی مفاہمتی پالیسی کو موقع پرستی کہا۔

دوسری جانب بینظیر بھٹو بھی آٹھ سال پہلے ملک چھوڑنے والی مغرور و متکبر سیاستدان نہیں بلکہ لیاری میں اپنے مقتول محافظوں کے گھروں میں ان کی ماؤں اور بہنوں کے ساتھ بیٹھ کر رونے والی شفیق رہنما بن چکی تھیں۔ جس رانی کا خطاب سندھی ان کو کب سے دے چکے تھے اب وہ اپنی ہر ادا میں وہی رانی نظر آتی تھیں۔ ایک سیاسی مسیحا جسے پاکستان کے گلتے سڑتے ناسوروں کے لیے مرہم کا کام کرنا تھا۔

اپنے قتل سے چند دن پہلے ایک صحافی نے بینظیر بھٹو سے پوچھا کہ وہ اپنی سکیورٹی کے بارے میں اتنی لاپرواہ کیوں ہیں۔ اب سب کچھ پھر پہلے جیسا ہو چکا ہے نا، انہوں نے جواباً کہا۔ بینظیر کا یہ اوتار اس قدر بھرپور تھا کہ غیر رسمی محفلوں میں بڑے بڑے فوجی جرنیل بھی ماننے پر مجبور ہو گئے کہ اب صرف وہ ہی ملک کو سنبھال سکتی ہیں۔

شاید اسی لیے ان کے قتل پر صرف لوگ ہی نہیں روئے، لوگوں کے دل روئے۔ کسی نے کہا آج میری بہن گئی، کوئی بولا آج میری ماں مری۔ پورا ملک ایک برباد عاشق کی طرح سوگوار ہوا جیسے ہر کسی کو یقین ہو کہ اس بار بینظیر بھٹو اقتدار کی خاطر نہیں بلکہ عوام کی خاطر ملک لوٹی تھیں - شاید یہ جانتے ہوئے کہ انہیں قتل کر دیا جائے گا۔

بینظیر بھٹو کے قتل سے یوں لگا جیسے پاکستان یکایک برسوں پیچھے چلا گیا ہو۔ سیاسی افق پر پھر ماضی کی تاریکیوں نے غلبہ کیا اور جب اٹھارہ فروری کے انتخابات سے یہ تاریکی چھٹی تو قوم کو اس میں سے آصف علی زرداری کا ہشاش بشاش چہرہ جھانکتا ملا۔

یہ آصف علی زرداری کون تھا؟ کیا یہ انیس سو چھیاسی والی بینظیر بھٹو کا ایک روپ تھا جسے پارٹی وراثت میں ملی تھی اور جو اقتدار کو اپنا خداداد حق سمجھتی تھی؟ یا یہ انیس سو ترانوے والی بینظیر کا اوتار تھا جو اقتدار کی خواہش کے لیے ابلیس ابن ابلیس سے بھی اتحاد کر سکتی تھی؟ یا پھر یہ دو ہزار سات والی بینظیر کا نیا جنم تھا جو محاذ آرائی کے زخموں سے چور پاکستان پر مفاہمت کا مرہم رکھنے لوٹی تھی؟

جس وقت آصف علی زرداری نے صدر بننے کا ارادہ کیا اس وقت پاکستان میں ایک عام رائے یہ تھی کہ انہیں براہ راست اقتدار سے باہر رہتے ہوئے صرف پارٹی امور پر توجہ دینا چاہیے اور یوں وقت کے ساتھ ساتھ اپنے سیاسی قد کاٹھ کو بڑھاتے ہوئے پارٹی کے دل میں جگہ بنانی چاہیے۔ لیکن ان کے صدر بننے کے فیصلے میں انیس سو چھیاسی والی بینظیر کا روپ نظر آیا۔

پھر جب آصف علی زرداری نے میاں نواز شریف کے ساتھ اپنے تحریری معاہدوں کی دھجیاں اڑاتے ہوئے کہا کہ سیاسی معاہدے قران یا حدیث نہیں ہوتے تو قوم نے ان میں انیس سو ترانوے والی بینظیر کی جھلک دیکھی جو حصول اقتدار کی خاطر شیطان سے بھی ڈیل کرنے کو تیار تھیں۔

کیا کبھی پاکستان کو آصف زرداری میں دو ہزار سات والی بینظیر کی جھلک بھی نظر آئے گی یا نہیں؟ یہ کہنا مشکل ہے۔ حقیقت خواہ کچھ بھی ہو، اس وقت پاکستان کی سیاسی حقیقت یہی ہے کہ آصف علی زرداری کی تاحال سیاست صرف اور صرف مکاری پر مبنی رہی ہے۔ اس میں ابھی تک نہ تو پارٹی، نہ سیاسی حلیفوں، نہ ملک اور نہ ہی بینظیر سے وفاداری کا کوئی عنصر سامنے آیا ہے۔

اور صدر زرداری کے مسائل بینظیر بھٹو کے مقابلے میں کہیں زیادہ سنگین ہیں۔ بینظیر بھٹو کو سیاسی مکاری کے مختلف مراحل سے گزر کر ملک و قوم سے وفاداری کی منزل تک پہنچنے میں بیس سال کا عرصہ لگا۔ آصف علی زرداری کے پاس اتنا وقت کہاں۔ ان کو جو بھی کرنا ہے آج ہی کرنا ہے۔ صدر بننے سے لے کر اب تک قوم نے صرف ان کی سیاسی مکاری دیکھی ہے۔ اب انہیں اپنی پارٹی پر، اپنے سیاسی حلیفوں پر، اپنے بیرون ملک حمایتیوں پر اور سب سے بڑھ کر اپنی قوم پر ثابت کرنا ہے کہ اب تک جو ہوا وہ ان کی غلطی اور سیاسی ناسمجھی کا نتیجہ تھا۔

اور ایسا کرنے کے لیے اگر ان کا خیال ہے کہ بینظیر بھٹو کی طرح ان کے پاس بھی بیس سال ہیں تو یہ بڑی خام خیالی ہو گی۔ بینظیر بھٹو کے قتل نے پاکستان میں سیاسی قتل و غارت کی ایک نئی روایت شروع کی ہے جو اس سے پہلے صرف چھوٹی چھوٹی فرقہ وارانہ یا لسانی جماعتوں میں پائی جاتی تھی۔ اور ضروری نہیں کہ اس نئی روایت کے پاسبان مذہبی جنونی ہوں۔ یہ کوئی بھی ہو سکتا ہے۔

صدر آصف علی زرداری کو یاد رکھنا ہو گا کہ بینظیر بھٹو کو لگنے والی گولی تو شاید ایک ہی ہو لیکن اسے چلانے والے ہاتھ سینکڑوں بلکہ ہزاروں بھی ہو سکتے ہیں۔ آج کے پاکستان میں یہ بھی ممکن ہے کہ ان ہاتھوں کی پہنچ وہاں تک ہو جہاں فرشتوں کے بھی پر جلتے ہیں۔

اور ان ہاتھوں کے سامنے آصف علی زرداری کی واحد ڈھال کسی اصول، کسی نظریے سے وفاداری ہے نہ کہ وہ سیاسی مکاری جو انہیں بدتریج ایک گہری کھائی کے کنارے دھکیل لائی ہے۔ اب انہیں فوراً اپنی راہ بدلنا ہو گی کیونکہ جس راستے پر وہ اب تک چلتے آئے ہیں اس پر آگے صرف اندھیرا ہے۔

اقوالِ بخشو !

2009-03-19T06:06:00.001-07:00

میرا یارِ مجذوب احمد بخش جسے ہم سکول کے زمانے سے بخشو بخشو کہتے ہیں۔ اس کی عجیب عادت ہے۔ بال بچوں سے بے نیاز ہے۔ اچانک غائب ہوجاتا ہے اور پھر بغیر بتائے جن کی طرح آدھمکتا ہے۔ جس جس پرانے دوست کو اطلاع ملتی ہے وہ اقوالِ بخشو چننے کے لیے لپکتا ہے۔گھنٹوں گپ رہتی ہے اور بخشو حسبِ معمول اگلے ہفتے پھر ملیں گے کا نعرہ لگا کر مہینوں کے لیے گمشدہ ہوجاتا ہے۔

کل بھی یہی ہوا اور بخشو اپنے نادر نظریات و خیالات سے ہمیں مالا مال کر کے نکل لیا۔ کچھ اقوالِ بخشو آپ کی نذر کرتا ہوں۔

٭ نواز شریف اس وقت واحد قومی سیاستدان ہے جو وزن میں شعر پڑھتا ہے۔

٭ سلمان تاثیر وہ اڑتا تیر ہے جس کا رخ ایوانِ صدر کی طرف ہے۔

٭ رحمان ملک مٹھائی پر بیٹھی مکھی ہے۔

٭ آصف زرداری غیر خاندان سے بیاہ کر لائی گئی وہ بہو ہے جسے پیپلز پارٹی کے خاندانی بوڑھے بوڑھیاں کبھی قبول نہیں کریں گے۔

٭ پیپلز پارٹی کے ڈی این اے میں ڈیتھ وش پروگرامڈ ہے۔

٭ فضل الرحمان پچھلے جنم میں خالہ سرداراں تھے۔ جن کے بارے میں محلے کے بزرگ بتاتے ہیں کہ جنت مکانی اگر کمرے میں اکیلی بھی بیٹھی ہوں تو دیواروں کو لڑوا دیتی تھیں۔

٭ اسفند یار ولی کا اپنے دادا باچا خان کی تعلیمات سے اتنا ہی تعلق ہے جتنا طالبان کا جمہوریت سے۔

٭ پرویز مشرف کی باتیں چرس کے سوٹے کی طرح ہیں۔ کش لگاتے رہو تو مزا آتا رہتا ہے۔ سگریٹ ختم ہوتے ہی سر بھاری ہوجاتا ہے۔

٭ محمود اچکزئی بلوچستان کی آزادی کی شاہراہ پر رکھا ہوا کنٹینر ہیں۔

٭ اوباما بش کا بوتل بدل بھائی ہے۔

٭ اسرائیل مڈل ایسٹ میں امریکی ٹول پلازہ ہے۔

٭ امریکہ نے چین کو انقلابی مومن سے کاروباری میمن میں تبدیل کر دیا ہے۔

٭ بھارت اس تماشائی کی طرح ہوا میں اڑنے کی کوشش کر رہا ہے جو ابھی ابھی سپر مین دیکھ کر سینما ہال سے باہر نکلا ہو۔۔۔

٭سلم ڈاگ ملینئر کا ہدایت کار اگر دیسی ہوتا تو یہ فلم کارا فلم فیسٹیول سے آگے نا جاسکتی۔

بخشو نے اور بھی نوادرات اگلے ہیں۔ لیکن ان کا تذکرہ پھر سہی۔۔۔۔

سپریم کورٹ میں ججوں کی تعداد پچیس

2009-03-19T05:57:00.000-07:00

افتخار محمد چوہدری کے بعد جسٹس جاوید اقبال سنیارٹی میں دوسرے نمبر پر ہیں

حکومت کی طرف سےمعزول ججوں کی بحالی کے بعد اس وقت سپریم کورٹ میں ججوں کی تعداد پچیس ہوگئی ہے جبکہ فائنینس بِل میں حکمراں جماعت پاکستان پیپلزپارٹی اور اُس وقت کی اُن کی اتحادی اور موجوہ حزب اختلاف کی جماعت پاکستان مسلم لیگ نواز نے مل کر سپریم کورٹ میں ججوں کی کل تعداد انتیس کی تھی۔ آئین میں ابھی تک سپریم کورٹ کے ججوں کی تعداد سترہ مقرر ہے۔

افتخار محمد چودھری اور سپریم کورٹ کے دیگر چار ججوں کی بحالی کے بعد اُن تمام ججوں کی اُمیدیں دم توڑ گئیں جو شاید سپریم کورٹ کے چیف جسٹس اور سینئیر جج بننے کے خواب دیکھ رہے تھے۔

سابق صدر جنرل ریٹائرڈ پرویز مشرف کی طرف سے تین نومبر سنہ دوہزار سات کو ایمرجنسی لگانے کے بعد سپریم کورٹ کے جن ججوں نے پی سی او کے تحت حلف اُٹھایا تھا اُن میں موجودہ چیف جسٹس عبدالحمید ڈوگر، جسٹس نواز عباسی، جسٹس فقیر محمد کھوکھر، جسٹس ایم جاوید بُٹر اور جسٹس سعید اشہد شامل تھے۔

ان میں سے دو جج، نواز عباسی اور سعید اشہد، پہلے ہی ریٹائر ہو چکے ہیں جبکہ موجودہ چیف جسٹس عبدالحمید ڈوگر اس ماہ کی اکیس تاریخ کو ریٹائر ہو رہے ہیں۔

معزول ججوں میں سے کچھ نے موجودہ حکومت کے برسر اقتدار آنے کے بعد دوبارہ حلف لے لیا تھا۔ ان میں جسٹس سردار رضا خان، جسٹس تصدق حسین جیلانی، میاں شاکراللہ جان اور جسٹس ناصر الملک شامل تھے جبکہ سید جمشید علی جنہوں نے گزشتہ برس دوبارہ حلف اُٹھایا تھا، حلف اُٹھانے کے ایک ماہ بعد ریٹائر ہوگئے تھے۔ سید جمشید علی کا کہنا تھا کہ وہ معزول جج کہلانا پسند نہیں کرتے۔

پی سی او کے تحت حلف اُٹھانے والے جسٹس نواز عباسی کے ریٹائر ہونے کے بعد جسٹس فقیر محمد کھوکھر موجودہ چیف جسٹس عبدالحمید ڈوگر کے بعد سب سے سینئیر جج تھے لیکن دوبارہ حلف اُٹھانے اور موجودہ حکومت کی طرف سے معزول ججوں کی بحالی کے بعد وہ سنیارٹی میں پانچویں نمبر پر چلے گئے ہیں۔

چیف جسٹس افتخار محمد چوہدری کی مدت ملازمت دسمبر سنہ دوہزار تیرہ تک ہے اور اس سے پہلے متعدد سپریم کورٹ کے جج صاحبان ریٹائر ہو جائیں گے۔ ان میں جسٹس جاوید اقبال، سردار رضا خان، خلیل الرحمن رمدے، میاں شاکراللہ جان جاوید بُٹر، راجہ فیاض اور چوہدری اعجاز شامل ہیں

موجودہ چیف جسٹس عبدالحمید ڈوگر کے بعد جسٹس سردار رضا خان سپریم کورٹ کے سب سے سنیئیر جج تھے اور عبدالحمید ڈوگر کی ریٹائرمنٹ کے بعد اُن کا نام چیف جسٹس کے طور پر لیا جا رہا تھا تاہم معزول ججوں کے بحال ہونے کے بعد وہ سنیارٹی میں تیسرے نمبر پر چلے گئے ہیں۔افتخار محمد چودھری کے بعد جسٹس جاوید اقبال سنیارٹی میں دوسرے نمبر پر ہیں اور دونوں کا تعلق صوبہ بلوچستان سے ہے۔

واضح رہے کہ جسٹس جاوید اقبال نے تین نومبر سنہ دوہزار سات کے بعد پاکستان پریس کونسل کے چیئرمین کا عہدہ سنبھالا تھا تاہم یوسف رضا گیلانی کے وزیر اعظم کا عہدہ سنبھالنے کے بعد معزول ججوں کی نظر بندی کے خاتمے کے بعد جاوید اقبال اپنے عہدے سے مستعفی ہوگئے تھے۔

بحال ہونے والے چیف جسٹس افتخار محمد چودھری کی مدت ملازمت دسمبر سنہ دوہزار تیرہ تک ہے اور اس سے پہلے متعدد سپریم کورٹ کے جج صاحبان ریٹائر ہو جائیں گے۔ ان میں جسٹس جاوید اقبال، سردار رضا خان، خلیل الرحمن رمدے، میاں شاکراللہ جان جاوید بُٹر، راجہ فیاض اور چودھری اعجاز شامل ہیں۔

جسٹس جاوید اقبال اکتیس جولائی سنہ دوہزار تیرہ ، جسٹس سردار رضا خان نو فروری سنہ دو ہزار دس، فقیر محمد کھوکھر پندرہ اپریل دو ہزار دس ، خلیل الرحمن رمدے بارہ جنوری دو ہزار دس اور میاں شاکراللہ جان سات اگست دو ہزار بارہ کو ریٹائر ہو جائیں گے جبکہ بحال ہونے والے چیف جسٹس افتخار محمد چودھری گیارہ دسمبر سنہ دو ہزار تیرہ کو ریٹائر ہوں گے۔

جسٹس تصدق حسین جیلانی اور جسٹس ناصر الملک کے امکانات ہیں کہ وہ افتخار محمد چودھری کی مدت ملازمت پوری ہونے کے بعد سپریم کورٹ کے چیف جسٹس ہوں گے۔

عدالتِ اعظیٰ میں ججوں کی تعداد میں اضافے کے بعد سپریم کورٹ کی عمارت میں تعمیراتی کام جاری ہے اور ججوں کے مزید چیمبرز تعمیر کیے جا رہے ہیں۔

موجودہ چیف جسٹس عبدالحمید ڈوگر کی اکیس مارچ کو ریٹائرمنٹ کے بعد سپریم کورٹ میں سنیارٹی جس حساب سے ہوگی اس کے مطابق افتخار محمد چودھری چیف جسٹس، جسٹس جاوید اقبال، جسٹس سردار رضا خان، جسٹس خلیل الرحمن رمدے، جسٹس فقیر محمد کھوکھر، جسٹس میاں شاکراللہ جان، جسٹس ایم جاوید بُٹر، جسٹس تصدق حسیین جیلانی، جسٹس ناصرالملک، جسٹس راجہ فیاض احمد، جسٹس چودھری اعجاز احمد، جسٹس اعجاز الحسن، جسٹس محمد قائم جان، جسٹس موسی کے لغاری، جسٹس چودھری اعجاز یوسف، جسٹس محمد اختر شبیر، جسٹس ضیاء پرویز، جسٹس میاں حامد فاروق، جسٹس سید سخی حسین بخاری، جسٹس سید زوار حسین جعفری، جسٹس شیخ حاکم علی، جسٹس محمد فرخ محمود، جسٹس صبیح الدین احمد، جسٹس سرمد جلال عثمانی اور جسٹس سردار محمد اسلم کے نام آتے ہیں۔

واضح رہے کہ اٹارنی جنرل سردار لطیف کھوسہ کا کہنا ہے کہ افتخار محمد چودھری قومی مصالحتی آرڈینینس اور ملک میں ایمرجنسی کے نفاذ کا دوبارہ جائزہ لے سکتے ہیں تاہم اُن کا کہنا تھا کہ ہمیں ماضی کے مردے اُکھاڑنے کی بجائے مستقبل کو دیکھنا چاہیے۔

ایک سو افتخار چوہدری چاہییں!

2009-03-18T09:36:00.000-07:00

وسعت اللہ خان

عدلیہ کی بحالی کے بعد اب عدالتی نظام کو ٹھیک کرنے کے لیے بھی جدوجہد ضوروی ہے

ٹراسپیرنسی انٹرنیشنل کے مطابق پاکستان کے پچپن فیصد شہریوں کا خیال ہے کہ یہاں کا عدالتی نظام کرپٹ ہونے کے سبب انصاف کی وسیع تر فراہمی میں ناکام ہے۔کسی بھی درجے کی عدالت کے روبرو جانے والے سائلوں میں سے چھیانوے فیصد کو پولیس یا عدالتی اہلکاروں یا وکلا کے ہاتھوں کم از کم ایک مرتبہ کرپشن کا سامنا ضرور کرنا پڑتا ہے۔

ٹرانسپیرنسی انٹرنیشنل کے مذکورہ جائزے میں ایک عام پاکستانی کے لیے اچنبھے کی کوئی بات نہیں ہے۔عدالتی نظام کی زنجیر کی تین بنیادی کڑیاں نہ صرف فرسودہ بلکہ انتہائی کمزور ہوچکی ہیں۔

اس زنجیر میں پہلی بنیادی کڑی پولیس ہے۔اگرچہ موجودہ پولیس اٹھارہ سو اکسٹھ کے انڈین پولیس ایکٹ کے بجائے دو ہزار دو کے پولیس آرڈر کے تحت کام کر رہی ہے۔لیکن اسکی کارکردگی کی نگرانی کے لیے دو ہزار دو کے پولیس آرڈر میں جو غیر جانبدارانہ ڈھانچہ تجویز کیا گیا تھا وہ نفاذ سے پہلے ہی اتنا کمزور کردیا گیا کہ پولیس حسبِ معمول پہلے کی طرح بے خوف ہوگئی۔ ہائی وے پولیس اور پولیس ایلیٹ فورس کی تنخواہوں میں تو کسی حد تک اضافہ ہوا لیکن بیشتر پولیس کے اوقاتِ کار اور تنخواہوں میں کوئی خاص فرق نہیں آیا۔حتی کہ ایک عام پولیس والے کو پک اینڈ ڈراپ کی سہولتیں تک فراہم نہیں کی گئیں۔ پولیس ریکارڈ کو کمپوٹرائزڈ کرنے کا منصوبہ بنایا گیا ۔یہ خوشخبری بھی سنائی گئی کہ کوئی بھی شہری بذریعہ انٹرنیٹ رورٹ درج کروا سکتا ہے۔ لیکن آج بھی ننانوے فیصد تھانے کاغذ ، قلم اور کچی و پکی رپورٹ کے اصول پر کام کر رہے ہیں۔ تھانوں کی تعداد میں ضرور اضافہ کیا گیا لیکن عمارتیں نہیں بنائی گئیں۔ چنانچہ بیشتر نئے تھانے قبضے کی جگہوں پر کام کر رہے ہیں۔
پولیس

دالتی نظام کی زنجیر کی تین بنیادی کڑیوں میں پولیس پہلی کڑی ہے

پولیس کی تقرریوں اور تبادلوں کے لیے پیشہ ورانہ غیرجانبدار طریقِ کار اپنانے کے بجائے پولیس والوں کی ترقی و تنزلی پہلے کی طرح حکومتی عمل داروں ، سیاستدانوں اور بااثر عمائدین کی آبرو سے بندھی ہوئی ہیں۔ ایک تہائی پولیس وی آئی پی پروٹیکشن کے لیے استعمال ہوتی ہے۔کہیں یہ پروٹیکشن ضروری ہوتی ہے لیکن اکثر حکومتی عملدار اس سہولت کو اپنا سٹیٹس سِمبل ظاہر کرنے کے لیے استعمال کرتے ہیں۔ان حالات میں پولیس کی پیشہ ورانہ صلاحیتیں بڑھانے اور مناسب تربیت کی بات کرنا وقت ضائع کرنے کے مترادف ہے۔اس ماحول میں جو بھی پولیس فورس کام کرے گی اسکی وفاداری اپنے کام ، اختیارات کے درست استعمال اور ریاستی و عوامی مفاد کے بجائے طاقتور کے مفاد سے ہی جڑ سکتی ہے۔

اس کا نتیجہ ماورائے عدالت پولیس مقابلوں، دورانِ حراست قیدیوں کی ہلاکتوں ، نجی خفیہ جیل خانوں، سائل پر دباؤ، ایف آئی آر میں اصل حقائق چھپان، کمزور یا تبدیل کرن، اصل گواہوں کی حوصلہ شکنی اور جعلی گواہوں کی حوصلہ افزائی کے رحجہان اور کیس کی سنگینی کے حساب سے رشوت کی شکل میں سب کے سامنے ہے۔

انصاف کی زنجیر کی دوسری کڑی تفتیشی عمل ہے۔اگرچہ کاغذی طور پر پولیس کی انویسٹی گیشن برانچ کرائم برانچ سے الگ ہے لیکن تفتیش کار جدید تحقیقی مہارت اور مطلوبہ وسائیل سے پہلے کی طرح نابلد و محروم ہیں۔ آج بھی مکہ ، لات ، چتھرول ، الٹا لٹکانا اور تیز روشنی میں ملزموں کو کھڑا رکھنا تفتیشی افسران کے محبوب طریقے ہیں۔ پولیس جائے وقوعہ سے اہم مادی شواہد اکھٹا کرنے ، جرم کی نوعیت اور ملزم کی نفسیات کی چھان بین سے زیادہ ملزم کے سماجی مقام اور بیانات سے دلچسپی رکھتی ہے۔گواہوں کو پیش کرنے کا بار بھی ملزم کو اٹھانا پڑتا ہے۔

پاکستان کی سولہ کروڑ آبادی کے لیے کراچی اور لاہور میں دو فرسودہ فورینزک لیبارٹریز ہیں۔جبکہ ڈی این اے ٹیسٹنگ کے لیے واحد لیبارٹری اسلام آباد میں تین برس پہلے چین کی مدد سے قائم کی گئی ہے۔ ان حالات میں کتنی اچھی تفتیش ہوسکتی ہے اسکا اندازہ لگانے کے لیے نوبل انعام یافتہ ہونا ضروری نہیں ہے۔

اور پھر یہ سب کچھ چالان اور قانونی دستاویزات کی صورت میں انصاف کی تیسری کڑی یعنی عدالت کے روبرو پیش ہوتا ہے۔سائیل کے لیے سب سے پہلا اور اہم کام کسی ایسے وکیل کی تلاش ہوتی ہے جو نہ صرف اپنے کام میں ماہر ہو بلکہ خدا ترس بھی ہو۔نوے فیصد وکلا سائیل کو مجبور نہیں بلکہ نوٹ چھاپنے کی مشین سمجھتے ہیں۔وہ سائیل کو اس کے مقدمے کی نوعیت اور کمزوریوں یا خامیوں کے بارے میں پیشہ ورانہ مشورہ دینے یا رہنمائی کرنے کے بجائے جھوٹے دلاسے دیتے ہیں۔انکی کوشش ہوتی ہے کہ مقدمہ کا فیصلہ جلد از جلد نہ ہو بلکہ جتنا التوا میں جاسکے معاشی طور پر اتنا ہی اچھا ہے۔

وکیل اور جج کے درمیان ایک اور کردار پیش کار کا ہوتا ہے جس کا کام سماعت کی تاریخ آگے پیچھے کروانا ہوتا ہے۔ وہ فائیلوں کے انبار کو اوپر نیچے کرنے پر قادر ہوتا ہے۔اس کا دارومدار اس پر ہے کہ انصاف کا متلاشی سائیل اسے کتنا خوش رکھ سکتا ہے۔ بصورتِ دیگر سائیل صرف شنوائی کی تاریخ لینے کے لیے جوتیاں چٹخاتے پھرتے ہیں۔ اور جیل میں بند قیدی پورا پورا دن عدالت کے احاطے میں صرف یہ سننے کے لیے زنجیر سے بندھے بیٹھے رہتے ہیں کہ اب انکی شنوائی اگلے مہینے کی فلاں تاریخ پر ہوگی۔
وکیل

بیشتر وکلیلوں کی کوشش ہوتی ہے کہ مقدمہ کا فیصلہ جلد از جلد نہ ہو

پاکستان کی اٹھانوے فیصد آبادی انگریزی سے نابلد ہے۔لیکن عدالتی زبان انگریزی ہے۔چنانچہ سائیل کو معلوم ہی نہیں ہوتا کہ کس کاغذ پر کیا لکھا ہے اور وہ اس پر کیوں انگوٹھا لگا رہا ہے۔اگر سائیل ان کاغذوں کو جاننے کے لیے حجت کرے تو وکیل اسے یہی کہتا ہے کہ ’اللہ خیر کرے گا،تم فکر کیوں کرتے ہو۔میں ہوں نا۔‘

جہاں تک ججوں کا معاملہ ہے تو انکی تنخواہیں اور مراعات انہی کے ہم منصب بیورو کریٹس اور فوجی افسران کے مقابلے میں نہائت قلیل ہوتی ہیں۔ اگرچہ ان میں سے بہت سوں کی کوشش ہوتی ہے کہ اپنی ذمہ داریاں مادی مشکلات کے باوجود ایمانداری سے نبھائیں۔لیکن وہ بھی انسان ہیں۔اور سیاسی دباؤ ، سفارش اور مالی ترغیب تو اچھے اچھوں کو ڈگمگانے کے لیے کافی ہوتی ہے۔بعض جج دھڑلے سے انصاف فروخت کرتے ہیں تو بعض کسی توسط سے اس میں شریک ہوتے ہیں۔ان کی تقرری و تنزلی کا دارومدار بھی انکے سیاسی رجہان ، تعلقات اور سماجی اثرو رسوخ پر ہوتا ہے۔چنانچہ ایسے ججوں کے پاس بارسوخ افراد کے مقدمات کا انتہائی رش ہوتا ہے۔یوں ایک عام اور بے یارو مددگار سائیل کی فائیل ہر پیشی کے ساتھ مزید دبتی چلی جاتی ہے۔ نتیجہ یہ ہے کہ پاکستان کی مختلف عدالتوں میں اس وقت تقریباً نو لاکھ مقدمات التوا میں پڑے ہوئے ہیں اور اس وقت عدلیہ کو جتنی افرادی قوت میسر ہے اور فیصلے کرنے کی جو رفتار ہے اسے دیکھتے ہوئے سال میں دو ماہ چھٹی کرنے والی عدلیہ کو یہ مقدمات نمٹانے کے لیے کم از کم پچاس برس درکار ہوں گے۔ مرے پر سو درے یہ کہ پورے ملک میں ایک نہیں بلکہ شریعت اور انگریزی قانون پر مشتمل دو عدالتی نظام جاری و ساری ہیں۔اور عدالتیں بھی ایک قسم کی نہیں بلکہ بھانت بھانت کی ہیں۔

کہنے کو کرپٹ ججوں کے کان کھینچنے کے لیے سپریم جوڈیشل کونسل قائم ہے۔جسے کوئی بھی شخص شکیت بھیج سکتا ہے۔لیکن سپریم جوڈیشل کونسل یہ حق محفوظ رکھتی ہے کہ جھوٹی اطلاع یا شہادت دینے والے کے خلاف تادیبی کارروائی کرسکے۔اگرچہ یہ شق بالکل جائز اور مناسب ہے۔لیکن ایسا بہت کم ہوتا ہے کہ کرپشن کرنے والا اپنے پاؤں کے نشانات چھوڑ دے۔چنانچہ عام شہری کسی بھی جج کے بارے میں درست معلومات ہونے کے باوجود سپریم جوڈیشل کونسل سے شکایت کی ہمت نہیں کرتا۔اور یوں ایماندار ججوں کے شانہ بشانہ کرپٹ جج بھی زندگی کے مزے لوٹتے رہتے ہیں۔

یہ وہ حالات ہیں جن میں پاکستان کے مختلف علاقوں میں جرگہ سسٹم پہلے سے زیادہ مضبوطی کے ساتھ پھیل رہا ہے۔ بظاہر جرگہ سسٹم غیر قانونی ہے۔لیکن عدلیہ کی آزادی اور سستے انصاف کی فراہمی کے علمبردار کئی ارکانِ پارلیمان اور سرکاری افسر ان جرگوں میں دھڑلے سے بیٹھتے ہیں۔ اور چوری سے لے کر زندگی و موت تک کے فیصلے کرتے ہیں۔ عام آدمی جسے رسمی عدالتی نظام سے رجوع کرتے ہوئے ہول اٹھتا ہے۔بخوشی یا مجبوری میں ان جرگوں کے فیصلے تسلیم کرنے کو غنیمت سمجھتا ہے۔

اگرچہ افتخار محمد چوہدری اور انکے جرات مند ساتھیوں کی بحالی ایک خوش آئند قدم ہے۔لیکن تین کڑیوں پر مشتمل عدالتی ڈھانچے کو درست کرنے کے لیے ایک نہیں کم ازکم ایک سو افتخار چوہدری درکار ہیں۔

2009-03-17T06:42:00.000-07:00

سنگھ از کنگ

عامر احمد خان

پاکستان کے سابق فوجی صدر پرویز مشرف کی طرف سے نو مارچ سن دو ہزارسات میں چیف جسٹس کی معذولی اور ان کے ساتھ اپنے عہدوں سے مستعفی ہونے والے ججوں کی بحالی کے لیے دو سال سے جاری وکلاء تحریک کی بلآخر کامیابی کے بعد ملک میں پیدا ہونے والی سیاسی صورت حال پر عامر احمد خان کا تجزیہ۔ یہ تجزیہ تین اقساط میں شائع کیا جارہا ہے۔ اس سلسلے کی پہلی قسط ملاحظہ ہو:

ستمبر دو ہزار سات میں میاں نواز شریف لندن کے ہیتھرو ائیر پورٹ سے حکمرانِ وقت جنرل پرویز مشرف کے خلاف علم بغاوت تھامے جب پی آئی اے کے طیارے میں سوار ہوئے تو شاید ہی کوئی یقین سے کہہ سکتا تھا کہ وہ پاکستانی سیاست میں اپنے کھوئے ہوئے وقار کو بحال کرنے میں کامیاب ہو پائیں گے۔

ان کے سر پر دسمبر دو ہزار میں جنرل پرویز مشرف سے کی گئی سیاسی ڈیل کی تلوار لٹک رہی تھی۔ ان کی پارٹی آٹھ سال کی سیاسی لاوارثی سے نڈھال تھی اور ان کی سیاست کے منہ پر ایک فوجی حکمران کے ظلم سے گھبرا کر ملک چھوڑ دینے کی کالک ملی تھی۔

مشرف حکومت نے ان کے جہاز کے اسلام آباد اترنے کے چند گھنٹے بعد ہی با آسانی انہیں ایک دفعہ پھر ملک بدر کر دیا اور پورے ملک میں ان کی دوسری جلا وطنی کی مخالفت میں چند لوگ بھی گھروں سے باہر نہ نکلے۔ ایسے میں کوئی تصور بھی نہیں کر سکتا تھا کہ نہ صرف وہ بطور ایک فعال سیاستدان اپنا کیرئیر جاری رکھ سکیں گے بلکہ دو سال کے اندر اندر ملکی سیاست کے طاقتور ترین کھلاڑی کا روپ دھار لیں گے۔

اس وقت ان کے ہمسفروں میں درجنوں دیگر صحافیوں کی طرح بی بی سی اردو سروس کے نگرانِ وقت محمد حنیف بھی شامل تھے۔ انہوں نے میاں نواز شریف کی وطن واپسی کی اس ناکام کوشش پر اپنے تجزیے کو یوں سمیٹا: 'اس سارے شور شرابے اور دھکم پیل کے درمیان نواز شریف کے چہرے پر پہلی دفعہ مکمل سکون تھا۔ اس شخص کا سکون جس کے بدترین خدشات درست ثابت ہوئے ہوں۔

بچپن سے ہی مہنگے امپورٹڈ بلوں سے کرکٹ کھیلنے والا یہ نوجوان اپنے باپ کی انتھک محنت کے سر پر جب بلا کوشش و خواہش پہلے پنجاب کا وزیر خزانہ، پھر وزیر اعلٰی اور آخر کار ملک کا وزیر اعظم بن بیٹھا تو اس کے لیے یہ سمجھنا ایک فطری عمل تھا کہ وہ قدرت کا لاڈلا ہے۔

سولہ مارچ دو ہزار نو کو ہونے والے چیف جسٹس افتخار محمد چودھری کی بحالی کے اعلان کے بعد کی صورتحال کو دیکھیں تو محمد حنیف کے یہ الفاظ الہامی معلوم ہوتے ہیں۔ سن دو ہزار میں سیاسی تکالیف سے منہ پھیر لینے والا نواز شریف آج ایک ایسے سیاستدان میں بدل گیا ہے جو اپنے بدترین خدشات کو حقیقت بنتے ہوئے دیکھ چکا ہے، اس تلخ حقیقت سے نمٹ چکا ہے اور اب دن بدن نئی سمتوں کی جانب بڑھ رہا ہے۔

ایسا کرنا میاں نواز شریف کے لیے کتنا مشکل تھا، اس کا اندازہ ان کے اپنے ماضی سے لگایا جا سکتا ہے۔

بچپن سے ہی مہنگے امپورٹڈ بلوں سے کرکٹ کھیلنے والا یہ نوجوان اپنے باپ کی انتھک محنت کے سر پر جب بلا کوشش و خواہش پہلے پنجاب کا وزیر خزانہ، پھر وزیر اعلٰی اور آخر کار ملک کا وزیر اعظم بن بیٹھا تو اس کے لیے یہ سمجھنا ایک فطری عمل تھا کہ وہ قدرت کا لاڈلا ہے۔ وہ انوکھا لاڈلا جسے یہ یقین تھا کہ وہ کھیلن کو چاند بھی مانگے گا تو اسے ملے گا۔

اسی لیے اقتدار میں آنے کے دو ہی سال بعد وہ ایک طاقتور صدر سے بھڑ بیٹھا۔ قسمت کا لاڈلا تھا اس لیے حکومت گنوانے کے باوجود وہ صدر کو بھی لے بیٹھا اور یوں جنرل ضیاالحق کے اندھیروں کے تسلسل میں امید کی ایک نئی کرن پھوٹی۔

دوبارہ اقتدار میں آیا تو پہلے صدر، پھر چیف جسٹس اور پھر آرمی چیف کو چلتا کر دیا۔ یہ تمام اقدامات ایسے تھے جنہیں اٹھانے کی ہمت ذوالفقار علی بھٹو کے بعد کسی غیر فوجی حکمران کو نہیں ہوئی۔ تو پھر کیا عجب کہ انہوں نے ایک آئینی ترمیم کے ذریعے خود کو امیر المومنین اور پاکستان کو ایک مذہبی آمریت بنانے کا بھی خواب دیکھا۔

یہ درست ہے کہ قدرت نے ان کی اس خواہش کو رد کیا لیکن اس کے ساتھ ہی شاید یہ بھی قدرت کے لاڈ پیار کی ایک مثال تھی کہ وہ ایک بددماغ فوجی سربراہ کو دو گھنٹے ہوا میں لٹکائے رہنے کے باوجود بھی پاکستان سے زندہ بچ کر نکل گئے۔

اس نوعیت کی سیاسی تاریخ کے پیش نظر ظاہر ہے کہ ان کی وطن واپسی کے بعد کسی کے لیے بھی ان کے تابناک سیاسی مستقبل کی پیشن گوئی کرنا نا ممکن تھا۔ عام توقعات یہی تھیں کہ وہ کچھ عرصہ تو صدر سے اپنے بدلے چکانے کی کوششوں میں مصروف رہیں گے اور پھر اقتدار کی مار دھاڑ میں غرق ہو کر ایک محدود سیاسی دھڑے کے سربراہ کے طور پر گجرات کے چوہدریوں کی طرح زیادہ سے زیادہ لاہور کے چودھری بن بیٹھیں گے۔

قدرت بھی ایک بار پھر اپنے اس لاڈلے پر مسکرائی اور میاں نواز شریف کو ایک نئی زندگی یوں دی کہ پاکستان پیپلز پارٹی کی سربراہ بینظیر بھٹو قتل ہوئیں۔ ان کے قتل سے پیدا ہونے والے سیاسی خلاء نے جیسے راتوں رات ان کے منہ سے ان کے ماضی کی کالک دھو ڈالی۔

لیکن میاں نواز شریف نے وطن واپسی کے پہلے دن سے ہی اپنے سیاسی تدبر سے مبصرین کو حیران کر ڈالا۔ انہوں نے سب سے پہلے تو بینظیر بھٹو سے ایسی گاڑھی سیاسی یاری لگائی کہ دونوں دن میں چھ چھ دفعہ ایک دوسرے سے بات کرتے، ہر مشکل موڑ پر ایک دوسرے سے مشورہ کرتے اور ایک دوسرے کو بھائی بہن کہتے نہ تھکتے۔

اس کے ساتھ ہی میاں نواز شریف نے صدر پر تو کڑی تنقید جاری رکھی لیکن اپنی ذاتی انا یا خواہشات کو سیاسی عمل میں خلل ڈالنے کا موقع نہ دیا۔ انہیں صدر مشرف کے تجویز کردہ سیاسی نظام سے نفرت تھی لیکن انہوں نے بینظیر بھٹو کے کہنے پر عام انتخابات کا بائیکاٹ نہ کرنے کا فیصلہ کیا۔ وہ آٹھ سال تک اقتدار سے باہر رہ چکے تھے لیکن وطن واپسی کے بعد حصول اقتدار کی بجائے انہوں نے معزول ججوں کی بحالی کو اپنا منشور بنایا۔ اس دوران جسے بھی ملے، اسے اپنی سوچ اور فکر کے ٹھہراؤ سے متاثر کیا۔ ایک ایک کر کے بہت سے لوگ یہ کہنے پر مجبور ہوئے کہ یہ شاید وہ نواز شریف نہیں جو آٹھ سال پہلے سب کچھ چھوڑ کر اپنی جان بچا کر چلا گیا تھا۔

قدرت بھی ایک بار پھر اپنے اس لاڈلے پر مسکرائی اور میاں نواز شریف کو ایک نئی زندگی یوں دی کہ پاکستان پیپلز پارٹی کی سربراہ بینظیر بھٹو قتل ہوئیں۔ ان کے قتل سے پیدا ہونے والے سیاسی خلاء نے جیسے راتوں رات ان کے منہ سے ان کے ماضی کی کالک دھو ڈالی۔

یہ میاں نواز شریف کے لیے ایک مشکل وقت تھا۔ پنجاب کے عوام آصف علی زرداری کی قیادت کو رد کرتے ہوئے میاں نواز شریف کی جانب واپس لوٹے اور ان کی جماعت کو ماضی کی طرح ایک بھرپور مینڈیٹ دیا۔ ماضی کے تجربات کی روشنی میں اس مرحلے پر کوئی وجہ ایسی نہ تھی کہ ان کے قدم نہ چوکتے۔ وہ عدلیہ کے مسائل بھلا کر اقتدار کی جنگ میں کود سکتے تھے، پاکستان پیپلز پارٹی کی حکومت سازی کی کوششوں میں رکاوٹ ڈال سکتے تھے یا پھر اس کی حمایت کے بدلے پنجاب کے علاوہ وفاق میں بھی اقتدار کا ایک بڑا حصہ اینٹھ سکتے تھے۔

لیکن انہوں نہ اپنا قبلہ درست رکھا۔ صرف ججوں کی بحالی کی بات کی، پیپلز پارٹی کو وفاق میں حکومت بنانے کے لیے مدد دینے میں ججوں کی بحالی کے سوا کوئی شرط نہ رکھی، نواز لیگ وزراء کو کالی پٹی باندھنے کی شرط پر صدر مشرف سے حلف لینے کی بھی اجازت دے دی۔ پھر ججوں کے معاملے پر وفاقی کابینہ سے اپنے وزیر اٹھائے لیکن حکومت کو غیر مستحکم کرنے کی کوئی کوشش نہ کی۔ وکلاء تحریک کی حمایت جاری رکھی لیکن دھرنا دینے پر اس وقت تک آمادہ نہ ہوئے جب تک آصف علی زرداری کی دروغ گوئی لا ریب فی نہ ہو گئی۔

اور پھر جب دھرنے کا وقت آیا تو پنجاب میں ان کی حکومت گر چکی تھی۔ لیکن انہوں نے اپنی حکومت کی بحالی کی بجائے ججوں کی بحالی کو ہی ہدف رکھا۔ وزارت داخلہ کی تمام تر کوششوں اور تمام تر ہتھکنڈوں کے باوجود ہزاروں کا جلوس نکالا جس کے سیاسی جوش اور طاقت کے سامنے صدر آصف علی زرداری کی ضد پانی کی طرح بہہ گئی۔

سب سے اہم یہ کہ ججوں کی بحالی کا اعلان ہوتے ساتھ ہی لانگ مارچ کے خاتمے کا اعلان کیا نہ کہ اپنی سیاسی طاقت کے اس شو کے بل بوتے پر اپنی حکومت کی بحالی کا مطالبہ۔ نتیجتاً وہ مفاہمتی فضا جو صدر زرداری کی مسلسل وعدہ خلافی اور پنجاب حکومت کی برطرفی کے بعد دم توڑ رہی تھی ایک بار پھر بہار دکھلانے لگی۔

کیا آج سے دو سال قبل کوئی سوچ سکتا تھا کہ مہنگے بلوں، رومانوی گانوں اور مرغن کھانوں کا شوقین، قدرت کا یہ لاڈلا سالہا سال تک اپنی ذات کی سیاست کرنے کے بعد پاکستان میں اصولی سیاست کی ضمانت کے طور پر ابھرے گا؟

میاں نواز شریف نے ججوں سے متعلق ایک سوال پر پچھلے سال از راہ مذاق صحافیوں سے کہا تھا کہ زبان کے معاملے میں وہ ’سکھ‘ ہیں۔ موجودہ حالات میں ان کے کڑے سے کڑے ناقدین بھی یہ ماننے پر مجبور ہیں کہ بعد میں جو بھی ہو لیکن فی الوقت چار سو ایک ہی آواز ہے اور وہ یہ کہ سنگھ از کنگ، سنگھ از کنگ، سنگھ از کنگ

انقلاب جو نہیں آیا

2009-03-17T06:20:00.000-07:00

حسن مجتبی

بی بی سی اردو ڈاٹ کام، نیو یارک

’لگتا تھا لاہور میں کسی نے صور اسرافیل پھونک دی تھی‘

یہ سب کچھ مجھے انیس سو تراسی چھیاسی کے سندھ کی یاد دلاتا تھا جب ایم آر ڈی یا تحریک بحالی ء جمہوریت کی حمایت میں لوگ اٹھ کھڑے ہوۓ تھے لیکن وہاں لوگ پنجاب کیطرف دیکھتے تھے کہ وہاں لوگ اٹھے ہیں کہ نہیں۔ ’پنجاب جاگا کہ نہیں، بس جی پنجاب جب تک نہیں اٹھتا کچھ بھی نہیں ہوتا‘، لوگ کہتے۔

ان دنوں بلکل اسی طرح بینظیر بھٹو کراچـي میں اپنی رہائش گاہ ستر کلفٹن سے نکل کر جگہ جگہ پولیس اور رینجرز کی رکاوٹیں توڑتی ہوئي، آنسو گیس اور لاٹھی چارج کی بوچھاڑ میں کھلی جیپ میں لیاری جا پہنچی تھیں۔ لیاری سے لیکر کموں شہید تک لوگ ضیا ءالحق کی فوجی تانا شاہی کے خلاف میدان میں آ چکے تھے۔ لیکن پنجاب شاید ’مارشل لاء بھنگ‘ (ضياء الجق کے دنوں میں پنجاب میں کاشت ہونیوالے بھونی ہوئي بھنگ کو 'مارشل لاء' بھنگ کہا جاتا تھا) پی کر گہری ننید میں سویا ہوا تھا۔

اس سے بھی کئي سال قبل جب جب ذوالفقار علی بھٹو کے ہاتھوں بلوچستان حکومت کی برطرفی اور سرحد حکومت کے احتجاجی استعفے اور نیپ پر پابندی کے خلاف مزاحمت اٹھی تھی لیکن پنجاب پھر بھی خاموش تھا جس پر عوامی شاعر حبیب جالب نے کہا تھا:

’نہ وہ گفتگو سے نہ وہ شاعری سے جائے گا
عصا اٹھاؤ کہ یہ فرعون دیوانگي سے جائيگا
جگاؤ خطہء پنجاب کو جگاؤ بھی
اگر وہ جاگ اٹھے تو یہ نوکری سے جائيگا‘

لیکن اہل پنجاب نہیں اٹھنے تھے نہ اٹھے۔

بنگال کے بعد بلوچستان فوجی بوٹوں تلے روندا جانے لگا۔ حبیب جالب نے پھر کہا:

’اٹھو پنجاب کے لوگو بلوچستان جلتا ہے
بلوچستان جلتا ہے تو پاکستان جلتا ہے‘

پاکستان جلتا رہا لیکن پنجاب سے کتیا بھی نہیں بھونکی۔

نواز شریف نے اس لانگ مارچ کو 'خاموش انقلاب' کا نام دیا تھا

ذوالفقار علی بھٹو کی نیم جمہوریت اور سیویلین ڈکیٹر شپ کی جگہ پھر ضیاء الحق کی سپر مارشل لاء نے لے لی۔ پاکستان میں بونا پارٹزم کے خلاف پنجاب سمیت پورا ملک بھڑک اٹھا۔ لیکن ایک صوبے سے دوسرے صوبے تو کیا ایک ضلع سے دوسرے ضلع تک ضیاء مخالف تحریکوں کی خبریں نہیں جاتی تھیں۔

انہی دنوں میں پنجابی شاعر ( شاید شفقت تنویر مرزا!) نے لکھا تھا:

’پنجابی تے نرے ڈھگے نیں
خورے اونہاں دی جاگ کدوں لہسی
بس صور اسرافیل پھوکن دی لوڑ اے
سارے جاگ پوسن‘

کل لگتا تھا لاہور میں کسی نے صور اسرافیل پھونک دی تھی اور یہ پاکستان کی تاریخ کے نہایت تجریدی مناظرتھے۔ پنجاب اٹھ کے آیاہوا تھا۔ نواز شریف ہزاروں لوگوں کا جلوس لیکر ’میں باغی ہوں‘ جیسی نظمیں کہتا ہوا راوی کا پل چڑھ چکا تھا۔ اسکی للکار اسلام آباد تھی جہاں سندھی ٹوپی پہنے صدر فوجی آمر کے اختیارات لیے ہوئے بیٹھا ہے۔

لوگ چاہے اسے کتنا قومی مصالحہ لگائيں لیکن بہت سے اب بھی سوچتے ہونگے کہ وہ پنجاب جو دو سندھی وزیر اعظموں کے قتل اور فوجی ہیلی کاپٹروں میں سندھ کے گوٹھوں کو جانیوالے انکے تابوتوں پر نہیں اٹھا، تب بھی نہیں جب ان میں سے ایک بینظیر بھٹو قتل بھی لیاقت باغ میں ہوئي۔ ’میں جن کے لیے مری وہ کاندھے لگانے بھی نہیں آئے‘، شاہ بھٹائي نے کہا تھا۔ بلوچستان میں معمر رہنما اکبر بگٹی کو قتل کیا گيا۔ سرحد روز غزہ کی پٹی بنتا ہے۔

’وہ جدوجہد جو ہم نے پانچ جولائي انیس سو ستتر میں شروع کی تھی وہ چودہ مارچ دو ہزار نو کو اپنے انجام کو پہنچی ہے۔ انقلاب شروع ہو چکا ہے۔‘ ضیاء الحق کے دنوں میں لاہور میں ریاستی تشدد و قید سہنے والے پاکستان پیپلزپارٹی کے ایک کارکن آغا صالح، جو اب نیویارک میں رہتے ہیں، کہہ رہے تھے۔

نواز شریف نے اس لانگ مارچ کو ’خاموش انقلاب‘ کا نام دیا۔ یہ لانگ مارچ اس لیے بھی صرف پنجابی مارچ نہیں تھا کہ اس لانگ مارچ میں کبھی ’منی ماؤ‘ کہلانے والے سندھی سیاسی لیڈر اور دانشور رسول بخش پلیجو نہ صرف اپنی عوامی تحریک کی سندھیانی تحریک کی کارکنوں کے ساتھ شریک ہونے آئے تھے بلکہ انکی سندھیانی تحریک کی کارکن سندھ میں سے پولیس اور رینجرز کے تشدد کی چناب پار کر کے پہنچی تھیں۔ بلوچستان سے پختون رہنما محمود خان اچکزئي اور انکی پارٹی بھی اس مارچ میں تھی۔

راوی کا پل، کالا شاہ کاکو، کاموکی، ایسا لگتا تھا کہ انقلاب چـل پڑا ہے۔ ایک لمبی رات جسکی صبح اسلام آباد کے ججز کالونی میں ہوئي۔ پاکستان میں سندھ جیسی ظالم پنجاب پولیس بھی ایسا لگتا تھا کہ اس شعر کی شکل بنی ہوئي تھی:

’میں حر ہوں اور لشکر یزید میں ہوں
میرا حسین ابھی کربلا نہیں پہنچا‘

یہ سنہ انیس سو نواسی کا تہران تھا یا اٹھاسی کا منیلا یا لاہور لگتا تھا یا تراسی چھیاسی کا سندھ۔ ’شریف برادران کی گالیاں سن کر نہ جانے کیوں مجھےانیس اسی کی دہائی یاد آ جاتی ہے۔ جامعہ پنجاب میں جمعیت کے ہاکی برداروں اور لاہور اور اسلام آباد میں شریف برادران کی پولیس اور ایجینسیوں کی ہاتھوں ماریں کھانے والا ایک صحافی دوست مجھ سے کہہ رہا تھا۔ لیکن نواز شریف اور چوہدری افتخار کو دیکھ کر یاد آتا ہے کبھی کبھی فرعون کے گھر میں موسی پیدا ہوجاتا ہے۔

’اس ملک میں امام مہدی تو آ سکتا ہے لیکن انقلاب نہیں آ سکتا‘ میں نے کئي برس پہلے یہ سوچ لیا تھا۔ لیکن کل انقلاب جی ٹی روڈ پر چل پڑا تھا۔ سوۓ ہوۓ پنجاب کے کانوں میں صور اسرافیل پھونکی جا چکی تھی۔

کل ہم ٹی وی پر اور فون کانفرنس پر اکٹھے ہوۓ تھے۔ ان میں کچھ پرانے جلاوطن اور کل کے انقلابی بھی تھے، کوئی ناروے سے تھا تو کوئي لاہور، کابل جرمنی سے ہوتا ہوا سان فراسسکو اور شکاگو سے تھا۔ کوئي اس وقت چلا تھا جب ابھی اسے پوری مونچھیں بھی نہیں آئي تھیں اور اب بڑہاپے کی دہلیز پر تھا۔ پھر ہم نے دیکھا کہ جی ٹی روڈ پر چڑھا ہوا انقلاب گوجرانوالہ پر آکر رک گيا ہے۔

’یہ انقلاب کبھی گوجر خان سے آگے نہیں بڑھتا۔ بس کبھی کالا شاہ کاکو تو کبھی کاموکی پر آکر رک جاتا ہے‘ ہم میں سے ایک نے کہا۔

’ہمیشہ ایسا ہی ہوتا ہے‘، ایک اور گویا ہوا۔

سولہ مارچ، ایک نئی’صبح آزادی‘

2009-03-16T11:24:00.000-07:00

یہ بحالی پاکستان میں عدلیہ کے بطور ادارہ جڑ پکڑنے کا باعث بھی بن سکتی ہے

افتخار محمد چودھری کی بطور چیف جسٹس بحالی پاکستان کے سوکھے دھانوں مینہ برسنے کے مصداق محسوس ہوتی ہے کہ ایک قانون دان کے ہاتھوں وجود پذیر ہونے والے اس ملک میں قانون کے فتح یاب رہنے کی مثالیں کم ہی ہیں۔

تقریباً دو برس کی معطلی و معزولی کہیے یا جنرل مشرف ، آصف زرداری اور فاروق نائیک کے بقول برطرفی قرار دے دیجیے، ملک کے اعلٰی ترین عدالتی منصب پر جسٹس افتخار محمد چودھری کی بحالی بہت سے اعتبار سے تاریخی ہے۔

انہوں نے تاریخِ پاکستان کے ایسے چیف جسٹس کا اعزاز تو پہلے ہی حاصل کر لیا تھا جس نے ہر طرح کی طاقت سے مالامال اور اسی کے نشے میں مدہوش فوجی آمر کے سامنے سر جھکانے سے نہ صرف انکار کیا بلکہ مستعفی ہونے کو بھی مسترد کر دیا۔ اب اس بحالی سے انہوں نے پاکستان میں بندوق پر میزان کی فتح کی اب تک کی واحد مثال بھی قائم کر دی ہے۔

درحقیقت جسٹس افتخار چودھری کی بحالی کئی اور لحاظ سے بھی غیرمعمولی اہمیت کی حامل ہے۔

سب سے بڑھ کر اس بحالی سے پاکستان کی اب تک کی بدقسمت اور حالیہ دنوں میں بدنام عدلیہ کے لیے اعزاز، افتخار اور تعظیم کا بھی امکان پیدا ہوا ہے۔ مستقبل میں اعلٰی عدلیہ کے جج صاحبان میزان کو انصاف پر رکھتے ہوئے یقینی طور پر اس بات کو بھی مدنظر رکھیں گے کہ ملک کے عوام قانون کی عملداری میں پوری طرح ان کے پشتیبان ہیں۔

ب تک ججوں اور اعلٰی عدلیہ کو حاکم وقت کے ہاتھ کی چھڑی اور جیب کی گھڑی سمجھ کر انصاف سے مایوس رہے سترہ کروڑ عوام کی بلند امیدوں کا مرکز یہی جج ہوں گے۔ بلوچستان میں وسائل پر اپنا جائز حق مانگنے والا اگر ان ججوں کی جانب دیکھے گا تو لاپتہ ہوجانے والوں کے ورثاء کی نظریں بھی انہی ججوں پر ہوں گی۔

اس بحالی سے ایک فوری فائدہ یہ بھی ہوگا کہ مستقبل میں انصاف کی لاش سے گزر کر گاڑیوں پر جھنڈے لہرانے میں کوئی عار محسوس نہ کرنے والے عدل کے ایسے تاجر کہ اب تک جن کی پاکستان میں کمی محسوس نہ ہوتی تھی، شاید اتنی آسانی سے دستیاب نہ ہو پائیں۔ اس جنس کی عدم دستیابی کا نتیجہ لازماً ایک زیادہ بااعتماد اور آزاد عدلیہ کی شکل میں ہی نکلے گا۔

جسٹس افتخار چودھری کے دوبارہ چیف جسٹس کے منصب پر فائز ہونے سے پاکستان کے حکمرانوں کواگر ایک طرف قانون کے سامنے سر جھکانے کی عادت پڑ سکتی ہے تو دوسری جانب سیاستدانوں کو بھی یہ ترغیب مل سکتی ہے کہ سیاست میں قانون کی پاسداری اور سر بلندی کامیابی کی جانب بھی لے جا سکتی ہے۔

یہی بحالی پاکستان میں عدلیہ کے بطور ادارہ جڑ پکڑنے کا باعث بھی بن سکتی ہے کہ آج کے بعد عدلیہ شاید صرف عدلیہ کے طور پر دیکھی جاسکے ناکہ پی سی او عدالتوں، فوجی آمر کی عدالتوں، جمہوری آمر کی عدالتوں، پیپلز پارٹی کی عدلیہ، مسلم لیگ کی عدلیہ وغیرہ وغیرہ کے مصداق۔ اسی طرح شاید جج حضرات بھی خود کو صرف جج سمجھیں ناکہ پیپلز پارٹی، مسلم لیگ، جی ایچ کیو اور ایم کیو ایم وغیرہ کے۔لیکن اس بحالی کے ساتھ ہی جسٹس افتخار چودھری اور ان کا ساتھ نہ چھوڑنے والے انتہائی بہادر اور قابل قدر ججوں کی بڑی ہی غیرمعمولی آزمائش بھی شروع ہوگئی ہے۔

اب تک ججوں اور اعلٰی عدلیہ کو حاکم وقت کے ہاتھ کی چھڑی اور جیب کی گھڑی سمجھ کر انصاف سے مایوس رہے سترہ کروڑ عوام کی بلند امیدوں کا مرکز یہی جج ہوں گے۔ بلوچستان میں وسائل پر اپنا جائز حق مانگنے والا اگر ان ججوں کی جانب دیکھے گا تو لاپتہ ہوجانے والوں کے ورثاء کی نظریں بھی انہی ججوں پر ہوں گی۔ کراچی میں بارہ مئی دوہزار سات کو مارے جانے والے اپنے لہو کا حساب اگر ان ججوں سے مانگیں گے تو اوکاڑہ کے دوردراز کھیتوں میں کئی عشروں تک ہل کی انی سے زمین کا سینہ چیر کر بمشکل جسم و جاں کا رشتہ برقرار رکھنے والے کاشتکار بھی اپنی زمین بندوق کے زور پر چھینے جانے کا ازالہ انہی ججوں کے ہاتھوں چاہیں گے۔

جسٹس افتخار چودھری کی بحالی کا اصل فائدہ پاکستانی سماج کو ہونا ہے جس کو اس تاریخی کامیابی سے یہ حوصلہ ملا ہے کہ عوام کی طاقت ملک کی تقدیر کا اہم ترین فیصلہ کرا سکتی ہے۔ آج کے بعد حاکم وقت آئین اور قانون کو موم کی ناک بنانے سے پہلے سو بار ضرور سوچیں گے کیونکہ اب آئین اور قانون کی عمل داری کی ضمانت عبوری آئینی احکامات ، آرڈیننس، ایک سو چوالیس اور امتناعی احکامات اور ریاستی طاقت نہیں، بلکہ سترہ کروڑ بااعتماد لوگوں کی شکل میں ملے گی۔

یہی نہیں، اس بحالی کے بعد انتہائی غالب امکان یہی ہے کہ نہ صرف ایسے مقدمات اور ان مقدمات کے فریق ان کے سامنے ہوں گے جو کل تک انہی ججوں پر سب و شتم کرتے رہے۔ اور تو اور ممکنہ طور پر جنرل مشرف پر غداری، آئین شکنی اور بغاوت کے مقدمات بھی انہی ججوں کے سامنے آئیں گے۔ اب تک ثابت قدم رہنے والے اور بطور جج اپنا وقار قائم رکھنے والے منصفین کو میزان اپنے ہاتھوں میں دوبارہ اٹھانے سے پہلے اس بات پر غور کرنا ہوگا کہ کیا یہ بھاری پتھر وہ اٹھا بھی سکیں گے۔

لیکن ان تمام باتوں کے ساتھ ساتھ جسٹس افتخار چودھری کی بحالی کا اصل فائدہ پاکستانی سماج کو ہونا ہے جس کو اس تاریخی کامیابی سے یہ حوصلہ ملا ہے کہ عوام کی طاقت ملک کی تقدیر کا اہم ترین فیصلہ کرا سکتی ہے۔ آج کے بعد حاکم وقت آئین اور قانون کو موم کی ناک بنانے سے پہلے سو بار ضرور سوچیں گے کیونکہ اب آئین اور قانون کی عمل داری کی ضمانت عبوری آئینی احکامات ، آرڈیننس، ایک سو چوالیس اور امتناعی احکامات اور ریاستی طاقت نہیں، بلکہ سترہ کروڑ بااعتماد لوگوں کی شکل میں ملے گی۔

اور سب سے بڑھ کر آئندہ کوئی بھی فوجی طالع آزما بندوق کے زور پر اس ملک و قوم کی قسمت سے کھیلنے سے پہلے کم سے کم سو بار تو ضرور سوچے گا۔ اب یہ توقع کرنا بلاشبہ عجب نہیں ہے کہ ضیاءالحقوں اور پرویز مشرفوں کا ذکر آئندہ صرف سیاہ الفاظ میں تاریخ کے صفحات میں ہی ملے گا۔

قیام پاکستان کے بہت بعد پیدا ہونے والی نسل کے لیے اگر نو مارچ دو ہزار سات قرارداد پاکستان کے برابر تھا تو سولہ مارچ دو ہزار نو کی تاریخ صبحِ آزادی سے کم نہیں ہے

جسٹس کی بحالی پر خوشیاں اور ریلیاں

2009-03-16T10:36:00.000-07:00

جسٹس کی بحالی پر خوشیاں اور ریلیاں

اعلان کے بعد وکلاء معزول چیف جسٹس کے گھر جمع ہونا شروع ہوگئے

وزیراعظم سید یوسف رضا گیلانی کی جانب سے سپریم کورٹ کے معزول چیف جسٹس افتخار محمد چوہدری کی بحالی کے اعلان کے بعد ملک بھر میں خوشیاں منائی جا رہی ہیں۔

ہمارے نامہ نگار اعجاز مہر نے اسلام آباد سے بتایا کہ وزیراعظم کے اعلان کے بعد وکلاء معزول چیف جسٹس کے گھر جمع ہونا شروع ہوگئے اور سکیورٹی کی پرواہ کیے بناء چیف جسٹس کے گھر کے صحن میں داخل ہوکر نعرے لگائے۔

چیف جسٹس کے گھر کے باہر ذرائع ابلاغ کے نمائندوں، سول سوسائٹی، وکلاء اور سیاسی جماعتوں کے کارکن کافی تعداد میں چیف جسٹس افتخار محمد چوہدری کی جھلک دیکھنے کے لیے بیتاب تھی۔ ادھر تحریک انصاف، مسلم لیگ (ن) اور جماعت اسلامی کےکارکنوں نے اسلام آباد میں علیحدہ علیحدہ جلوس نکالے اور خوشی کا اظہار کیا۔ جماعت اسلامی کے درجنوں کارکن آبپارہ چوک پر جمع ہوئے جہاں قاضی حسین احمد نے ان سے خطاب کیا اور قوم اور اپنے کارکنوں کو مبارکباد پیش کی۔ مسلم لیگ (ن) کے اقبال ظفر جھگڑا کی سربراہی میں دو درجن گاڑیوں کا قافلا شہر میں اپنی جماعت کے پرچم لہراتے ہوئے گھومتا رہا۔

اسلام آباد اور راولپنڈی میں عام تعطیل کی وجہ سے بازار بند ہیں اور چھوٹےچھوٹے جلوس نکالے جا رہے ہیں۔

کراچی سے ہمارے نامہ نگار ریاض سہیل نے بتایا کہ وزیراعظم کے حکم پر کراچی بار کے صدر محمد علی عباسی اور جنرل سیکریٹری نعیم قریشی سمیت پندرہ وکلاء کو سینٹرل جیل سے رہا کردیا گیا ہے۔ وکلاء نے جلوس کے ساتھ ان کا استقبال کیا۔سندھ ہائی کورٹ بار میں جنرل باڈی اجلاس منعقد کیا گیا جس میں ججز کی بحالی پر خوش کا اظہار کیا گیا اور جدوجہد جاری رکھنے کا عزم دہرایا گیا۔

یہ جمہوری اقدار کی فتح ہے اور عوام کی جدوجہد کا ثمر ہے اور اس کی سب کو حفاظت کرنی چاہیے۔ عدلیہ کو موقع دینا چاہیے تاکہ وہ صحیح طریقے سے انصاف کرنے کی جو کوشش کر رہی ہے اس میں کامیاب ہو۔

جسٹس مشیر عالم

اجلاس سے ہائی کورٹ بار کےصدر رشید رضوی نے خطاب کرتے ہوئے کہا کہ انہیں اب نوٹیفکیشن کا انتظار ہے کہ اس میں کیا زبان استعمال کی جاتی ہے اور اس کا باریک بینی سے جائزہ لینا ہوگا۔ ان کا کہنا تھا کہ گزشتہ ایک سال میں پی سی او اور ججز کی تقرری کے ذریعے عدلیہ کو آلودہ کیا گیا ہے اس لیے وکلاء مکمل طور پر خوش نہیں ہیں۔ انہوں نے مزید کہا کہ جب تک یہ آلودگی ختم نہیں ہوتی سفارشی ججز واپس نہیں جاتے ہیں وکلاء کی جدوجہد جاری رہے گی۔

رشید رضوی کا کہنا تھا کہ چیف جسٹس یا عدلیہ کی بحالی سے عدلیہ آزاد نہیں ہوگی۔ گزشتہ ساٹھ برسوں سے اس میں اتنے ڈینٹ لگائے گئے ہیں جب تک وہ صحیح نہیں ہوتے اور قبلہ درست نہیں کیا جائے ایک دو واقعات سے عدلیہ آزاد نہیں ہوگی۔

دوسری جانب وزیراعظم کے حکم کے تحت سندھ ہائی کورٹ کے دو معزول جسٹس مشیر عالم اور جسٹس مقبول باقر بحال ہوگئے ہیں اور دونوں نے پیر کی صبح ہائی کورٹ بار کا دورہ کیا۔ اس موقعے پر ان پر پھول نچھاور کیے گئے اور نعرے لگائے گئے۔بحال ہونے والے جج صاحبان کا کہنا ہے کہ وہ عوام کی امیدوں پر پورا اتریں گے۔ جسٹس مقبول باقر کا کہنا تھا کہ حق اور سچ کی کامیابی پر جو جذبات ہونے چاہیئیں آج ان کے بھی وہ جذبات ہیں اور اب آئین اور قانون کا دور دورہ ہوگا اور اسی حساب سے معاملات سلجھیں گے۔

جسٹس مشیر عالم کا کہنا تھا کہ یہ جمہوری اقدار کی فتح ہے اور عوام کی جدوجہد کا ثمر ہے اور اس کی سب کو حفاظت کرنی چاہئیے۔ ان کا کہنا تھا کہ عدلیہ کو موقعہ دینا چاہیئے تاکہ وہ صحیح طریقے سے انصاف کرنے کی جو کوشش کر رہی ہے اس میں کامیاب ہو۔ ان کے مطابق جمہوری حکومت کی تائید کرنی چاہیئے۔ آزاد عدلیہ کی جو بنیاد رکھی گئی ہے اس برقرار رکھنے کی کوشش کریں گے۔

درین اثنا جماعت اسلامی،لیبر پارٹی اور پاسبان کی جانب سے مزار قائد سے کراچی سٹی کورٹس تک ریلی نکالی گئی۔

’آزاد عدلیہ کی جو بنیاد رکھی گئی ہے اس برقرار رکھنے کی کوشش کریں گے‘

معزول ججوں کی بحالی پر پنجاب کے دارالحکومت لاہور کی ضلعی بار ایسوسی ایشن اور ہائی کورٹ بار میں سوموار کو جشن جیسی صورت حال ہی رہی۔

نامہ نگار عباد الحق کے مطابق وکیلوں نے بار ایسوسی ایشن میں ایک دوسرے کو مبارک باد دی اور جسٹس افتخار محمد چودھری کے حق میں نعرے لگائے۔وکلا نے مٹھائیاں بانٹیں اور ڈھول کی تھاپ بھنگڑے ڈالے۔ وکیل لاہور ہائی کورٹ کے سینئر ترین جج جسٹس خواجہ محمد شریف کے گھر پہنچ گئے اور انہیں بحالی پر مبارک باد دی اور ان کے گلے میں پھولوں کے ہار ڈالے۔ اس موقع پر بحال ہونے والے جسٹس خواجہ شریف نے میڈیا سے مختصر بات کی اور کہا کہ عدلیہ پر اس فیصلہ کے مثبت اثرات مرتب ہونگے۔ملک کے دیگر شہروں کی طرح پشاور سمیت صوبہ سرحد کے مختلف علاقوں میں معزول ججوں کی بحالی کے اعلان پر وکلاء اور سیاسی جماعتوں کے کارکنوں نے جشن منایا اور ڈھول کے تھاپ پر رقص کیا۔ پشاور سے رفعت اللہ اورکزئی نے بتایا ہے کہ صبح ہی سے وکلاء اور سیاسی جماعتوں کے کارکن ٹولیوں کی شکل میں پشاور ہائی کورٹ پہنچنا شروع ہوئے اور دن گیارہ بجے تک وہاں وکلاء کی ایک بڑی تعداد جمع ہوگئی تھی۔

اس موقع پر وکلاء نے ' زندہ ہیں وکلاء زندہ ہیں، آئین کی خاطر زندہ ہیں‘ اور 'گو زرداری گو‘ کے نعرے بھی لگائے۔

اس دوران جماعت اسلامی اور تحریک انصاف کے صوبائی عہدیداران کی قیادت میں چھوٹے چھوٹے جلوس پشاور ہائی کورٹ پہنچتے رہے جہاں بعد ازاں ایک جلسہ بھی منعقد ہوا جس سے وکلاء اور سیاسی جاعتوں کے رہنماؤں نے مختصر خطاب کرتے ہوئے معزول ججوں کی بحالی کو عدلیہ اور انصاف کی فتح قرار دیا۔اس سے قبل پشار ہائی کورٹ کے احاطے میں صحافیوں سے مختصر گفتگو کرتے ہوئے پشاور ہائی کورٹ کے چیف جسٹس طارق پرویز خان نے کہا کہ آج حقیقی معنوں میں معزول ججوں کی بحالی سے عدلیہ آزاد ہوگئی اور وکلاء کی تحریک رنگ لائی ہے ۔ انہوں نے کہا کہ وزیراعظیم یوسف رضا گیلانی کے اعلان کے بعد عدلیہ کی ساکھ بحال ہوجائے گی اور نظریہ ضرورت بھی ختم ہوجائے گا۔

گزشتہ ایک سال میں پی سی او اور ججز کی تقرری کے ذریعے عدلیہ کو آلودہ کیا گیا ہے اس لیے وکلاء مکمل طور پر خوش نہیں ہیں۔ جب تک یہ آلودگی ختم نہیں ہوتی سفارشی ججز واپس نہیں جاتے ہیں وکلاء کی جدوجہد جاری رہے گی۔

رشید رضوی

کوئٹہ میں جسٹس افتخار محمد چوہدری اور دیگر ججوں کی بحالی کے بعد جشن کا سماں تھا جہاں مختلف سیاسی جماعتوں اور تنظیموں کی جانب سے جلوس نکالے گئے جلسے منعقد ہوئے اور ڈھول کی تھاپ پر رقص کیےگئے۔

نامہ نگار عزیز اللہ خان کے مطابق کوئٹہ میں جناح روڈ، شارع اقبال، قندھاری بازار، میزان چوک اور منان چوک پر مختلف سیاسی جماعتوں اور مزدور تظیموں نے جلوس نکالے۔ پشتونخواہ ملی عوامی پارٹی نے سب سے بڑی ریلی نکالی اور اس کے کارکن ڈھول کی تھاپ پر مختلف مقامات پر رقص کرتے رہے اور بعد میں میزان چوک پر قائدین نے جلسے سے خطاب کیا ہے۔ جماعت کے قائدین نے چیف جسٹس افتخار محمد چوہدری اور دیگر ججوں کی بحالی کے فیصلے کو سراہا ہے اور کہا ہے کہ اس فیصلے سے عدلیہ کا بول بالا ہوا ہے۔پنجاب میں سپریم کورٹ کے چیف جسٹس افتخار محمد چودھری سمیت دیگر تمام معزول ججوں کی بحالی کے اعلان پر وکیلوں اور سیاسی جماعتوں کے کارکنوں نے جشن منایا اور میٹھایاں تقسیم کیں۔

Rally in lahore

2009-03-16T07:13:00.000-07:00

جارحانہ ریلی سے لاہور والے حیران

علی سلمان

بی بی سی اردو ڈاٹ کام، لاہور

لاہور جی پی او چوک

شام کو اہلیان لاہور نے نواز شریف کو لانگ مارچ کا تحفہ دیکر رخصت کیا

مسلم لیگ نون کی جارحانہ ریلی نے خود لاہور والوں کو حیران کرکے رکھ دیا ہے۔نواز شریف جب پہلی رکاوٹ توڑ کرنکلے تو میں نے لوگوں کو دیوانہ وار ان کی جانب بھاگتے دیکھا۔ ماڈل ٹاؤن کی گلیاں نعرے مارتے کارکنوں کو ایسے اگلنے لگیں جیسے کلاشنکوف کی نالی سے گولیاں نکلتی ہیں۔ صرف دس منٹ کےاندر تعداد تین سو سے بڑھ کر تین ہزار ہوچکی تھی اور اگلے ایک گھنٹے کے اندر یہ دس ہزار سے تجاوز کرگئی۔

شام کو اہلیان لاہور نے نواز شریف کو لانگ مارچ کا تحفہ دیکر رخصت کیا تو اس وقت جلوس کی تعداد تیس ہزار سے زیادہ ہوچکی تھی اور اس سے کہیں زیادہ تعداد نواز شریف کو رخصت کرکے گھروں لوٹ گئی تھی۔

لاہور کے شہریوں نے گزشتہ بارہ چودہ برس کےدوران ایسی پرتصادم اتنی بڑی ریلی نہیں دیکھی تھی اور اس بار لانگ مارچ کچلنے کے لیے جتنے سخت اقدامات کیے گئے تھے اس کی مشرف کے فوجی دور میں بھی نظیر نہیں ملتی۔ ایسے حالات میں اتنی بڑی ریلی کو خود مسلم لیگی حلقے معجزہ قرار دے رہے ہیں۔

'میں نے قدم بڑھا دیا ہے اپنا وعدہ پورا کرو میرے ساتھ آؤ ہم اس ملک کی تقدیر بدل دیں گے۔ نواز شریف نے ’معجزاتی ریلی‘ نکالنے سے پہلے میڈیا کے ذریعے عوام سے جذباتی خطاب کیا تھا۔

مقامی میڈیا نے نواز شریف کی تقریر براہ راست دکھائی۔ مسلح پولیس میں محصور نواز شریف کی آٹھ منٹ کی جذباتی تقریر نے لاہور میں آگ سی لگا دی تھی۔ کارکن انتہائی جذباتی ہوگئے۔ میں نے سنا ایک کارکن کہہ رہا تھا کہ کسی نے نواز شریف کو انگلی بھی لگائی تو میں اس کےٹکڑے کردوں گا۔

نظربندی کے ریاستی پروانے ردی کے ٹکڑوں سے حقیر ہوگئے، پابندیوں کی خاردار تاریں موم بن کر پگھل گئیں اور رکاوٹوں کے کنٹینر آبی بخارات بن ہوا میں تحلیل ہوگئے۔ کالی وردی والے ظالم پولیس اہلکار ایسے نیک بنے کہ لاہور کی سڑکیں پنجاب پولیس زندہ باد کے عجیب نعروں سے گونجنے لگیں۔

پولیس پسپا ہونے کے مناظر براہ راست نشر ہوئے تو عوام میں رہا سہا خوف بھی ختم ہوگیا ہے اور یہ حیرت انگیزمنظر دیکھنے میں آیا کہ عورتیں اپنے بچے گودی میں اٹھائے جلوس میں شامل تھیں۔

بے بس ہونے کے بعد کوئی چارہ نہ دیکھ کر پولیس نے یہ افواہ پھیلا دی کہ نواز شریف اب گورنر ہاؤس پر حملہ کرنے والے ہیں۔ اس آڑ میں مظاہرین سے متصادم پولیس کی ساری فورس صرف اور صرف گورنر ہاؤس کے باہر لگا دی گئی۔ مال روڈ پر جماعت اسلامی کے تربیت یافتہ کارکنوں سے جان چھڑا کر پولیس فورس نے اس گورنر ہاؤس کے سامنے سکھ کا سانس لیاجس کے اندر سلمان تاثیر بیٹھے ان حالات کا جائزہ لے رہے تھے۔

پورے دن کے دوران نہ تو کسی ٹی وی چینل نے ان کی پراعتماد مسکراہٹ کی جھلک دکھائی اور نہ ہی منظور وٹو سمیت ان پانچ وفاقی وزیروں کی کوئی آواز سنائی دی جنہیں آصف زرداری نے لانگ مارچ کنٹرول کرنے کے لیے پنجاب بھیجا تھا۔

ہو سکتا ہے کہ سلمان تاثیر یہ سوچ رہے ہوں کہ وہ لانگ مارچ روکنے میں ناکامی کا صدر آصف زرداری کو کیا جواز پیش کریں گے؟کیونکہ ابھی تک وہ پیپلز پارٹی کی لیڈرشپ کو اس بات پر مطمئن نہیں کرسکے کہ انہوں نےگورنر راج کے بدلے بہتر گھنٹے کے اندر پنجاب میں پیپلز پارٹی کی حکومت قائم کردینے کا دعویٰ کس بل بوتے پر کیا تھا۔

نواز شریف نے کہا تھا کہ سلمان تاثیر بلو دی بیلٹ انہیں ہٹ کرتے ہیں آج نوازشریف کےحامیوں نے انہیں بھی جواب دیا ہے۔

لیگیوں نے تمام سرکاری پابندیوں کو اپنے پاؤں کی ٹھوکر پر رکھ کرایک طرح سے پنجاب میں گورنر کے راج کواوپرنیچے دائیں بائیں ہرطرف سے ہٹ کیا ہے۔

اس میں کوئی شک نہیں کہ لاہور نوازشریف کا آبائی شہر اور مسلم لیگ نون کا گڑھ ہے لیکن شریف کے زیادہ تر حمایتی خاموش ووٹر ہیں۔ وہ بھی ایسے کہ اگر حالات پرامن ہوں تو تب ہی ووٹ ڈال آتے ہیں لیکن مسلم لیگیوں کا آج کا رویہ حیرت انگیز تھا۔ وہ مسلم لیگ کے شہری بابو نہیں بلکہ پی پی کے جیالے اور جمیعت کے لڑاکے لگ رہے تھے۔

پندرہ برس پہلے تحریک نجات کے دوران بھی نواز شریف نے لاہور میں ایک بڑا جلوس نکالا تھا لیکن اس زمانے میں پیپلز پارٹی کی حکومت نے ریاستی تشدد کے ایسے ہتھکنڈے استمعال نہیں کیے تھے جن کا مسلم لیگ نون آج کل سامنا تھا۔

اس میں کوئی شک نہیں لاہور بھٹو کے پرستار دیوانوں کا شہر بھی ہے لیکن صرف ایک برس پہلے جب مرحومہ بے نظیر بھٹو کو لانگ مارچ سے روکنے کے لیے مشرف حکومت نے ڈیفنس میں نظر بند کیا تھا تو ان کے جیالے اپنے بل بوتے پر انہیں ایک چوراہا بھی پار نہیں کرواسکے تھے۔

اس اتوار کو نواز شریف کے حامیوں نے وہ کام کردکھایا ہے جس کی ان سے کبھی توقع نہیں کی گئی۔

لانگ مارچ کی پیشرولاہور کی اس ’لیگی ریلی‘ نے پورے ملک کے سیاسی منظر نامے کو تبدیل کرکے رکھ دیا ہے۔

لانگ مارچ کراچی کوئٹہ پشاور ملتان سے ناکام ہوچکی تھی۔ وہ بلوچستان سے ایک انچ آگے نہیں بڑھ سکی اور سندھ کی سرحد اس کے لیے سات سمندر بن چکی تھی۔ملتان سے چھ سو کارکنوں کا جو جلوس نکلا تھا وہ چھ کلومیٹر بعد ہی کہیں گم ہوگیا۔

ریاستی تشدد نے تحریک کےحامیوں کے چہروں میں مایوسی کے بادل لہرا دیئے تھے لیکن اہل لاہور نے امیدوں کے ایسے دیے روشن کردیئے ہیں جن میں سورج کی سی تپش دینے کے صلاحیت موجودہے۔

Sri lankan Team par hamla

2009-03-08T09:39:00.000-07:00

Click to Enlarge

پاکستان کی صحیح صورتحال

2008-10-07T11:35:00.000-07:00

yeh bajour ke masooom log

2008-10-05T13:00:00.001-07:00

pakistani leaders meeting

2008-10-05T12:56:00.001-07:00

Pakistan , a new war zone says,Redcross

2008-10-05T12:34:00.000-07:00

Taliban 'angry' at missile strike

2008-10-05T12:30:00.000-07:00

The Taliban are unusually angry about the latest suspected US missile strike in Pakistan, indicating that a top militant may have died, officials and residents said as the death toll from the attack rose to 24.

The US has ramped up cross-border strikes on alleged al-Qaida and Taliban targets along Pakistan's side of the border with Afghanistan, straining the nations' anti-terrorism alliance.

The US says pockets of Pakistan's border region, especially in its semiautonomous tribal areas, are bases for militants attacking American and NATO forces in Afghanistan.

It has pushed nuclear-armed Pakistan to eliminate the safe havens.

The frontier region is believed to be a possible hiding place for al-Qaida leader Osama bin Laden and his deputy Ayman al-Zawahri, and several Arab militants were said to be among the dead in Friday's strike in North Waziristan tribal region.

Two Pakistani intelligence officials said that over the weekend two people wounded in the attack died at a hospital in Miran Shah, the main town in North Waziristan. The officials spoke on condition of anonymity because they were not authorised to speak to news media.

Based on information from informants and agents in the field, the intelligence officials said the Taliban appeared unusually perturbed over the latest attack.

The anger was a signal that a senior militant may have been killed, but that has yet to be confirmed, they said.

The insurgents were moving aggressively in the area while using harsh language against locals, including calling them "saleable commodities" -- a reference to people serving as government spies, the officials said.

Two area residents said Taliban fighters had warned people not to discuss the missile strike or inspect the rubble at the site. The residents asked not to be named for fear of Taliban retaliation.

Pakistanis eye US Presidential Elections

2008-10-05T12:29:00.000-07:00

Pakistanis eye US presidential candidates

By NAHAL TOOSI – 4 hours ago

ISLAMABAD, Pakistan (AP) — A Pakistani wish list for the next U.S. president might read something like this: an end to cross-border strikes on militants, more aid for the country's battered economy and greater support for its elected government.

But few people here expect to be satisfied whoever enters the White House — a sign of the difficulties ahead for the U.S. in winning public sympathy at a critical time in the war on terrorism.

Pakistanis, many of whom speak English well, have been treated to considerable coverage of the U.S. race via local newspapers and television channels. Few, however, are seeing substantive differences between Democrat Barack Obama and Republican John McCain.

"Maybe Obama appears harsher, but McCain is sugarcoating the same bitter pill," said Anwar Mahmood, a small business owner among many ordinary Pakistanis, analysts and politicians interviewed by Associated Press reporters across the country.

Dealing with nuclear-armed Pakistan and the spillover of the Afghanistan war into its territory is one of the biggest foreign policy challenges awaiting the next president.

With the Taliban resurgent in Afghanistan, the U.S. is pushing Pakistan to eliminate militant bases on its side of the border and has carried out a surge of missile strikes against suspected al-Qaida and Taliban targets.

Pakistan is battling rising terrorist violence of its own, underscored by last month's bombing of the Marriott Hotel in Islamabad that killed 54 people.

The Muslim nation of 170 million is hit by soaring inflation, food costs and deficits, while the government — less than seven months old — is still struggling to establish its authority.

Obama has openly supported U.S. strikes in the lawless and rugged border region, and has questioned whether Pakistan has done enough to fight militants despite receiving more than $10 billion in U.S. aid since 2001.

McCain says engaging Pakistanis is vital to defeating extremists, and that cross-border strikes shouldn't be discussed "out loud."

His vice presidential candidate, Sarah Palin, raised eyebrows when she appeared to endorse Obama's more hawkish tone on Pakistan. McCain was forced to defend the remark, saying it was not meant to be taken as a policy statement.

"I don't see much difference in essence in their approaches, so I don't see any change in the policy, whoever comes to power," said Khalid Mahmood, a longtime Pakistani diplomat.

Many fear the financial crisis roiling America could mean a drop in aid and trade with Pakistan.

"Things are going to be worse for Pakistan in the post-election scenario," predicted Irum Khan, a 28-year-old psychologist in Karachi. "The new U.S. government will face immense financial pressure and they will not be able to look after Pakistani interests, financial or political."

Obama has several advantages in Pakistani eyes.

He is a Democrat, offering hope for a fresh American foreign policy after eight years of President Bush, who is deeply unpopular in Pakistan.

The notion of a U.S. president with African roots is attractive to many Pakistanis, who believe he may be more receptive to developing world concerns.

Some like Obama because they believe — incorrectly — that he is Muslim.

McCain is seen as too close to Bush, but his less aggressive stance on the cross-border operations has been noted, while his foreign policy experience and military background are also cited as pluses.

"He is right in saying it is impossible to win the war on terror without the support of the people of Pakistan," said Shahid Rana, a lawyer in Lahore.

Pakistan government officials have been careful not to publicly support one candidate versus the other, noting they'll have to work with the winner, whoever he is.

Farzana Raja, a senior member of the ruling Pakistan People's Party, said the next U.S. president should support democracy in Pakistan, something that would be helped by more economic aid.

The Bush administration supported Pervez Musharraf, a one-time army chief who took power in a 1999 military coup. He quit Pakistan's presidency in August to avoid impeachment.

Cutting off aid "will not combat the terrorism in our country," Raja added.

Pakistanis are savvy enough to distinguish between election rhetoric and the realities of office.

"The real face will emerge after either of them comes into power," said Ahsan Saeed, a 45-year-old from Karachi.